27
1
Куке вуиз ӵукна, ваньмыз первосвященникъёс но калыклэн кивалтӥсьёсыз люкаськизы кенеше, Иисус пумысен, кызьы Сое сётоно виыны.
2
Думылыса Сое нуизы но сётизы Понтий Пилат кивалтӥсьлы.
3
Соку Иуда кудыз вузаз, адӟиз кызьы Иисус судэ сётэмын но валаз умойтэм уж лэсьтэмзэ берлань сётӥз куамын азвесь коньдонзэ первосвященникъёслы но калыкъёслэн кивалтӥсьёсызлы.
4
Но шуиз:"Сьӧлыке мон пыри, янгыштэм вирез вузаса сётӥ. Нош соос солы шуизы, милемлы маке шат.Учкы ачид".
5
Азвесь коньдонзэ зӥртӥз храме, со кошкиз но ошкиз.
6
Первосвященникъёс, азвесь коньдонэз люкаса, шуизы:"Уг яра тае уже кутыны храмын, малыке шуоно вирлэн дуныз со".
7
Кенешыса, соос со коньдонлы басьтӥзы горшок лэсьтӥсьлэсь бусызэ, калгыса ветлӥсьёсты кулэм беразы отчы ватыны.
8
Соин ик со музъе та дырозь нимаське "вир бусы".
9
Соку быдэсмиз верамез(Кузё Инмарлэн) Иеремия пророк пыртӥ, кудыз вера:"Но басьтӥзы куамын азвесь коньдон - Солэн дуныз, Кинэ дунъязы Израильлэн пиосыз, -
10
но сётизы сое горшечниклэн бусыез понна, кызьы вераз мыным Кузё Инмар".
11
Нош Иисус сылӥз кивалтӥсь азьын, но соиз Солэсь юаз:"Тон Иудеялэн царьез?",
12
Куке Сое первосвященникъёс но калыклэн кивалтӥсьёсыз янгыше уськытӥзы, Со номыре но пумит ӧз вазьыл.
13
Соку Солы Пилат шуиз:" Уд шат кылиськы, кӧня калык верало Тон пумитэ?"
14
Нош Со ӧз вазьыл солы пумит одӥгезлы но янгыше уськытэмезлы, соин ик кивалтӥсь туж зол паймиз.
15
Пасха праздниклы кивалтӥсьлэн сямыз вылэм одӥгзэ адямиез тюрмаысь лэзьыны, кудзэ калык куроз.
16
Со дырын тюрьмаын пытсамын вал одӥг разбойник, кудызлэн нимыз вал Варавва.
17
Но ку соос люкаськизы, Пилат юаз соослэсь:"Кинэ мыным лэзёно, Варавваез яке Иисусэз, Кудзэ Христос шуо?"
18
Со тодэ вал, Сое вожъяськеменызы кутыса сётӥзы шуыса.
19
Со вискын, куке Пилат заседать каре вал судын, кышноез солэн келяз солы ивор:"Эн лэсьты номыре но уродзэ шонер улӥсьлы, малыке шуоно мон туннэ уйвӧтам трос курадӟи Со сэрен".
20
Нош первосвященникъёс но калыклэн кивалтӥсьёсыз валэктӥзы калыклы Варнавваез курыны нош Иисусэз - виыны.
21
Соку кивалтӥсь юаз соослэсь:" Кинэ кык пӧлысь куроды, мон мед лэзё шуыса?" Соос шуизы:"Варнавваез".
22
Пилат шуиз соослы:"Мар мыным лэсьтоно Иисусэн, кудзэ верало Христос?" Ваньмыз кеськыса веразы:" Кортӵогамын мед луоз!"
23
Кивалтӥсь юаз:" Мар бен уродзэ Со лэсьтӥз?" Нош соос уката но золгес кеськыса веразы:"Кортӵогамын мед луоз!"
24
Пилат, адӟыса, номыре но уг юртты шуыса, нош бугыръяськон кужмоя, басьтӥз ву но миськиз кизэ вань калык азьын. Но шуиз:"Мынам ӧвӧл янгыше та шонер лэсьтӥсьлэн вирез понна. Учкелэ асьтэос".
25
Но соку вань калык вераз:"Солэн вирез ми вылын но милям пиналъёсмы вылын".
26
Соку Пилат лэзиз соослы Варавваез, нош Иисусэз, жугыса, кортӵоганы сётӥз.
27
Но кивалтӥсьлэн солдатъёсыз нуизы Иисусэз преторияе. Люкаса Со котыре быдэс полк.
28
Но Солэсь дӥсьсэ кыльыса, дӥсязы Со вылэ пеймыт горд басмалэсь вурэм царской дӥсь,
29
тёрнпулэсь бышкись вене ваезлэсь венок пунӥзы, бур кияз Солы сётӥзы боды.Солэн азьпалаз пыдесъяськыса Сое исамес карыса веразы:"Шумпот, Иудеялэн Царез!".
30
Солэн вылаз сялаллязы но киязы боды кутыса йыраз шуккылӥзы.
31
Куке дугдӥзы серем каремысь, кылизы Со вылысь царской дӥсез но дӥсязы Аслэсьтыз дӥсьсэ но нуизы кортӵоганы.
32
Потыкузы соос пумитэ шедиз Киринеяысь Симон нимо пияш сое нуыны косӥзы Иисуслэсь кироссэ.
33
Голгофа шуон интые вуыса, мукет сямен та инты нимаське "кымыс инты",
34
соку солы сётӥзы юыны уксусэз желчен сураса. Со шӧмтӥз но ӧз ю.
35
Сое кортӵогаса, соос пус куяса Солэсь дӥськутсэ куспазы люкылӥзы,
36
но, пуксьыса, возьмазы Сое отын.
37
Нош Солэн йыр вылаз гожтэм ошизы, отын гоштэмын вал Солэн янгышез:"Та луэ Иисус, Иудеяысь Царь"
38
Соку Соин ӵош кирос вылын кортӵогамын вал кык разбойникъёс:одӥгез бур палаз, мукетыз паллян палаз Иисуслэн.
39
Дортӥз ортчисъёс йырзэс шонаса Солы урод кылъёс кеськыса вераллязы
40
но шуылӥзы:"Тон кудыз вералляд:"Куаӵкато храмез но куинь нуналскын пукто сое! Уть Астэ Ачид,Тон Инмар Пи ке васькы киросысь.
41
Озьы ик первосвященникъёс, книжникъёсын но калык кивалтӥсьёсын но фарисейёсын сереместыса веразы:
42
"Мукетъёссэ спасать карылӥд, нош астэ ачид уд быгатӥськы спасти карыны. Со Израильлэн царез ке мед васькоз киросысь соку ми оском солы.
43
Со оске вал Инмарлы, мед табере Инмар мозмытоз Сое, Солы Со кельше ке. Угось со шуылӥз :"Монн - Инмарлэн пиез".
44
Озьы ик разбойникъёс но соин ӵош кортӵогамъёсыз, пыкылӥзы Сое.
45
Куатьысен укмыс часозь пеймыт вал быдэс музъем вылын.
46
Нош укмыс час котыр Иисус лек кеськиз:"Эли! Эли! Лама сабахтин?", яке со луэ:"Инмаре Мынам! Инмаре Мынам! Малы Тон Монэ кельтӥд?"
47
Куд огез, кин сылэ вал отын, кылыса тае шуизы:"Со ӧте Илияез".
48
Соку ик одӥгез соос пӧлысь бызьыса мынӥз, губка басьтыса, уксусын коттӥз но боды йылэ поныса, Солы юыны сётӥз.
49
Нош мукетъёсыз шуизы:"Витем но адӟём, лыктоз-а Илия мозмытыны сое"
50
Иисус нош ик кеськиз кужмо куараен но лулыз тотӥз.
51
Но тани, храмын занавес кеськиз шорияк - вылӥысен улӥёзь. Музъем зурказ но изъёс пилиськылӥзы.
52
Шӧйгуос усьтӥськизы но тросэз кулэм святойёс улӟыса султӥзы.
53
Шӧйгуысь потыса Солэн кулэмысь улӟемез бере, пыризы святой городэ но тросэзлы возьматскизы.
54
Нош сотник но соин ӵош Иисусэз возьмась солдатъёс, музъем зуркамез адӟыса но ваньзэ луэмзэ, туж зол кышказы но шуизы:"Зэм Со Инмарлэн Пиез вылэм".
55
Отын озьы ик вал тросс кышномуртъёс соос палэнысен учкыса сылӥзы, кудъёсыз Иисус сьӧры лыктӥзы Галилеяысь, служить карыса Солы.
56
Соос пӧлын вал Мария Магдалина но Мария, Иаковлэн но Иосиялэн анайзы, но Зеведейлэн пиоссылэн анайзы.
57
Куке вуиз ӝыт, лыктӥз узыр адями Аримафеяысь кудызлэн нимыз вал Иосиф, кудыз озьы ик дышетскиз Иисус дорын.
58
Со лыктӥз Пилат доры но куриз Иисуслэсь шӧйзэ. Пилат лэзиз басьтыны.
59
Иосиф басьтӥз шӧйзэ но бинялтӥз вечи чылкыт етӥн дэрае
60
но понӥз аслаз выль шӧйгуаз, кудзэ со гурезе копаса лэсьтэм. Но бадӟым изэн пыкыса шӧйгулэсь ӧссэ, кошкиз.
61
Нош Мария Магдолина но мукетыз Мария пуксизы шӧӥгу пумитэ.
62
Мукет нуналэ пятница бере люкаськизы первосвященникъёс но фарисейёс Пилат дорын
63
но шуизы:"Господин! Ми тодамы ваимы, со пӧялляськись куке вал на улэп вераз:"Куинь нунал ортчыса улӟыса султо".
64
Соин ик кос возьманы шӧйгуез куинь нунал вуытозь, малыке шуоно солэн дышетскисьёсыз уин лыктыса медам луӵкалэ сое но медам вералэ калыклы, со кулэмысь улӟиз шуыса. Соку берпуметӥез пӧян нырысетӥезлэсь уродгес луоз".
65
Пилат шуиз соослы:" Тӥляд вань возьмаськисьёсты. Мынэлэ но возьмалэ кызьы тодӥськоды".
66
Соос мынӥзы но шӧгу доры возьмаськисьёсты пуктӥзы но из борды печать понӥзы.