23
1
Соку Иисус, ӧдъяз вераны калыкёслы но дышетскисьёсызлы.
2
Но шуиз: «Моисейлэн пукон интыъяз пуксьемын книжникъёс но фарисейёс.
3
3 Озьыен ваньзэ, мае соос быдэсъяны косозы, быдэсъялэ но лэсьтэ, нош соослэн ужъёссыя эн улэ, уго асьсэос верало, но уг лэсьто:
4
Кылдытъяло секытэсь, нуыны вормонтэмесь ужъёс, собере калыкъёслы нуыны косо, нош асьсэос чиниенызы но уг етскыло соосты быдэстон вылысь.
5
Озьыен ужъёссэс лэсьто озьы, мед калык адӟоз шуыса.Паськытато асьсэлэсь филактериязэс но кузёмыто дӥсь сӧзыоссэс.
6
Озьы ик ярато асьпалаз пукыны шулдыръяськоньнын но синагогаосын.
7
Ӟечбуръяськыны калык люкаськоньнын, но мед нималозы соосты : «Дышетись! Дышетись!» шуыса.
8
Нош тӥ эн лэзе, тӥледыз дышетӥсь мед шуозы шуыса, тӥляд одӥг Дышетисьты - Христос, нош ваньды тӥ вынъёс,
9
атаен но медаз нималэ нокинэ но музъем вылын, уго одӥг тӥляд Атайды, Кудыз инбамын.
10
Валэктӥсь но эн нимаське, уго одӥг тӥляд Валэктисьты-Христос.
11
Бадӟымез нош тӥ пӧлын, мед луоз тӥлед ляльчи,
12
уго кин ассэ вылӥе ӝутэ, со ултӥямын луоз, нош кин ултӥя ассэ, со ӝутскоз.
13
Куретскон тӥледлы, книжникъёс но фарисейёс, калык азьын чеберъяськисьёс, Инбамысь Царствоез адямиослэсь пытсаськоды, асьтэос но уд пырыське, нош кинлэн пыремез потэ - уд лэзьыське.
14
Куретскон тӥледлы, книжникъёс но фарисейёс, калык азьын чеберъяськисьёс. Пал кылем кышномуртъёсты объедать кариськоды, калык азьын чеберъяськыса кема вӧсьяськиськоды. Со понна тужгес но зол суд азьын кыл кутэмын луоды.
15
Куретскон тӥледлы книжникъёс, фарисейёс, калык азьын чеберъяськисьёс.Зарезез но музъемез но котыртӥськоды, одӥгзэ хоть адямиез асьтэ пала карон понна. Куке со тӥляд луэ ке, кариськоды сое кык полэслы уродгес асьтэлэсь, гиеналы ярано пилы гинэ.
16
Куректон тӥледлы синтэмесь валтӥсьёс, тӥ нош шуиськоды: "кин ке кыл сётӥз ке храмен, номыре но уз луы, нош кин ке кыл сётоз храмлэн зарниеныз, янгышо луоз".
17
Визьтемесь но синтэмесь! Кудӥз бадӟымгес :зарни яке храм, кудыз чылкытатэ зарниез?
18
Озьы ик : "кин ке кыл сётоз жертвенникен, номыре но уз луы, нош кин ке кыл сётоз жертваен, кудӥз жертвенник вылын, янгышо луоз".
19
Визьтэмесь но синтэмесь! Кудӥз бадӟымгес жертва яке жертвенник, кудыз чылкытатэ жертваез?
20
Озьыен кыл сётись жертвенникен, кыл сётэ ваньмыз ма со вылын.
21
Озьы ик кыл сётӥсь храмен, кыл сётэ, со пуӵкын Улысеныз но.
22
Озьы ик кыл сётись инбамен, кыл сётэ Инмар Кузёлэн тронэныз но, со вылын Пукысьеныз.
23
Куректон тӥледлы, книжникъёс но фарисейёс, калык азьын чеберъяськисьёс.Сётыны вырыськоды дасэтӥ люкетсэ мятаысь, анисысь но тминысь, нош кулэзэ законысь кулэтэм кариськоды: судэз, милостез но осконез. Тӥни сое кулэ лэсьтыны дугдылытэк.
24
Синтэмесь валтисьёс, чибиньёсты висъясьёс нош верблюдъёсты ньылӥсьёс!
25
Куректон тӥледлы книжникъёс но фарисейёс, калык азьын чеберъяськисьёс, тусьтылэсь но кружкалэсь петпалзэ сюзьяськоды, нош пуш палыз тырмемын лушкаськонэн но шонер лэсьтонтэмен.
26
Синтэм фарисей! Сюзья азьло пушпалзэ тусьтылэсь но кружкалэсь, петпалъёссы но соослэн мед чылкытэсь луозы шуыса
27
Куректон тӥледлы, книжникъёс но фарисейёс, калык азьын чеберъяськисьёс, тупаськоды чебермам ватэм шайгуослы, кудъёсыз петласянь адско чебересь, нош пушказы тырмемын кулэмъёслэн лыосынызы но пӧртэмесь юрзымъёсын.
28
Озьы ик тӥ но петласянь адскиськоды калыкъёслы шонерлыкоесь, нош пуштросты тырмемын калык азьын чеберъяськонэн но законез кулэтэм каронэн.
29
Куректон тӥледлы книжникъёс но фарисейёс, калык азьын чеберъяськисьёс, пророкъёслы кулонни инты дасяськоды, но чебермаськоды шонер улисьёслэсь тодэ ваёнъёссэс.
30
Собере шуиськоды: " ми ке улысалмы атайёсмы вакытэ, ӧй луысалмы соосын огкылысь, пророкъёслэсь виръёссэс кисьтонын".
31
Озьыен, тӥ асьтэос ачидэс сярысь ивортӥськоды, тӥ пророкъёсты вийлӥсьёслэн нылпиоссы шуыса.
32
Тӥ пересьёстылэсь сьӧлыкъёссэс азьланьтӥськоды.
33
Кыйёс, кый выжыос! Кызьы ти мозмоды гееналэсь?
34
Тӥни малы Мон келясько тӥ доры пророкъёсты, тодосчиосты но книжникъёсты. Нош тӥ куд огзэ вийоды, крестэ ошоды, куд огзэ синагогаосады жугоды, городысь городэ ульялоды.
35
Мед лыктозы тӥ вылэ, шонер улисьёслэн музъем вылэ ваньмыз кисьтэм дун вирзы, Авельлэн вирез дорысьен, Варахиянлэн шонер улысь Захарий пиезлэн вирез дорозь, кудзэ тӥ вииды храмен жертвенникен вискын.
36
Шонер верасько, ваньмыз со лыктоз та выжы вылэ.
37
Иерусалим, Иерусалим, пророкъёсты вийылӥсь но изъёсын сальылӥсь тон доры келямъёсты! Кӧня пол Мынам люкаме потэ вал тынысьтыд нылпиостэ, кызьы тылобурдо люка пиоссэ бурд улаз, нош тӥляд мылды ӧз поты!
38
Соин ик тӥляд коркады тӥледлы кельтэмын луоз тыртэм.
39
Шонер верасько тӥледлы: "уд ни адӟе Моне со дырозь, куке кеськыса уд вазьиське: "дано лу Кузё Инмарлэн нимыныз лыктись!"