22
1
Иисус, соослы притчаосын веранзэ азьланьтӥз но шуиз:
2
"Инмысь Царство укша одӥг царьлы, кудыз лэсьтӥз сюан шулдыръяськон аслаз пиезлы
3
но келяз аслэсьтыз ляльчиосмэ ӧтьыны куно сюан шулдыръяськоназ. Но соослэн лыктэмзы ӧз поты.
4
Нош ик келяз мукет ляльчиоссэ, вераса:" Вералэ ӧтемъёслы, мон дасяй шуыса обед. Мынам куайытэм ошъёсы вандэмын ини- ваньмыз дась. Лыктэ сюан шулдыръяськонам".
5
Нош ӧтемъёс, кулэ ӧз каре мыныны, кошкизы кин бусыяз, кин вуз карыны.
6
Нош кылемез, царлэсь ляльчиоссэ кутылыса ултӥязы но виылизы.
7
Сое кылыса, царь йыркуръяськиз но солдатъёссэ келяз но шуиз:" казнить каре, но городзэс сутэ".
8
Соку шуиз аслаз ляльчиосызлы: " Сюан шулдыръяськон дась, нош ӧтемъёс дантемесь вылылъям.
9
Озьыен мынэлэ сюресъёслэн вожвылъёсаз, кожонъёсаз но ӧте ваньзэсты, кинэ шедьтоды сюан шулдыръяськонам".
10
Ляльчиозыз, потыса сюресъёс вылэ, ӧтизы ваньзэсты, кинэ шедьтӥзы, лекъёссэ но ӟечъёссэ. Сюан шулдыръяськон тырмиз куноосын.
11
Царь пыриз кунооссэ учкыны но адӟе, пӧлазы пуке сюанлы тупасьтэм дӥсен адями.
12
Но юаз солэсь: " Эше! Кызьы тон татчы пырид, сюанлы тупасьтэм дӥсьен?" Со нош номыре но ӧз вера.,
13
Соку царь шуиз ляльчиосызлы: "Кертылэ солэсь киоссэ но пыдъёссэ, кутыса салелэ сое ӧс сьӧры пеймыт интые. кытын луоз бӧрдон но пиньёсты ваче пумит йыръён";
14
Трос ӧтемъёсыз но ӧжыт быръемъёсыз.
15
Соку фарисейёс кошкыса кенешизы, кызьы Сое кутыны кылъёсыз понна.
16
Но келязы Со доры асьсэлэсь дышетскисьёссэ иродианъёсын, тазьы шуыны: "Дышетӥсь, ми тодӥськом Тон шонер вераськод, Инмарлэсь сюрессэ шедьтыны дышетӥськод, ӟечья-уродъя уд висъяськы, тус-буй шоры уд учкиськы.
17
Озьыен вера милемлы: "Кызьы Тон малпаськод? Луоз-а сётыны налог кесарьлы, яке уг яра?"
18
Иисус соослэсь солань-таланьзэс адӟыса шуиз: «Ма эскериськоды-а Монэ чеберъяськисьёс?
19
Возьматэ Мыным коньдондэс, кудиныз тыриськоды налог". Соос ваизы Солы динарий.
20
Иису шуиз соослы : "Кинлэн отын тус-буйыз но гожтӥськемез"?
21
Шуо Солы: "Кесарьлэн". Соку шуиз соослы: "Кесарьлэсь сётэ кесарьлы, нош Инмарлэсь Инмарлы".
22
Соос сое кылыса ёрмизы, но аналтыса Сое, кошкизы.
23
Со нуналэ ик Со доры люкаськизы саддукейёс, кудъёсыз шуо, кулонысь улӟен овол. Тазьы юазы Солэсь:
24
"Дышетӥсь! Моисей шуиз: " Кинке пиналъёсыз кыльытэк ачиз кулӥз ке, соку солэн выныз мед басьтоз солэсь кышнозэ, аслыз кышное, озьыен кельтоз кидыс аслаз вынызлы"
25
Вал милям сизьым вынъёсмы; нырысетӥез кышнояськем бераз кулӥз, пинал ӧз кельты, озьыен кышнозэ кельтӥз аслаз вынызлы.
26
Озьы ик кыкетӥез но, куиньэтӥез но, сизьыметӥозяз.
27
Ваньзы бере кулӥз кышномурт но.
28
Озьыен, кулонысь лулӟем бере, кудызлы луоз со кышно? Уго ваньмызлэн со вал".
29
Иисус соослы шуиз: "Йыромиськоды, Святой гожъямез но Инмарлэсь кынарзэ тодытэк,
30
Малыке шуоно, кулонысь улӟем бере уг но кышноясько, уг но бызё, но уло инбамын Инмарлэн ангелъёсыз музэн.
31
Нош кулэмъёслэсь кулонысь улӟемзэс сярысь ӧд-а лыдӟе Инмарлэсь сётемзэ:
32
"Мон Инмарез Авраамлэн но Инмарез Исааклэн но Инмарез Иаковлэн?." Мон ӧвӧл кулэмъёслэн Инмарзы, нош Мон лулоослэн Инмарзы.
33
Сое кылыса калык ёрмиз Солэн дышетэмезлы.
34
Фарисейёс кылыса, кызьы Со саддукейёслэсь ымзэс пытсаз, ӵошен люкаськизы.
35
Одӥгез соос пӧлысь, святой гожъямез тодӥсь, Сое эскерыса,юаз:
36
"Дышетӥсь! Кудӥз заповедь луэ тужггес но бадӟымез святой гожтоньын?"
37
Иисус шуиз солы: " Яраты Инмардэ аслэсьтыд вань сюлэменыд но вань лулыныд но вань визьмыныд но"
38
Тани со нырысетӥез тужгес но бадӟымез заповедь.
39
Кыктэтӥез нош со выллем: «Яраты матысь адямидэ, астэ ачид кадь ик»
40
Тани та кык заповедьёс бордын интыяськемын быдэсак ик писание, но азьласянь пророкъёслэн ивортэмзы»
41
Ку люкаськизы фарисейёс, Иисус юаз соослэсь:
42
"Кызьы тӥ малпаськоды Христос сярысь, кинлэн Со пиез?" Солы шуизы: "Давидлэн".
43
Иисус нош шуиз: " Кызьы нош Давид Лул тодытэмъя, нима Сое Господь, куке вера:
44
"Шуиз Господь мынам Господелы: пуксьы мон вӧзы, бур палаз, ваньзэ тушмонъёстэ Тынысьтыд, поно Тынад пыд азяд"
45
Озьыен ку Давид нима Сое Господэн, кызьы Со луоз солы Пи?"
46
Та кылъёсыз бере, нокин но ӧз нӥ тоды ма вераны Солы, со дырысен нокин но ӧз нӥ дӥсьты Солэсь юальяськыны.