5

¹ Тӥ узыръёс, кылзӥське: тӥ доры матэкто курадӟёнъёс, кудъёсызлэсь бӧрдон но викышъян.

² Тиляд узырды сисьмиз, но тилесьтыд дисъёстэс кей кораз

³ Тӥляд зарниды но азвесьты но сыномиз, но со сыномем тӥ пумитэ возьматоз но со тылын кадь ньылоз тӥлесьтыд мугоръёстэс. Тӥ люкады асьтэлы узырлык берпуметӥ нуналъёслы.

⁴ Уждун, кудзэ тӥ ӧд тыре тӥлестыд бусыдэс арасьёслы, бадӟым куараен кесяське, но арасьёслэн викышъямзы вуиз Саваоф Кузё-Инмарлэн пеляз.

⁵ Музъем вылын тӥ узырлык пӧлын пыласькиды но майбыр улӥды. Асьтэлэсь сюлэмъёстэс вандыны куйытылӥды.

⁶ Тӥ осудить кариды, но вииды шонерлык лэсьтӥсез, но со ӧз пумитъяськы тӥледлы.

⁷ Озьыен, вынъёс, люкалэ чидандэс Кузё-Инмар лыктытчёзь. Учке, кызьы музъем вылын ужась вите бусыысьтыз дуно емышсэ но со понна чидаса вите, ку вазь тулыс но бер сӥзьыл зоркот усёз.

⁸ Озьы ик тӥ но чидаса вите. Юнматэ сюлэмъёстэс, уго Кузё-Инмарлэн лыктонэз матын ини.

⁹ Вынъёс, судить каремын медам луоно луэлэ шуыса ог огды вылэ эн урттылӥське, уго ӧс дорын сылэ ини Судья.

¹⁰ Мынам вынъёсы, дышон понна учке пророкъёслэсь курадӟемзэс но чидамзэс, кудъёсыз Инмарлэсь кылъёссэ ивортылӥзы.

¹¹ Тани ми лыдъяськомы, шуг-секытъёсты чидамъёсты, благословенноесь шуыса. Тӥ Иовлэсь чидамзэ кылылӥды но адӟиды, мар солы сётӥз Кузё-Инмар пумаз, уго Кузё-Инмар узыр милостеныз но жалянэныз.

¹² Вынъёсы, нырысь ик клятва эн сётэ инэн но, музъемен но нокыӵе мукет клятваен. Мед луоз тӥляд “бен” “ӧвӧл” кадь яке “ӧвӧл” “бен” кадь, тӥ судить каремын медам луэ шуыса.

¹³ Кин ке тӥ пӧлысь курадӟе ке, мед вӧсяськоз. Кинлыке шулдыр ке, мед псалом кырӟалоз

¹⁴ Кин ке тӥ пӧлысь висе ке, мед ӧтёз черкысь присвитеръёсты но соос мед вӧсяськоз со вылын, но зыралозы сое елеен Кузё-Инмарлэн нимыз понна.

¹⁵ Оскыса вӧсяськон висисез каттялоз, но Кузё-Инмар тупатоз сое. Со сьӧлык лэсьтӥз ке, соос солы простить каремын луозы.

¹⁶ Ог огды азьын асьтэлэсь сьӧлыкъёстэс шарае поттэ но мед Инмар катьялоз шуыса, вӧсяське ог огды понна, уго трос лэсьтыны быгатэ шонер улӥсь адямилэн вӧсяськемез.

¹⁷ Илия вал асьмеос кадь ик адями. Со сюлмысьтыз вӧсяськиз медам зоры шуыса - соку музъем вылын зор ӧй вал куинь ар но куать толызь.

¹⁸ Со нош ик вӧсяськиз но куазь зориз, но музъем сётӥз емышсэ.

¹⁹ Вынъёс, кин ке шонерлыклэсь палэнэ ке но кошкиз, нош мукетыз берыктоз сое,

²⁰ соку мед тодоз со, кин сьӧлыке усем адямиез шонертэм сюрэс вылысь бэрыктоз, солэсь со лулзэ кулэмлэсь утёз но юрттоз мозмытскыны тросс сьӧлыкъёсызлэсь.