¹ 1 Иаков, Инмарлэн но Иисус Христос Кузёлэн рабез, салам келя дас кык выжыослы, кудъёсыз уло мукет калыкъёс пӧлын. Шум потэ! 2 Вынъёсы мынам, пӧртэм эскерон - шуг-секытъёсы шедьыкуды, ортче соосты бадӟым шумпотонэн, 3 тодыса, эскерон-шуг-секытъёс тӥлесьтыд оскондэс чидан кылдыто. 4 Чидан будыны кулэ тӥ пушкын, тӥ мед луоды шуыса быдэ вуэмын но совершенноесь, нокыӵе но изъянтэк. 5 Кинлэнке тӥ пӧлысь уг ке тырмы визьлыкез, мед куроз Инмарлэсь, Кудӥз сётэ ваньмызлы озьгинэ но пыкылытэк,- но солы сётэмын луоз. 6 Нош мед куроз осконэн, чик но сомневаться кариськытэк, уго кин сомневаться кариське, морелэн тулкымезлы тупа, кудзэ тӧл ӝутъя но улля но. 7 Таӵе адями медаз малпа басьтыны маеке но Кузё-Инмарлэсь. 8 Сомневаться кариськись адями юн уг сылы ваньмаз аслаз сюрэсъёсыз вылын. 9 Начар вын мед шум потоз, сое вылӥё ӝутэмлы, 10 нош узыр мурт, мед ушъяськоз, аслаз улӥын луэмезлы, уго солэн узырез ышоз, бусыысь сяська кадь. 11 Ӟырдыт пӧсь шунды ӝужа но турын куасьме, солэн сяськаосыз усьыло, солэн чеберез ыше. Озьы ик узыр мурт шуя аслаз сюресъёсыз вылын. 12 Шудо адями, кудӥз сылыны быгатэ испытаниосын, уго та испытаниос бере, солы сётэмын луоз улонлэсь венецсэ, кудзэ Кузё-Инмар кыл сётӥз Сое яратӥсьёслы. 13 Куке вуо эскерон-шуг-секытъёс, нокин но медам вера:" Инмар монэ эскере",- уго Инмар уродэн уг эскеры но Ачиз нокинэ но уг эскеры 14 Нош котькуд адями эскерон-шуг-секытъёсы шеде, яратыса аслаз мылпотэмъёссылэсь но пӧяськыса соослэсь. 15 Мылпотэмлэсь вордӥське сьӧлык, нош лэсьтэм сьӧлыклэсь кулон вордӥське. 16 Яратоно вынъёсы, асьтэды эн пӧялэ. 17 Котькуд ӟеч салам но котькыӵе чылкыт кузьым инмысь лыктэ, югдытӥсьёслэсь Атайзылэсь, Кудӥзлэн ӧвӧл воштӥськонэз но вошъяськонлы вужерез но ӧвӧл. 18 Мылпотэменыз, Со вордӥськытӥз асьмеды зэмлыклэн кылыныз, асьмеослы луон понна Солэн кылдытэмезлен емышеныз. 19 Мынам яратоно вынъёсы, тодады возе: котькуд адями дыртӥсь мед луоз, кылзӥськыны, дыртӥсьтэм кыл вераны но дыртӥсьтэм вожпотонлы 20 уго адямилэн вожпотонэз Инмарлэсь шонерлыксэ уг быдэсты. 21 Соин ик, палэнэ карыса котькыӵе чылкыттэмез но йыркуръяськонэз, каньыллыкен басьтэ кылэз, кудӥз кизиське тӥ пушкы но утьыны быгатэ тӥлесьтыд лулдэс. 22 Асьтэды асьтэос пӧясьёс эн луэлэ, кылэз кылзыса гинэ, нош быдэсъялэ сое. 23 Уго со, кин кылзэ кылэз но уг быдэсты сое, аслысьтыз ымнырзэ зеркалэ учкись кадь: 24 со учкиз ачиз шоры, берытскиз но соку ик вунэтӥз тусбуйзэ. 25 Шудо со, кин сак дышетэ совершенной законэз, свободалэсь законзэ, кудзэ вунэтытэк кылзиське но улоназ быдэсъяса. 26 Кинке тӥ пӧлысь малпа ке со ӟечлык шуыса, со аслысьтыз кылзэ уг куты, со пӧя асьсэ ачиз, но солэн ӟечлыкез пайдатэм. 27 Чылкыт но саптамтэ ӟечлык Инмар но Атай азьын - анай-атайтэм нылпиослы но палкышноослы соослэн шуг-секытъёсазы юрттон, озьы ик возьыны асстэ та дуннелэсь саптаськымтэен.