2

¹ Вынъёсы мынам! Оске асьмелэн Иисус Христосмылы, данлыклэн Кузёезлы, но адямиосты тонъя-монъя эн пумиталэ.

² Тӥ доры собрание лыктӥз ке адями зарни зындэсэн но ӟеч узыр дӥсен но лыктӥз ке адями начар но нуллэм дӥсен.

³ Тӥ, адӟыса узыр дӥсен дисяськем адямиез, шуоды солы:"Тыныд ӟечгес луоз татчы пуксьыны", нош начарлы шуоды:"Тон султы отчы", яке:"Пуксьы мынам пыд азям".

⁴ Мар тӥ лэсьтӥськоды? Тӥ одӥгзэ вылӥе пуктӥськоды но мукетсэ ултӥяськоды, тӥ уд шат луиське алама малпанъёсын урод судъя?

⁵ Кылзӥзьке, мынам яратоно вынъёсы. Инмар ӧз шат та дуннеысь быръйы начаръёсты лэсьтыны осконэн узыр? Соос, кинъёс Инмарез ярато, шат унаследовать уз каре Солэсь кыл сётэмезлэсь Царствозэ?

⁶ Нош тӥ начарез ултӥяды. Тӥледды узыръёс шат зибыса уг возё? Тӥледды соос уг шат нулло судъёстӥ?

⁷ Соос уг шат сантэмало ӟеч нимез, кудӥныз тӥ нимаськиськоды?

⁸ Тӥ быдэсъяськоды ке царьлэсь законзэ, Писаниеысь гожтэмзэ:" Яраты аслысьтыд матысьтэ, кызьы астэ ачид яратӥськод", соку шоне лэсьтоды.

⁹ Нош чеберъяськиськоды ке, соку сьӧлык лэсьтӥськоды но закон азьын преступник луиськоды.

¹⁰ Кин ке быдэс законэз но ке быдэсъя но одӥгеныз гинэ ке сьӧлык лэсьтэ, соку янгыш луэ ваньмаз.

¹¹ Уго Со, Кин шуиз:"Азон-калгон сьӧлыке эн пыр", шуиз озьы ик:"Эн ви адямиез". Соин ик, тон азон-калгон сьӧлык уд ке но лэсьтӥськы, нош адями вииськод, соку законлэн преступникез луиськод.

¹² Кин судить каремын луоз свободалэн законэзъя, тӥ но соос кадь ик вераськиськоды но лэсьтӥськоды но.

¹³ Суд уг лэсты милость, соослы кинъёс уг лэсьто милость, нош милость судлэсь бадӟымгес.

¹⁴ Вынъёсы мынам, мар пайдаез солы, кин асьсэ лыдъя оскисен нош солэн ӧвӧл ӟеч ужъёсыз? Сыӵе оскон утёз шат сое?

¹⁵ Вынлэн яке сузэрлэн ӧвӧл ке дӥсез но туннэ понна сиён-юонэз, мар соку пайдаез,

¹⁶ кин-ке тӥ пӧлысь кулэяськисьёслы шуиз ке: «Мынэ Инмарен! Инмар мед утёз тӥледды кынмемлэсь но сютэм улэмлэсь», нош ачиз уз сёты кулэяськисьлы номыре но?

¹⁷ Озьы ик оскон но огняз луло ӧвӧл, ужъёсыз ке солэн ӧвӧл.

¹⁸ Нош кин быгатоз вераны: « Мынам осконэ вань, нош тынад ужъёсыд». Возьмат мыным аслысьтыд оскондэ, куке ӧвӧл ужъёсыд, нош мон возьмато тыныд осконме, кудӥз мынам ужъёсам.

¹⁹ Тон оскиськод, Инмар одӥго шуыса? Туж умой! Бесъёс но оско но кышкаменызы куалекъяло.

²⁰ Визьтэм! Тон уд шат тодӥськы оскон ужъёстэк улэп ӧвӧл шуыса?

²¹ Ужъёсыныз шат оправдаться ӧз кариськы асьмелэн Авраам атаймы, куке жертвенник вылэ понӥз аслысьтыз Исаак пизэ?

²² Учкы: оскон но ужъёс тыршылӥзы ӵошен, но ужъёсын оскон совершённой луылӥз.

²³ Но быдэсмиз Писаниеысь кыл: «Авраам оскиз Инмарлы – но солы шонерлыкен со лыдъяськиз, соку сое Инмарлэн эшез шуизы».

²⁴ Кызьы адӟиськомы, адями осконъя гинэ оправдаться уг кариськы, нош ужъёсызъя но.

²⁵ Озьы ик калгись Раав но ӟеч уженыз лыдъямын вал шонерлыкоен, куке юрттӥз келямъёслы?

²⁶ Кызьы мугор кулэмын духтэк, озьы ик оскон ужъёстэн улэп ӧвӧл.