2

¹ Собере, дас ньыль ар ортчем бере, нош ик мон Варнаваен но Титен Иерусалиме ветлӥ.

² Ветлӥ, отчы Инмарлэн усьтэменыз, но верай Ӟеч Ивор отысь сӥо - даноосызлы, озьы ик, кызьы язычникъёслы проповедовать карисько. Озьы мон лэсьтӥ соос медам малпалэ мон юнме гинэ тыршисько шуыса.

³ Соос монэным ӵош лыктэм Титэз, со еллин ке но, обрезаться кариськыны ӧз косэ,

⁴ нош лжебратъёс, милемды асьсэлы ляльчи лэсьтыны малпаса, лушкем лыктӥзы учкыны асьмелэсь свободамес, кудӥз вань милям Иисус Христосын,

⁵ Ӟеч Иворлэн зэмлыкез воштӥськытэк тӥ дорын мед кылёз шуыса, ми одӥг часлы но ӧм сётске соослы.

⁶ Сӥо-дано асьсэды лыдъясьёс, олокыӵеесь ке но куке соку ӧй вал, мон понна нокыӵе но уг пото: Инмар уг учкы адямилэн бам шораз. Но та сӥо-даноос мыным номыре но выльзэ ӧз сётэлэ.

⁷ Нош, адӟыса, мыным сётэмын шуыса необрезаннойёслы ивортыны Ӟеч Ивор, кызьы Пётрлы обрезаннойёслы,-

⁸ уго Со, кин Пётрез обрезаннойёс дорын апостолэн пуктӥз, Со ик, монэ но апостол лэсьтӥз язычникъёс дорын,-

⁹ но, тодыса мыным сётэм благодать сярысь, Иаков, Кифа но Иоанн, кудъёсыз сӥо-дано лыдъясько, монэ но Варнаваез благославить каризы язычникъёс доры мыныны, нош асьсэос обрезаннойёс доры кылизы.

¹⁰ Начаръёслы юрттонэз гинэ ми медам вунэтэ шуыса, соос милемды куризы, но та ужез мон тыршылӥ рос-прос быдэсъяны

¹¹ Нош ку Пётр лыктӥз Антиохиае, мон ачим солы пумит луи, уго со шонертэм лэсьтӥз,

¹² со язычникъёсын ӵошен сиськылӥз, нош куке лыктӥзы Иаковлэн келям адямиосыз, со, обрезаннойёслэсь кышкаменыз палэнэ кариськиз язычникъёслэсь.

¹³ Соин ӵош мукетъёсыз но иудейёс чеберъяськизы, Варнава гинэ но соослэн чеберъяськеменызы пӧяськон шедемын вылэм.

¹⁴ Нош ку мон адӟи, зэмлыко евангелилэн дышетэмезъя соос уг лэсьто, ваньмыз азьын Пётрлы шуи: "Тон иудей ке луиськод, малы иудей кадь уд улӥськы, нош язычник кадь улӥськод ке, соку малы язычникъёсты улыны косӥськод иудёйёс кадь?

¹⁵ Ми иудей луыса вордскемын но сьӧлыко – язычник ум луиське.

¹⁶ Нош, тодыса, законлэн ужъёсызъя одӥг адями но оправдаться кариськыны ӧз на быгаты, нош Иисус Христослы оскыса гинэ, ми оскимы Иисус Христослы, Солы осконэн оправдаться кариськыны, нош законэз быдэсънэн ӧвӧл, уго законэз быдэсъяса одӥг адями но оправдаться ӧз на кариськы.

¹⁷ Ми утчаськомы ке Христос пушкын шонере потон, нош асьмеос сьӧлык лэсьтӥськом, соку шат Христос сьӧлыклэн тыршисез? Ӧвӧл, нокызьы но ӧвӧл.

¹⁸ Нош мон выльысь лэсьтӥсько ке, мае куашкатӥ, соку мон ачим асме йыруж лэсьтӥсен лыдъясько.

¹⁹ Законэн мон кулӥ закон понна, Инмарен улон понна. Мон Христосэн ӵошен кортӵогамын,

²⁰ но табере мон уг ни улӥськы, нош Христос мон пушкын улэ. Али мугорын улӥсько ке но, улӥсько Инмарлэн Пиезлы оскыса, кудӥз монэ яратыса, Асьсэ мон понна кортӵоганы сётӥз.

²¹ Инмарлэсь благодатьсэ мон кулэтэм уг кариськы, уго, шонере потон закон пыртӥ луысал ке, соку Христос юнме кулӥз".