Үшкү эге
1
2
1 Иисус катап база синагогага чедип келген. Аңаа холу кургап калган кижи турган.
2 Бир эвес, Иисус ол кижини амыр-дыш хүнүнде экиртиптер болза, буруудадыр дээш, чамдык улус хайгаарап турган.
3
4
3 Иисус холу кургай берген кижиге: "Бээр , ортузунче үнүп кел"- дээш,
4 хайгааракчылардан: "Амыр-дыш хүнүнде чүнү кылырын чөпшээрээнил? Экини бе азы багайны бе? Амы-тынны камгалаарын бе? Азы узуткаарын бе?"- деп айтырган. Олар ыыт чок.
5
6
5 Иисус улусче килең-биле эргий көргеш, оларның чүректериниң каржызы дээш аажок муңгарап, демги кижиге: "Холуң бээр сун"- дээн. Ол кижи холун сунуп берген. Холу ол-ла дораан кадык апарган.
6 Фарисейлер үнгеш, Иродтуң талалакчылары-биле Иисусту канчаар өлүрерин дугуржуп эгелээннер.
7
8
7 Иисус Бодунуң өөреникчилери-биле далайже чорупкан. Оларның соондан Галилеядан, Иудеядан,
8 Иерусалимден, Идумеядан, Иорданның ол чарыындан болгаш Тир, Сидон девискээрлеринден келген хөй улус база эдерип бар чыткан.
9
10
9 Сыңмарлашкан хөй чон аразынга кыстырбас дээш, Ол Бодунга хеме белеткеп бээрин өөреникчилеринге чагып каан.
10 Иисус дыка хөй кижини экиртип каан. Ынчангаш аарыг-аржык улус Аңаа дээптерин бодап, Олче чүткүп-ле турган.
11
12
11 Ону көрүп каан санында-ла, букшуураан кижилер Ооң мурнунга доңгая кээп дүшкүлээш: "Сен - Бурганның Оглу-дур сен"- деп алгыржы бээр болган.
12 Ынчалза-даа Иисус оларга Ону кымыл дээрзин чугаалаарын шыңгыы хоруп турган.
13
14
15
16
13 Ооң соонда Иисус дагже үне бергеш, күзээн-не улузун кыйгырарга, олар Аңаа чедип кээп турганнар.
14 Иисус оларның аразындан, улусту өөредип шыдаар, Боду-биле кады чоруп болур он ийи өөреникчини шилип алгаш,
15 эрлик-букту үндүр сывырар эрге-күштү берген.
16 Иисустуң шилип алганы он ийи өөреникчизи бо-дур: Пётр деп адап алганы Симон,
17
18
19
17 "Диңмирээшкин оолдары" деп адап алганы Зеведейниң оолдары Иаков биле Иоанн.
18 Андрей, Филипп, Варфоломей, Матфей, Фома, Алфейниң оглу Иаков, Фаддей, Симон Кананит болгаш
19 сөөлүнде барып Иисусту садыптар Иуда Искариот.
20
21
22
20 Олар чанып кээрге, чон катап база хөйү-биле чыглып кээрге, Иисус болгаш Ооң өөреникчилери чемненир безин чай албайн барганнар.
21 Ол дугайын Иисустуң чоок төрелдери дыңнап кааш, Ону алыр дээш чедип кээрге, чамдык улус: "Ооң угааны сээдеңнээн боор" дижип турган.
22 А Иерусалимден келген ном-хоойлу тайылбырлакчылары: "Иисуста буктарның чагырыкчызы Веелзевул бар-дыр. Ол ооң күжү-биле буктарны үндүр сывыртап турар-дыр"- деп чугаалап турганнар.
23
24
25
23 Иисус оларны кыйгырып алгаш, угаадыглыг чугаалар ажыглап, тайылбырлап эгелээн: "Эрлик канчап боду бодун үндүр сывыртаарыл?
24 Бир эвес, күрүне аңгылажып эгелээр болза, ындыг күрүне быжыг туруп шыдавас.
25 Бир эвес, өг-бүле аңгылажып эгелээр болза, ол өг-бүле буступ дүжер.
26
27
26 Эрлик боду бодунче тура халып, аңгыланы берген болза, быжыг туруп шыдавас, ооң төнчүзү келгени ол.
27 Мөге-шыырак кижини баштай хүлүп албас чүве болза, ооң бажыңын канчап үптээрил? Баштай ол кижини хүлүп алгаш, ооң соонда бажыңын үптеп болур.
28
29
30
28 Алыс шынны силерге чугаалап тур мен: улустуң шупту бачыттары база канчаар-даа бак сөгленип, карганыры өршээттинер.
29 Ынчалза-даа Ыдыктыг Сүлдени бак сөглээр кижи бар болза, ол кижи өршээл албас, а кезээ мөңгеде шииттирер.
30 Олар: "Иисуста бук бар-дыр"- деп турган боорга, Ол ону өжегерээн чугаалаан.
31
32
31 Иисустуң авазы база дуңмалары чедип келгеш, бажыңче кирбейн, Ону кыйгырыптарын дилээн.
32 Иисустуң чанынга эвээш эвес улус олурган. Аңаа келгеш: "Сээң аваң болгаш оол, кыс дуңмаларың даштын Сени кыйгырып тур"- деп чугаалаан.
33
34
35
33 Иисус оларга: "Мээң авам болгаш дуңмаларым дээрге кымнарыл ол?"- деп удур айтыргаш,
34 Ону долгандыр олурган улусту эргий көргеш: "Бо-дур, Мээң авам болгаш дуңмаларым.
35 Кым Бурганның күзел-соруун күүседип чоруурул, ол улус Меңээ: авам болгаш дуңмаларым болур"- деп чугаалаан.