Бирги эге
Киирилде сөстер
1
2
1 Иисус Христостуң аазааны мөңге амыдыралды суртаалдаары-биле айбылаткан, Бурганның күзел-соруу-биле Иисус Христостуң элчини апарган Павел, мен, 2 ханы ынак оглум Тимофей, сеңээ байыр чедирдим. Бистиң Дээргивис Иисус Христостан болгаш Бурган Адавыстан келген авырал, өршээл, амыр-тайбың сеңээ доктаазын!
3
4
5
3Дүне-хүндүс мөргүл кылган санымда-ла, ада-өгбелерим дег, арыг арын-нүүр-биле бараан бооп чоруурум Бурганга, сени дээш, өөрүп четтирер-дир мен. 4 Карааң чажын утпаан мен, кажан сени көрүп кааш, дыка-ла өөрүүр боор мен. 5 Сээң кырган-аваң Лоида биле аваң Эвниканыы дег, ажыт-чажыт чок, арыг-шынчы бүзүрел бар деп билир мен. Ол бүзүрелдиң сенде барынга ыяк бүзүрээр мен.
6
7
6 Ынчангаш, мээң сеңээ холум салгаш мөргээн мөргүлүмнү дамчыштыр, Бурганның берген белээниң одун деткээн болгай сен. 7 Чүге дээрге Бурган биске коргуушкуннуң сүлдезин эвес, а күчү-күштүң, ынакшылдың, бодун туттунуп билириниң Сүлдезин берген.
8
9
10
11
8 Бистиң Дээргивис Иисус Христосту-даа, Ооң хоругдаткан кижизи, мени-даа херечилээринден ыятпа. Ынчалза-даа, мээң Өөрүнчүг Медээни суртаалдааным дээш, хилинчээмни Бурганның сеңээ бергени күшке даянгаш, үлежип көр, 9 Ол бисти ыдыктыг чурттазын дээш, Боду кыйгырып алган. Дээргивис бисти кылган ажыл-херээвис дээш эвес, а Бодунуң эң эгезинде-ле Иисус Христоста сиңген авыралын бээр дээн, сорулгазын күүседир дээш кыйгырган. 10 Кажан бистиң Камгалакчывыс Иисус Христос чедип келгенде, Бурганның авыралы ынчан биске ажыттынган. Өөрүнчүг Медээни дамчыштыр өлүмнү күш чок кылгаш, Ол биске амыдыралды болгаш өлүм чок чорукту көргүскен.
11 Бурган мени ол Өөрүнчүг Медээни өске чоннар улузунга өөредир башкы, суртаалдаар элчин кылдыр шилип алган.
12
13
14
12 Ынчангаш, хилинчекти көрүп-даа тургаш ыятпас мен, чүге дээрге Кымга бүзүрээнимни билир мен, ол хүнге чедир, мээң идегелимни Ол кадагалап шыдаар.
13 Менден дыңнааның, Иисус Христоста сиңген ынакшыл болгаш бүзүрел дугайында шынныг өөредигден туттун. 14 Бисте чурттай берген, Ыдыктыг Сүлдениң күжү-биле, сеңээ көргүскен идегелди кадагала.
15
16
17
18
15 Асияга хамык улустуң мени каапканын билир сен. Оларның аразында Фигелл биле Эрмоген база бар. 16 Онисифорнуң өг-бүлезинге Дээрги-Чаяакчы өршээлин көргүссүн, чүге дээрге ол мээң кинчилеримден ыятпайн, мени каш-даа катап сорук киирип келген. 17 Ол Римге кээп чорааш, мени кызымак дилеп тургаш, тып алган. 18 Сөөлгү хүн кээрге, Дээрги-Чаяакчы аңаа Бодунуң өршээлин хайырлаар болзун. Эфеске ооң меңээ кайы хире дузалажып турганын бодуң билир болгай сен. Ол хүн кээрге, Дээрги-Чаяакчының өршээлин, Дээргивис аңаа бээр болзун.