Маркас 2 бөлг.
1
2
1. Цөөкн өдр давсн хөөн Иисус хәрү Капернаумур ирсн зәңг әмтн дунд тарҗ.
2. Тегәд дегд дала әмтн цуглрад, тер герин үүднә өөр орм уга билә. Иисус эднд Бурхна Теңгрин орн-нутгин туск Байрта зәңг келҗ.
3
4
3. Эн цагла Терүнүр дөрвн күн орнасн босҗ чаддго, тәкрсн гемтә кү авч ирҗ.
4. Тедн әмтн дегд дала болад Иисусур орҗ чадсмн уга. Тегәд тедн Иисус бәсн герин ораһнь цуцлад, ораднь нүк малтад тер босҗ чаддго, тәкрсн гемтә күүг орта-дертәһнь деерәс Иисусин өмн буулһҗ.
5
6
7
5. Иисус теднә иткл үзәд босҗ чаддго, тәкрсн гемтә күүнд келҗ: «Көвүн! Чини килнц тәвгдҗәнә.»
6. Тенд бәәсн дегтр бичдг улс дотран ухалҗ:
7. «Юн болҗахмб? Бурхнас даву кен күүнә килнц тәвҗ чадхий? Юңгад Бурхиг муурлҗахмб?»
8
9
8. Иисус эврәннь Әрүн Сәкүсәрн тедн ю соңсҗахинь медәд, теднәс сурв: «Юңгад тадн зүркндән тиим уха ухалҗахмбт?
9. Юн амр болхмб? Эн тәкрсн гемтә күүнд иигҗ келхлә амр болхмб: «Чини килнц тәвгдҗәнә! гиснь эс гиҗ: «Бос, ор-деерән авад йов! гиснь амр болҗахмб?»
10
11
12
10. Зуг һазр деер Би, Күмни Көвүн, килнц тәвх зөвтәв болн йостав гиҗ таднд медүлхин төлә келҗәнәв.
11. Иисус тәкрсн гемтә күүнүр хәләһәд келв: «Бос, ор-дерән авад герүрн хәр.»
12. Тер күн дарунь цуг тенд бәәсн әмтнә өмн босад, ор-дерән авад йовҗ одв. Энүг үзсн цугтан улс ик гидгәр алң болад, Бурхиг магтад бәәцхәв. Эдн келлә: «Мадн иим ик өвәрцтә юм төрүц үзәд уга биләвидн.»
13
14
13. Иисус дәкн теңгс тал йовв. Цуг әмтн Терүн тал ирв, Иисус тедниг сурһв.
14. Иисус теңгсин көвәһәр йовҗ йовад, Алфеин көвү Левияг үзв, эн алв цуглулдг ормд суусмн. Иисус энүнд келв: «Намаг дахад йов.» Левий босад, Терүнә ардас дахв.
15
16
15. Иисус Левиян герт хот ууһад бәәсн кемлә Терүнлә хамдан өөрнь кесг килнцтә улс болн алв цуглулдг Терүг дахсн улс билә.
16. Иисусиг килнцтә әмтнлә болн алв цуглулдг улсла хот идҗәснь фарисеймуд, дегтр бичдг улс үзәд, Терүнә сурһульчнраснь сурцхаҗ: «Юңгад Иисус килнцтә болн алв цуглулдг улсла хот ууҗахмб?»
17
17. Теднә келснь соңссн Иисус теднд келв: «Би килнцтә улсиг килнцән хайтн гиҗ дудхар ирләв, килнц уга, чик седклтә улсиг дуудхар ирсн угав. Гемтә улст эмч кергтә, эрүл-менд улст эмч кергтә биш.»
18
19
18. Тер цагла Иоанна болн фарисеймудын сурһульчнр Иисусур ирәд сурцхана: «Юңгад Иоанна болн фарисеймудын сурһульчнр хот уллго, Бурхнд өдрмүд нерәднә, Тана сурһульчнр хотан ууһад Буурхндан өдрмүд нерәдхш?»
19. Иисус эднд хәрү өгв: «Хүрм болҗасн цагла күргнә үүрмүд хот уулго бәәхий? Күргн өөрнь бәәтл үүрмүднь хот уулго бәәҗ чадшго.
20
21
20. Болв күргиг салһад авад йовх өдрмүд ирх. Тер цагла тедн хот уулго, Бурхндан өдрмүдән нерәдәд зальврх.
21. Хуучн хувцнд шин эдәс күн халас тәвдмн биш, юңгад гихлә шин эдәс тәвсн халасн тасрад, шуурха улм ик болх.
22
22. Шинәс кесн чаһр хуучн арсн тулмд кедм биш, юңгад гихлә шин чаһр хуучн туулмиг шуулад һарх - чаһрхн асхрх болн туулмчн үрх. Тегәд шин чаһр шин тулмст кех кергтә.»
23
24
23. Бурхна Суббот өдрлә Иисус буудә тәрсн һазрар йовҗ йовла. Терүнә сурһульчнр хаалһдан геснь өлсәд, буудән толһас таслад идҗ.
24. Фарисеймуд Иисуст келв: «Чини сурһульчнр Бурхна Суббот өдрлә кедго юм кеҗәнә.»
25
26
25. Иисус теднд хәрү өгв: «Давидин тускар тадн төрүц умшсн угавт? Давид болн терүнлә бәәсн улс хот хәәһәд геснь өлсн цагт ю кеснь?
26. Давид Бурхна герт орад Бурхна әрүн Авиафарин өөр бәрцг тәвдг ширәһәс өдмг идсмн. Тер өдмгиг әрүн улс идх зөвтә бәәсмн. Зуг Давид эврән идәд болн өөрән бәәсн әмтнд бас өглә.»
27
28
27. Иисус эднд келв: «Бурхна Суббот өдр күүнә төлә, зуг күн Бурхна Субботын өдрин төлә биш.
28. Тегәд Күмни Көвүн – Бурхна Суббот өдрин Деед Эзн.»