Маркас 1бөлг.
1
2
3
1. Иисус Христосин туск Байрта Зәңг иигҗ эклҗәнә:
2. «Исая әәлдәч бичсмн: хәләһәд медҗ автн, Би Чини өмн Эврәннь зәңгчән тәвҗәнәв, эн Чамд хаалһ белдх», болн цааранднь бас бичсмн:
3. «Көдә һазрт хәәкрҗәх дун соңсгдҗана «Деед Эзнд йовх хаалһнь белдтн, Терүнә хаалһнь һо кетн!»
4
5
6
4. Иигҗ Иоанн ирлә . Эн көдә һазрт әмтиг килнцән медәд ардан хаяд, бийән цеврлхн төлә уснд булхад кирслһнә туск зәңг тархасмн.
5. Цуг Иудеин орн-нутгин болн Иерусалимин улс Иоаннур ирдг бәәсмн. Эдн эврәннь килнцән илднь келҗ өгхлә тегәд эн тедниг Иордан һолын уснд булхулад кирслҗ.
6. Иоанн бийнь темәнә ноосна килһсәр гүрсн хувц өмсәд белкүсән арсн бүсәр бооһад, царцаха болн зерлг зогин бал иддг бәәҗ.
7
8
7. Иоанн келсмн: «Мини ардас Тер ирх, Тер нанас даву Күчтә чидлтә, би Терүнә башмгин бүчинь тәәлх зөв угав.
8. Би тадниг уснд булхулад, усар кирслҗәнәв,Тер тадниг Әрүн Сәкүсәр кирслх.»
9
10
11
9. Тер өдрмүдт Галилеин Назарет балһснас Иисус ирҗ, Терүг Иоанн Иордана һолын уснд кирслмн.
10. Иисус уснас һарч йовсн цагт, теңгр заагрснь болн Әрүн Сәкүсн Иисусин деернь көгҗрлһн мет бууҗахиг Иоанн үзҗ.
11. Дарунь теңгрәс дун соңсгдҗ: «Чи Мини Эңкр болн хәәртә Көвүн! Чамд Мини байр!»
12
13
12. Энүнә хөөн дарунь Әрүн Сәкүсн Иисусиг көдә һазрур дахулад йовҗ.
13. Дөчн хонгт Иисус көдә һазрт бәәсмн, тенд эрлг Терүг сөрүлсмн. Эн көдәд Иисус зерлг аңгудтын дунд бәәҗ, Бурхна элчнр Терүнд нөкд болсмн.
14
15
14. Түүнә хөөн Иисус Галилеюр ирәд, Бурхна Теңгрин орн-нутгин туск Байрта зәңг тархмсн. Эн цагла Иоанниг бәрәд түүрмд суулһсмн бәәҗ.
15. Иисус келдг бәәсмн: «Цагнь ирчкв — Бурхна Теңгрин орн-нутг өөрдҗ ирв!» Зүркән цеврләд, килнцән ардан хаяд, Бурхнд болн Бурхна Теңгрин орн-нутгин туск Байрта зәңг итктн!»
16
17
18
16. Галилеин теңгсин көвәһәр Иисус йовҗ йовад, Симониг болн энүнә ахнь Андреиг үзҗ. Тедн заһсчнр билә, тегәд тедн теңгсд гөлм хайҗасмн.
17. Иисус эднд келҗ: «Намаг дахтн, Би тадниг әмт бәрдг улс кенәв.»
18. Эдн дарунь гөлмән хаяд, Иисусиг дахад йовсмн.
19
20
19. Цараанднь йовҗ йовад, Иисус Иаковиг, Зеведеин көвүг болн энүнә ах Иоанниг үзҗ, эдн оңһцд гөлмән ясҗасмн.
20. Иисус тедниг дуудҗ, тегәд эдн эврәннь эцк Зеведеяг болн оңһц бәәсн көдлмшчнртәһинь үлдәһәд, Иисусиг дахв.
21
22
21. Эдн Капернаумд ирв. Бурхна Суббот өдрлә Иисус синагогт орад сурһв.
22. Әмтин Иисусин дасхҗах сурһульд икәр алң болҗ, юңгад гихлә дегтр бичдг улсин сурһульла әдл биш бәәсмн. Иисус йосн болн зөв Терүнә һарт болн сурһҗах сурһульд бәәснь медүләд дасхҗ.
23
24
25
26
23. Тер синагогд хар сәкүснд авлгдсн күн билә. Эн хәәкрҗ:
24. «Назаретас ирсн Иисус, маднас Танд ю кергтә? Та мадниг алхар ирвт? Би Таниг медв, Та кен болҗахитн бас меддв. Та – Бурхна Әрүн Көвүн!»
25. Зуг Иисус терүнд закв: « Аман хааҗ, дууһан тасл!Терүнәс һарч әрл!»
26. Тиигхлә хар сәкүсн тер күүг чичрүләд, чаңгар му дууһар хәәкрәд терүнәс һарч.
27
28
27. Тенд бәәсн цуг әмтн йир икәр әәҗ. Тегәд эдн нег-негнәсн сурв: «Юн болҗахмб? Ямаран шин сурһаль? Иисус йостаһар хар сәкүсдт закҗана, хар сәкүсд Терүнә заквринь соңсҗана.»
28. Түүнә хөөн Иисусин туск зәңг дарунь цуг Галилеяр тарсмн.
29
30
31
29. Дарунь Иисус синагогас Иаковта болн Иоаннта һарв. Эдн Симона болн Андреин герт ирв.
30. Симона хадм экнь халуд өрәд кевтсн бәәәҗ, энүнә тускар Иисуст келсмн.
31. Тер хадм экүр өөрдәд, һараснь авад босхв. Энүнә халунь уга болҗ одв. Тегәд Симона хадм экн теднд хотнь белдхәр адһв.
32
33
34
32. Нарн суһад, асхн болҗ йовх цагла Иисус тал олн-зүсн гемтә болн хар сәкүст авлгдсн улс авч ирҗ.
33. Цуг балһсна улс тер герин үүднә өөр хурцхаҗ.
34. Иисус дала улс олн-зүсн гемәс эдгәҗ, олн хар сәкүсд көөҗ. Болв Иисус хар сәкүсдт Терүнә тускар медсән келх зөв өгсн уга.
35
36
37
35. Өр цәәхин өмн Иисус босад күн уга һазрур йовв, тенд Тер зальврсмн.
36. Симон болн өөрнь бәәснь Иисусиг хәәһәд һарв.
37. Иисусиг олҗ авад тедн келҗ: «Чамаг цуһар хәәҗәнә.»
38
39
38. Тер эднд иигҗ келҗ: «Талдан селәдәр одый, юңгад гихлә Би теднд Байрта зәңг келх зөвтәв. Би эн керг күцәхин төлә ирләв.»
39. Тегәд Тер цуг Галилеяр йовад, Байрта зәңг синагомудт сурһад болн хар сәкүсд көөсмн.
40
41
42
40. Иисусур хальдврта гемтә күн ирв. Эн Иисусин өмн өвдг деерән унад, уульн сурв: «Сурҗанав Таниг, намаг эдгәһәд цеврлхнтн!
41. Иисус энүнд харм төрәд, һаран энүнд күргәд келв: «Чамаг цеврлхәр бәәнәв! Цеврлд!»
42. Эн үгмидин хөөн хальдвр гем уга босҗ одв, тер күн цеврдҗ оч.
43
44
43. Иисус тер эдгсн күүнд иигҗ чаңһар закв: «Юн болснь күүнд бичә кел. Бурхна әрүн күүнд одад, бийән үзүләд, бийән цеврлсн төләд Моисеин келсәр бәрц авч одад өг. Эн теднд герчлһн болх.»
44. Зуг эн күн һарн юн болснь экләд келәд йовсмн. Тегәд Иисус балһсур икәр орҗ чаддго болв.
45
Тер әмтн уга һазрмудар бәәдг бәәсмн, болв әмтн Терүнүр кесг һазрас ирдг билә.