¹ Ibuku ilya kupapwa kwa Yesu Khristu umwana wa Deveti, umwana wa Abulahamu. ² U Abulahamu akapapa Yisaki, nu Yisaki akapapa uYakobe, nu Yakobe akapapa uYuda nabazuna bakwe. ³ U Yuda akapapa uPelezi nu Zera kwa Tamala,u Pelezi akapapa uEziloni, u Eziloni akapapa uRama. ⁴ Urama akapapa uAminadabu, U Aminadabu akapapa uNashoni, nu Nashoni akapapa uSayimoni, ⁵ u Sayimoni akapapa uBowazi, mwa Rahabu, Bowazi akapapa uObedi mwa Rusi, Obed akapapa uJesi. ⁶ U jesi akapapa uDeveti imfumu, U Deveti akapapa uSolomoni mu mwanthanda uwa Uliya. ⁷ U Solomoni akaba akapapa uRehobowamu, Rehobowamu akapapa uUbiya , Ubiya akapapa uAsa. ⁸ Asa akapapa uYoshofati, Yoshofati akapapa uYolamu, nu Yolamu umunyenya uwa Uziya. ⁹ Uziya akapapa uYotamu, U Yotamu akapapa uAhazi, uaHazi akapapa uEzekiya, ¹⁰ U Ezekiya akapapa uManase, u Manase akapapa uAmoni,nu Amoni akapapa uJosiya. ¹¹ Josiya akaba umunyenya uwa Yekoniya nabazuna bakwe pa nyengo yo bakasendanaga ukuya ku Babeloni. ¹² Po bakafumaga ku Babeloni, u Yekoniya akapapa uSatiyeri, u Satiyeri akaba we munyenya uwa Elizaberi. ¹³ Elizaberi akapapa Abiyudi, Abiyudi akapapa Eliakimu, nu Eliyakimu akapapa Azara. ¹⁴ U Azara akapapa uAnoki, u Anoki akapapa uAkimu, u Akimu akapapa Eliyudi. ¹⁵ Eliyudi akapapa uEliyaza, uEliyaza akapapa uMatani, Umatani akapapa uJakobo, ¹⁶ u Jakobo akapapa uYosefe umwanavuli uwa Maliya, mo u Yesu wo akupundika ukuti Ukhristu, mo akapapizizwamo. ¹⁷ Ukupapwa konsi ukwa kufuma kwa Abulahamu ukwinza ukufika ukwa Deveti kukawa teni na folo, ukwambira ukwa Deveti ukufika po bakasendechelaga ukuya ku Babeloni kukaba kupapwa kwa teni na folo, po bakasendechelaga ukuya ku Babeloni ukwinza ukufichira ukwa Khristu, ukupapwa kwa teni na folo. ¹⁸ Ukupapwa ukwa yesu kukachitika munzira iyi. Umama wakwe, u Maliya, akaba pa ubwezi nu Yosefe, po bachili batakumine, akajikwa na pakasi pakufuma ku Mzimu Umutuba. ¹⁹ Umwanavuli wakwe, u Yosefe akaba munthu wo muzeru, atakanzaga ukuti u Maliya insoni zimuleme. Akaghanaghana ukumuleka umwachetechete. ²⁰ Po akaghanaghanaga ivi, umungelo akaminzira ku maloto, nukumubuzya, "Yosefe, mwana wa Deveti, utanyire ukumusenda u Maliya ukuba umwanthanda wako, chifukwa cho chili mukasi mwakwe, cha Muzimu Mutuba. ²¹ Akwinzu kupapa umwana umwanavuli, ukwinzu kumupunda izina ukuti uYesu, chifukwa akwinza ukuponosya abanthu kukwananga." ²² Vyonse ivi vikachitika ukukwanirisya amazwi aga Mulungu ukwinzira mu baneneri bakwe, ukuti, ²³ ''yen'ya, umulindu umwali akwinzu kwimilila, akwinzu ukupapa umwana umwanavuli, akwinzu kumupunda izina ukuti uManiwelo'' cho chikung'anamula ukuti, ''Umulungu ali niiswe.'' ²⁴ Nomba uYosefe akanyamuka mutulo twakwe nukubomba mo Umungelo uwa Mulungu amubuzizye, akajenda ukumusenda ukuba umwanthanda wakwe. ²⁵ Bakaba batakumine ukufichira inyengo yo uMaliya akinza apapa umwana umwanamvuli. Po akinza amupunda izina ukuti Yesu.