¹ Po pakupapwa ukwa Yesu mu Betelehemu wa ku Yudeya, munyengo yo uHerodi yikaba mfumu, yen'ya, abamahara abakunzantchi bakafika ku Yerusalemu bakati, ² ''Ali kwii wo apapizwe ukuti Mfumu iya Bayuda? Chifukwa twangwen'ya ulutondwa lwakwe ulwa kunzantchi, po twinza ukumulambira. ³ ''Po Herodi mfumu akati ayivwa ichi, akayimba sana poka nu Yerusalemu wonsi. ⁴ UHerodi akabitizya abansembe abasongo na balembi, akababuzichizga, ''UYesu akwinzu kupapizizwa kwii?'' ⁵ Abene po bakamubuzga bakati, ''Ku Betelehemu uwa Yudeya, chifukwa mo kukalembechera uwonyene nu muneneri ukuti, ⁶ 'Iwe Betelehemu, chalo icha Yudeya, ute wikale uwakuchepa mu basongo bo bali mu Yudeya, chifukwa wo inthi abe mulongozgi inthi afume muiwe, wo inthi ayenerezge abanthu bane abakufuma mu Israyeli.''' ⁷ Po nomba uHerodi akabitizga abamahara bala pabeka nukubabuzichizga inyengo yo ulutondwa lukaloreka. ⁸ Akabatuma ku Betelehemu, akati, ''mujendejende mukalondore akanako. Nanthi mwakaga akanako, mwinze mumbuzge ukuti niine inje inkhalambire ⁹ Abene bakati bivwa ku mfumu, bakanyamuka, nomba ulutondwa lo bakalwen'ya kunzantchi lukabarongozga ukufika po lukinza lwimilira pamwanya po pakaba kamwana. ¹⁰ Abene bakati ben'ya ulutondulo, bakasechera ukusechera ukukuru. ¹¹ bakati bafika munyumba, po baken'ya umwanuyo nu nyina uMariya. Po bakagwa pansi nukumufugamira. Po bakasatula ichuma chabo nukumupa ichawanangwa chabo, cho chikaba ugolide, nu lubani, na mafuta. ¹² Umulungu akabachenjezga kwinzira mumaloto ukuti batajendereko kwa Herodi, abene bakajenda ku charo chabo, bakajendera inzira iyinji. ¹³ Abene po bakafuma, Umungelo uwa mulungu akamulolechera uYosefe kumaloto, akati, ''Nyamuka, usende umwanuyo nu mama wakwe, muchimbilire ku Igypti. Muye mwikale ukonyene kufichira po nkhwinzu kukubuzga iwe, pakuti uHerodi akwanza ainze akagoje akamwanako.'' ¹⁴ Uwene po akanyamuka nukusenda umwana nu nyina ubusiku, nomba po bakaya ku Igypti. ¹⁵ Bakikala ukonyene mpaka uHerodi akinza afwa. Nomba ukuti chinze chichitiche cho umulungu akanena mwa muneneri ukuti, ''Nkhamwitizga umwana wane ukuti afumemo mu Igypti.'' ¹⁶ Po nomba uHerodi, pakwen'ya ukuti abamahara bala bakamupusika, akafurwa nadi. Akatumizga abanji ukuti baye bagoje utwana tonsi utwa mu Betelehemu nu muchigaba chakwe chonse, utwakwambira ivyaka viwiri na to tutakwanisizge ivyaka, mwakuyana ni nyengo yo akabuzga ku bamahara. ¹⁷ Po nomba chikachitika cho chikaneneka nu muneneri uJeremiya ukuti, ¹⁸ ''Amazwi gakivwika mu charo icha Rama, imfwa nu kupundilizga nkhani, uRakelo uwakulira abana bakwe, uwakukana umwakumukondwesya, chifukwa abene nabamo. ¹⁹ Nomba ukufwa ukwa Herodi, yen'ya, umungelo uwa Wulungu akalolechera kwa Yosefe mumaloto ku Igypti, akati, ²⁰ ''Nomba nyamuka, usende akamwana nu mama wakwe ujende ku chalo icha Israyeli, chifukwa akafwa wo akanzaga wumoyo uwa kamwana ako.'' ²¹ Nomba uYosefe po akanyamuka, akakasenda akana nu mama wakwe, po bakinjira mu charo icha Israyeli. ²² Uwene po akivwa ukuti Arikelao yikaba mfumu iya Yudeya, mumalo aga Herodi ubaba wakwe, akachita ilyoga ukuya kuko. Po nomba uwene umulungu akamuchenjezga kwinzira kumaloto, akanyamuka nu kuya mu charo icha Galileya ²³ nomba po akinza nu kwikala mu chikaya icha Nazareti. Nomba ukuti vichitiche vyo bakanena abaneneri ukuti, akwinzu ukupundika ukuti mNazareti.