¹ Kaa heka Deuxu rybe-di ijohodu ixitòed:yỹna rare, Habakuki. ² Deuxu Tyhyhykỹ, diarỹ raholare aõnaõna tewinytemy kia diarỹ sõemy tỹximy raberureri. Wiji biwinyke, wahãmyhỹrenyre bedeu, aõnaõna wiwihikỹmy tewinyte juhu bedeu, Kia diarỹ boho tule ruu arobirenykemy. Kia akyarahãkỹmy atximyhỹte hãre, wadireny bexiwobrunyke! ³ Deuxu rareri Edõ su-ribi, Deuxu Tyhyhykỹ rareri Parã hãwalò-ribi. Aaõwiwihikỹ biurawetyy ribòhònyre, kia suki tahe ibutumy tuu rerinanymy Rỹirenyreri. ⁴ Tii rarỹsỹnymy reamyhỹre atesina loosò wesemy, biudelaa tahe tebò-ribi ròhònymyhỹre, ibedeki rexiwomyhỹre ibedee nihikỹ. ⁵ Ikomy heka aõnaõna binabinahãkỹ ramyhỹre, kia ihewomy tahe webinadu rubuna ramyhỹre. ⁶ Tii rihumyhỹre, kia suu taeh ramytàtàmyhỹre; tii iny mahãdu hãwa hãwa-di retehemyhỹre, kia tii boho tahe ruberumyhỹrenyre. Bede ratòò mahãdu juhuluduna raukỹukỹmyhỹrenyre, kia rariòwymyhỹrenyre hãwalò hãwalò ehetxina, kia titxibo tii rariamy raremyhỹ ikiehyylemy. ⁷ Kia rabire cuchã iny mahãdu rawohitxihitximy ratxirenyreri kia Midiã-ki hãwadu mahãdu ruberumy ratxirenyreri. ⁸ Kia aõbo takyaranyteri bero mahãdu òludumy, Deuxu tyhyhykỹ? Kia aõbo adeburemy atxiteri bero ninihikỹ mahãdurenymy? Kai heka tanate aawaru boho tyre tanymy, kia tahãỹnanymy tòtamy tanate awouna Ityti heòty-di. ⁹ Awaxiahãte bimyke kiata bexiywinyke awyhy-di behukremy. Kai heka suu teamyhỹte beòrahãkỹ-di. ¹⁰ Hãwalò hãwalò umy robirenyre kiata ramytàtàrenyre; biube sõehekỹ biu-ribi rariowyre. Bee su rawo-my rỹimyhỹrenyre rawodỹỹnyrenyre; kia iybòreny nihikỹ rexilàmadỹỹnyrenyre. ¹¹ Txuu kia ahãdu juxarareny ixawirenyre kia robirenyreu awyhy rabrò rỹsỹhỹkỹmy kia atõnori rỹsỹhỹkỹ juxaramy robirenyreu. ¹² Akyarahãkỹmy atximyhỹteu tariamyhỹte suu-di ibutumy, kia adeburemy atximyhỹteu tariamyhỹte hãwa hãwa mahãdu tyrereny. ¹³ Tahònymyhỹte bihedỹỹnykremy asỹreny aijoireny, kia bihedỹỹnykremy iòlò kai tetate. Tewotõmonymyhỹte iny binabina mahãdu wedu kiata ibutumy tehumyhỹte isodadureny. ¹⁴ Awyhy rabrò-di terubunymyhỹte sodadu mahãdu wedu kia wadeereny aõbinamy rekoamyhỹrenyreu yhy debure wesemy riwahurenykremy; tii boho dòimyhỹdenyde rexityhytyhynyrenymy, riwahurenykremy, kia iwese inyõ rirubunymyhỹre wese hãbu iaõkõ wasityhymy. ¹⁵ Taawarureny tyre runymy rariamy ramyhỹre bero nihikỹ sa-my bero-ki, kia bero nihikỹ ybò debureyky-txi. ¹⁶ Kia tuu ibutumy raholareu, kia raberure, waryijeti brebumy ramytàtàre. Ibutumy waruru waribi riõre kia làmamy arỹike aõkõre. Kiaremyta, ariraõkre ywihyylemy, ¹⁷ Ihãremy bederade rade raratynyõlemy rỹirenyreri, kia mona besò (vinho) bederaderaratynyõlemy rỹirenyreri; kia azeitona ihoõlemy rỹireri ariarikemy kia mainodeni ihoõ arihekemy; kia budoeni boho ixyby ihoõrenyreri bede syraromy kia broreni uhuarimy rỹike aõkõre, ¹⁸ kia hãrele diarỹ Deuxu Tyhyhykỹmy areàlàkre kia Deuxumy arerinanykre, wahedỹỹdu. ¹⁹ Deuxu Tyhyhykỹ heka waruruterena nihikỹ rare. Tii ixyby warirana awityhymy riwinymyhỹre kia budoeni bederahy ludu wesemy, kia hãwalò hãwalò dee riwadymyhỹre, ibedeki areximywimy aratxikremy.