¹ Isaeli Deuxu heto templo riwinymyroiremyhỹ Judá mahãdu Benjamim mahãdu wetxusu ribi ditehemynydenyde idi raõmysỹdỹỹnyrenyre iòludureny heka rieryrenyreu ² Sorobabeli-ò rybemy roirenyre tii hãbu mahãdu wedumy rare tamy raryberenyre: “Awanareny araõmysỹdỹỹnykremy aõbo, awesereny jiarỹ boho heka aDeuxureny-ò xiwena rewahinyrenykre tamy reàlàwahỹrenykre juhule Esa-Hadõ bedeu heka kaò diwateònydenyde juhu ribile heka reàlámywahỹrenyre dori.” ³ Ihãre heka Sorobabeli, Jesua, ijõ Isaeli hãbu wedu mahãdureny heka rirawyònyrenyre: “Aõkõrehe kai boho iny boho wana Deuxu heto rikiwinyrenykre tuu aõko heka rare. Iny bohole Wanynyrỹ-ò Isaeli Deuxureny ka heto rikiwinyrenykremy iwese heka Siro, Pesiasu iòlò rarybere iwesemy.” ⁴ Iu heka Isaeli mahãdu kiasu mahãdu ribinanykremy, ribrebunykremy iworeny iribi rexierykre idi riwisỹnymy roiremyhỹ. ⁵ Inyõ mahãdu-ò nieru riwahinyrenyre heto aõmysỹdỹỹdu mahãdu-ò riokokremy. Tii boho kia riwinyrenyre Siro bedeu ribi Dario bedeu-ò, Pesiasu iòlòrenymy bedeu. ⁶ Idi heka jeijei mahãdu heka Xexé-ò Pesiasu iòlòmy raloreu Jerusalĕ mahãdumy, Judá mahãdumy rybe binamy riteònyrenyre. ⁷ Ataxexé-ò, Pesia iòlò, Bixilaõ, Miteredaté, Tabeeli, ijõ biòwa mahãdu wana heka tyyriti rityyritinyrenyre heka Aramaiko rybemy. ⁸ Heữ, suwedu, Sisaí tyyritidỹỹdu wana Jerusalĕ mahãdu teramy tyyritimy riwinyre myy: ⁹ “Kaa tyyriti heka Heữ, suwedu, Sisaí tyyritidỹỹdu, hãbuõ mahãdu wana, wahisidỹỹdu mahãdu wana, hãbuõ wedu mahãdu wana, Tiripoli ludu hãbu wedu mahãdu, Pesiasu ribi, Ereké ludu hãbu wedu mahãdu, Susã ludu hãbu wedu mahãdu Elã hãbu wedu mahãdu Babiloniasu ribi, ¹⁰ iny boho ijõsu ribi dirahude mahãdu wana kia heka Asunibali taruru-di isureny ribi ritare Samaria hãwã-ki idi riwisỹnyrenyre Eubaratésu bedebrò-ki idi risỹnyrenyre heka tiiboho wanareny heka roiremyhỹre.” ¹¹ Tyyriti tõranamy kaa heka rare: “ Ataxexé iòlò-ò, eòdureny mahãdu-ò Eubaratésu bedebrò-kisỹdu mahãdu adeereny rerytinyrenyre kia rybemy: ¹² ArabedeerynynyrenykreKia judeu mahãdu heka kaò Jerusalĕ-ò teteònyte heka òbiti aõkõ riwinyroiremyhỹrenyre. Kaa òtity ritỹmyranyrenyre heka òtity denamy raòbitinymyroire. ¹³ Iòlò katahe arabedeerynanykremy kai heka bierykemy kaa Jerusalĕ hãwã kia mahãdu ixyby ritỹmyradỹỹnykeki, iòtityreny ritỹmyranykeki heka tii boho sunierumy tiu araòwynyõtyhy, aõriòwynyõtyhy, iòlò nierumy riwahinyõtyhy, iòlò anierymy rexieryke lau. (perder, sobrar) (ao rei prejuízo) rexikeryra sobrar ¹⁴ Iny boho heka aõmysỹdỹỹdu mahãdu heka roire tai ibinamy rare waiòlòreny rexierykemy, kia òraruki heka kaa tyyriti waiòlòreny ariteònyrenyre. ¹⁵ Warybereny heka myy: Ihetxiu mahãdu tyyriti-ò rijerenykremy biteònykre, iòlò mahãdu ihetxiu tyyriti-ki idi rariakremy tai raharenykre, kaa Jerusalĕ hãwã mahãdu heka ibina bina heka iòlò mahãdu-ò teramy rearenyre juhuu kia òraru-ki heka kaa hãwã ribòhòbòhònyre, rituerenyre dori. ¹⁶ Tai adee raryberenyre heka ixyby kaa Jerusalĕ hãwã ritỹmyranyrenykeki heka, iòtityreny ritỹmyranyrenykeki heka Eubaratésu bedebrò-kisỹdu mahãdu tiu aratyhynyõtyhy bierykemy aratyhynyõtyhy.” ¹⁷ Idi heka iòlò tamyreny tyyriti irawyònamy riteònyre myy: “Kaa tyyritimy reteònyreri heka Heữ-ò, Sisaí-ò, ibutu hãbuõ mahãdu tii boho wana roire-ò, Samariasỹdu mahãdu-ò, ibutu Eubaratésu bedebrò-kisỹdu mahãdu-ò: Ywinamy! ¹⁸ Atyyritireny wakoki idi rariarenyre. ¹⁹ Irahudi heka jiarỹ reteònyre ihetxina tyyriti iòlò ihetxiu bedeu idi rijerenykremy tai heka idi rariarenyre heka inatyhymy kia hãwã mahãdu heka ibina binamy juhuu riwinyrenyre, rajeijeinyrenyre iòlò mahãdu-ò. ²⁰ Jerusalĕ iòlòreny ruruduhukỹ juhuu roire heka ibutu Eubaratésu bedebrò-kisỹdu mahãdu-ò sunierumy idi riòwynyrenyre taiòlòreny-ò. ²¹ Tai dori wiji heka kia hãbu mahãdu-ò iaõmysỹdỹỹnarenymy ixãwikemy marybebenykre, kia hãwã widỹỹrenymy ixãwikemy warybe òraruki wahe. Ararybeke ixyby xiery. ²² Uritere ywimy marybebenykre heka aiòlòreny arabinanyrenyke lau”. ²² "Tenham cuidado, não sejam negligentes neste assunto, para que os interesses reais não sofram prejuízo". ²³ Kia iòlò Ataxexé tyyriti-di rariarenyre rahudi heka Heữ, Sisaí, ibutu hãbuõ mahãdu tii boho wana wylemy roirenyre Jerusalĕ-ò judeu mahãdu rybemy, tarurumy idireny rare hãwã widỹỹmy ixãwirenykremy. ²⁴ Tai kia wesemy heka Jerusalĕ-ki Deuxu heto Templo idi ritỹmyranykremy ixãwire, ixãwire heka idihyy Pesia Dario iòlò inatxina bedeu-ò.