1 Templo koki Exidara tatiwomy reixitòenymy roimyrareu heka Isaeli mahãdu òrarunamy relyymyraremy tahe hãbu mahãdu, hawyy mahãdu heka idi rirurawonymy rexibutunyrenyre. Tii boho rahinymyroiremyhỹ, robumyroiremyhỹ sõwemy. 2 Iu heka Sekaniasi, Jeieli, Elaõ mahãdumy tii Exidara-ò rarybere:_Iny boho Deuxu-ò raòrarunyrenyre heka Hawyy iwitxira mahãdu wana dori raàdònyrenyre, Deuxu rieryõre mahãdu wana raàdònyrenyre. Ihỹre heka raròsòna Isaeli mahãdu-ò ijõdiremy. 3 Wijile heka Deuxu koki heka rikiteònyrenykremy hawyy suwitxira mahãdu, tariòre boho wana rikiteònyrenykre. Arybemyle ariòbynyrenykre, Deuxu rybeòby mahãdu rybemy ariòbynyrenykre. Tai dori Deuxu ywina rybe wesemy rikiwinyrenykre. 4 Myita! kaile heka kaa rybemy marybeke ibutu iny-ò. Awana heka ararekremy heka. Bexirurudỹỹmyke! 5 Tai heka Exidara lamymy rỹire xiwena wahidỹỹdu mahãdu wana, Levi mahãdu wedu wana idi riteònyrenyre heka iwese Sekaniasi rarybere iwesemy riwinyrenykremy. Idi heka riwinyrenykremy rarybetyhyrenyre. 6 Kia rybe rahudi heka Exidara Templo ribi rexitare heka Joanã-ò rare, Eliasibé riòremy. Tai heka idi roire heka rabedewomy roire heka ibutu Babilonia ribi rooserenyre mahãdu iòrarunareny òraru-ki rỹsỹna rirasỹõhyyre heka, bemy riõõhyyre heka sõwemy rabedewore dori. 7 Iribi heka Judá mahãdu-ò Jerusalĕ mahãdu-ò ribedeerynanykremy raryberenyre ibutu Babilonia ribi rooserenyre mahãdu heka rexibutunyrenykremy Jerusalĕ hãwã-ò. 8 Tulesỹ raryberenyre heka inyõ kidirahuõkeki heka inataõ txu-di heka inyõ dehemynyõkeki heka ihetoreny heka iribi ritarenykremy, dehemynyde mahãdu heka Isaeli mahãdu ribi imahãdureny heka ixãwikemy raryberenyre dori. 9 Inataõ txuu idi heka, debò inaubiòwa ahãdu-di wawiò txu-di heka, ibutu Judá sỹdu mahãdu, Bejamisỹdu mahãdu, Jerusalĕ-ò ritehemynyrenyre Templo ube-ki rexibutunyrenyre. Iu heka biu sõwemy roare, Isaeli mahãdu heka ramytatarenyre brebumy. 10 Idi heka Exidara lamymy rỹira idi rarybere: “Waijoireny òbitimy aõkõ toitenyte tai Isaeli mahãdu iny boho heka waòrarunyreny rasõwerenyre dori hawyy suwitxira mahãdu wana taàdònytenyte tai dori iny òrarunareny rasõwerenyre dori. 11 Katahe wijihe ararybekre, Inynyrỹ-ò iny labiereny Deuxu-ò aòrarunareny belyybenyke, Tamywimy wijihe biwinybenyke. Inysureny iwitxirasu mahãdu ribi bexitabenyke, hawyy iwitxira mahãdu ibutumy biteònybenyke ahawyyreny biteònybenyke.” 12 Tai iny ibutumy iteremy raryberenyre: _Rikiwinyrenykre! Ibutumy Inynyrỹ rarybemyhỹre heka rikiwinyrenykre heka! 13 Ihỹre heka iny mahãdu rasõwerenyre dori biu sõwere wiji, kaa ahanamy ixỹ roire-ki tahe isira heka rare. Wijityhylemy ariwinyrenykremy heka riòbynyõra wiji, iny òrarunareny rasõwere-ki wahe. 14 Ixinamy iny wedureny mahãdu heka Jerusalĕ-kile rarirenykre iribi heka inyõ suwitxira hawyy wana roire heka itxu bitidikemy, kia txu heka tahãwã wedu mahãdu wana, inyõ tahawyy wana dirahudenyde wahisidỹỹdu mahãdu wana tai ixiery Deuxu yarana waribireny rakemy. 15 Awire heka rahareny kia rybemy tahe dera mahãdu heka moma Jonatasi, Asaeli riòremy, Jaseiasi, Tikibá riòremy, Mesulã, Sabetaí, kia levi mahãdu raremy kia teramy rearenyre. 16 Babilonia ribi dirahude mahãdu heka kia rybemy riòbynyrenyre. Tai Exidara xiwena wahidỹỹdu heka hãbu mahãdu wedumy ritare Isaeli mahãdu mahãdumy inirenymy rirytinyrenykremy. Kia hãbu mahãdu wedumy mahãdu sohoji sohojimy ijobisimy riòrarunyre, kiau heka rare waò sohoji reurò ahãdu-di rare. 17 Idi inataõ ahãdu-di rijerenyre heka ibutu hawyy iwitxira mahãdumy wana hãbumy roira heka rare. 18 Myy inireny heka roire tamahãdu tamahãdumy: Xiwena wahidỹỹdu: Jesua mahãdu Jeosadake riòremy, iseriòrereny mahãdumy: Maaseiasi, Eliesé, Jaribé, Kedaliasi. 19 Tii boho heka inatyhytyhymy raryberenyre tahawyyreny riteònyrenykremy, iòrarunareny òraruki heka budoeni hãbu xiwena-ò riwahinyrenyre. 20 Imehé mahãdu heka: Hanani Sebadiasi. 21 Harí mahãdu heka: Maaseiasi, Eliasi, Semaiasi, Jeieli, Usiasi. 22 Pasu mahãdu heka: Elioenai, Maaseiasi, Ismaeli, Netaneli, Josabadé, Elasá. 23 Levi mahãdu: Josabadé, Simeí, Kelaias, Betaiasí, Judá, Eliesé. 24 Wiudu mahãdu: Eliasibé. Deuxu heto Templo ijòtòbòna idi itxeredumy: Salữ, Telĕ, Uri. 25 Ijõ mahãdu: Barosi mahãdu: Hamiasí, Jesiasí, Maukiasí, Miamĩ, Eleasá, Maukiasí, Benaiasí. 26 Elaõ mahãdu: Mataniasí, Sakariasí, Jeielí, Aiji, Jerimoté, Eliasi. 27 Satu mahãdu: Elioenaí, Eliasibé, Mataniasí, Jerimoté, Sabadé, Asisá. 28 Bebaí rmahãdu: Jeoanã, Hananiasí, Sabaí, Atlaí. 29 Bani mahãdu: Mesulã, Maluké, Adaiasí, Jasubé, Seaú, Jeremoté. 30 Baaté-Moabé mahãdu: Ajina, Kelaú, Benaiasí, Maaseiasí, Mataniasí, Besaleú,Binuí, Manasesí. 31 Harĩ mahãdu: Eliesé, Josiasi, Maukiasí, Semaiasí, Simeaõ. 32 Bejamĩ, Maluke, Semariasí. 33 Hasữ mahãdu: Matenaí, Matatá, Sabadé, Elibeleté, Jeremaí, Manasesí, Simeí. 34 Baní mahãdu: Maadaí, Ãraõ, Ueú, 35 Benaiá, bedeiasí, Keluí, 36 Baniasí, Meremoté, Eliasibé, 37 mataniasí Matenaí, Jaasaí, 38 Binuí mahãdu: Simeí, 39 Selemiasí, Natã, Adaiasí, 40 Makinajibaí, sasaí, Saraí, 41 Asareelí, Selemiasí, Semariasí, 42 Salữ, Amariasí, José. 43 Nebo mahãdu: Jeieli, Matxitxiasi, Sabadé, Sebiná, jadaí, Joeli, Benaiá. 44 Kaa hãbu mahãdu heka ibutumy hawyy iwitxira mahãdu wana raàdònyrenyre, ijõ tule heka rariòrenyrenyre tiiboho wana.