CAJIICHAANA E´CATÄ´JÖDÖ ISRAELITA WWÄIÑE 29
1
2
Yaawä Filisteocoomo cöne´jummaicho töwewono´tamo jadäiñe Afec ña; yaawä israelita cöne´jatatoicho tuna töötota Jezreel ñano dötä Yäjemma yaawä Cajiichana´coomo Filisteo jadoncomo cönedhatocaicho cien to´cwa´cä mil to´cwacä mmaja töwewonotamo Aquis jadoncomo, David jadoncomo mmaja dhanwa´como töwädachä cönäjato töwä´mannäancädäiñe Aquis jadä.
3
Yäjemma yaawä töwewä´nätamo edhajotoncomo Filisteo cönädöacä, "¿Anecämö nödöanto canno Hebreo etä?" Aquis cönädöacä aneja cajichana Filisteo´ñano wä. ¿Ñädä jönö´ca määdhä Israel cajiichanai, jadä töweiye cönä´jadö, iyä año dea, anedantäda weiyaquene conenjönö inñödö döiña yädöjödö jona tödöeene?.
4
Ñäädä Filisteo edhajätoncomo cone´da cänä´jacä chäjäcä; tönwanno cönädöato: Nötoñojo mädä dhanwa, enna ´caiyede iyä jata munedöiña; iña jadämma manennojai ewänätä, iña tudedö´jemma ädöno wewänätänä wadadädä, ¿yäjene eijaiña täncano´deda tädhajä dötä? ¿adädöne ojumma´dana töwewänätamo jadaiñe?
5
¿Ñäädä jönöca mädhä David, töwecantaña cönäjadö töwänwan´cädä Saúl cömja´joicho miles´tocwacä quee töwädöancädä, David mmane diez mil to´cwacä quee?
6
Yäjemma yaawä, Aquis cönadejai David cönädöacä chäwwä: "Cajiichana Wanaadi nudä nadöje mmaja aashicha madea amädä, mädäje mmaja jadä aweichawä töwewänätämöje aashicha töwäne mänene yem´jatawä; Cönem´jönö anedantädawa ajäcä döiña awejöjödö jonnoto´jödödä eduuwa jona tödöene, yawääne cajiichanacoomo mmane ajadäda naato."
7
Yääje yeijäcä tämcanodeda adhennacacä eduuwa, Filisteo cajiichanacoomo anaquinmadaiñe aweichö wetä.
8
David cönädöacä Aquis wä, "¿anecämö´ca wödöne? ¿anecämö´ca wenejoone äwwä osotoije wädöjonnnotojödödä eduuwa nadö joona tödöene, ewänätäda weijödö cajii´chanai tude´tomojadä?"
9
Aquis cöneu´cwajä´acä yaawä David; yaawäne Filisteocoomo cajiichanaichomo mane edääje nädöato: "Mädä wänä aca täja´cha na iya jaadä."
10
Yääje yeijäcä ä´jäcä jenadädä acajiichanai sotoi menene´todö jadänñe; Jenadädä äwäjajäcä jeiñe mma äjäne´de."
11
Yäjemma yaawä David cänä´jäi jenadädä´cä, shotoi mmaja, jenadädä tö´tädöcoomo wetä, Filisteo nonodöcoomo de´cäi tö´tädöcoomo wetä. Yawääne Filisteocoomo mane cöntonto Jezreel ña.