¹ Yaawä Nahas Amonita töwö, Jabes Galaad cönawodhentoicho, tamedädä dhanwacomo Jabes ñancomo cönädöato Nahas wwä, "adhaded'du utäcä ña wwä owoijeiñe ñana yaawä. ² Nahas Amonita cöneccujäato: Edäje wädöa äwwäiñe adhaded'ducomo utudu owajo, awadäiñe adhenuducomo ämudemjönö ucadö'que, mädäje conemjönö weduccadö wetä Israelita decäcäiñe. ³ Yaawä Jabes edhajotoncomo cöneccujäato: Etä ñaa cönäncä töjäcäjene acä amojato (7) nototo ai ñaa medeje adädöcomo wetä. ⁴ Guibeá ñaa Saul döiña dhanonöcomo cönädöicho, soto netadöcomoje cönecammaicho yejadätäjödö. Tamedä yäätoncomo cönamoicho yaawä. ⁵ Saul cöneacä täcöntomo jaca ncäcäiñe, Saul cönädöacä: "¿Anequenei mädä wacä soto namoanto.?" Jabes sotoi aded'du chäwwä cönecammaicho yaawä. ⁶ Yää etajäcä Saul wwä, Espiritu Santo jäduje chäjäcä cönätäi, töwö cönätömai yaawä joje. ⁷ Aacä jaca töwö cönaminñäcai yaawä cönacäjätöicho shecäcäiñe cönadojojätöi Israel ñancomo nonodöcomo wadäi wätunnä adäneichomo jadäiñe. Töwö cönädöacä: Mädäje dea nataminñä'cajatode Saul, Samuel jetaca, mädäjene nätuade jaca chäcöntomo." Soto jehova joje cönnontato yaawä. toni ño dhanwa nönge cönojodöicho Samuel Saul jadädäiñe töwejummadöcomojo. ⁸ Bezec ñaa yädöacomjäcä cömmencaicho 300.000 mil Israelitacomo. Judá sotoi cönäjato 30.000. ⁹ Ñanno anonta'como wäiñe cönädöato yaawä. "Edäje caichäcäde Jabes Galaad ñano sotoi wäiñe: Jenamma shii watunajäcä mäwanacatode; Que caichäcäde tacwaiñe cönäjato yaawä. ¹⁰ Yaawä Jabes sotoi cönädöato Nahas wwä. "Jenamma ädöiñaiñe ña nejacade ämjummadöcomo woije ñaa mädötäiye. ¹¹ Yää jenamma nadöje Saul aduwawäto cäwacä ñanno töwewänätamo wejummacomo cöiñatojätöi. Yawanadawä tönwanno cönomomöicho tutudetännamo e'sacaiñe. Amonita töjajodöcomoje cönäjato yaawä änunnaque yeichö tödöene. Macamo nudäcomo cönädetöichodö cönämecantoicho tamedädä. ¹² Israelita cönädöato Samuel wwä yaawä: "¿Änäcöca yäje cönädöacä?' ¿Cöcajichanaichojeca Saul nai?' ñanno enetäcä töjajodöcomo wetä. ¹³ Saul cönädöacä: Edä anoto awä toni chä ämada nade. Jehova nutudu woije eduwa cäwanacato. ¹⁴ Yääje mma yaawä Samuel cönädöacä soto wwäiñe: Ätäcä Gilgal ña cötätäiye eduwatoje quetätantäiye cajichana. ¹⁵ Yaawä tameedä tönwanno cöntonto Gilgal ñaa Jehova wadädä Saul cajichanaje ewacadö wetä, yäätä Jehova wonoje tacwaiñe weichojo täjeto ashichato utudu cönnöicho töwacwaichancädä Saul tamedä Israelita jadäiñe..