¹ Ngga nemot kuno, mea tenuing bu nemu yap tenglam Daud go ngga ey blung Yerusalem nang susuep kon ngga ey mea saglang. ² Ngga nemot kuno, seni snong so Wali nembut kukenan so lemoy go, "at lo mea kli sui-sui demat sikso nan ngga e nemot nang yakua go tene sing. At lo seni mea yat sing nabi-nabi ngga ey kua sep saglang nan ngga nemot sikso. ³ Nando lo tandali go nembut tegadi mo pen mo, ayah ey mia ey nemot so tui go logo nembut mea pu nemot nego so, mot tandali go yakwa kiki wamoymele nembut Ki Wali go suino mo pen mot lo!' ⁴ Ngga nemot kuno, nabi-nabi suongsut mea tra kungap ikum go pen go so nabi so lemoy go nogo. tandali go nemotnang yakwa kok amka did ey go wamoymele semu nang; ⁵ No nemotnang lo mea pen, 'at nabi sedue so kwa e nando lo nemotnang no mo usui mo e at ge nan so u sey go sedue be, maning suguey go nan ge at go drang kabe.' ⁶ No si meno lo mo usui mo nemot nego mo, 'sasuik nogo kuo pit ngga sogo sikso?' nemot lo mea wa: ge nemot lo kuo andua-andua go yap no at tegu go!" ⁷ "Woi tengang kaluang nglong ya genam go domba yai sedue no andua si genam dagu seni nogo!" seni songso gabe Ki Wali utso nanso lemoy go nembut. domba yai sedue ya sang se tebuet domba-domba mea suep-suep! at go ta mea tui nemot nang yamso mo utui go blosno. ⁸ Ngga ey, mea lemoy nan-nan naklay nogo, senisongso ge Wali nembut, namon nangglik temoy tong mea kebong nangklay ma leguot, no nangglik temoy tong ya mea Wali go suing. ⁹ At lo mea iti go tui nangglik temoy tong ngga koy ba sno ga ey mea key sing nemotnang perak key si nang kalik so at lo yatrang mea si nang emas kalik so nemotnang yatrang nogo. nemotnang lo genam go sui mea tra ngga ey at mea wa nemot nang nogo. at mea pu: Seni nemotnang ga at go uduonebo, ngga ey nemot nang lo mea wa: seni Ki Wali ge ago Ki Wali Iram!"