Pasal 12
Kungap Ikum go saula-saula Yehuda dagu lo go nogo so
1
Wali nembut be Israel nang nogo.Ki Wali nembut pu go ut so lemoy go lo,kukenan kutrui lemoy go lo,nggano kuasep sikabung bano lemoy go lo,
2
"sni songso,At lo gemang semu Yerusalem saula kabui so mo guom go naklay saula idilogo-idilogo daklaya seguong-a,Yehuda nemot dali sogo-sogo kwa go so mea lemoy Yerusalem mo teguot mo
3
ngganemot kuno,At lo mea lemoy Yerusalem demnulek nang sogo kalik so mea tra.Seguay go babugo nang nogo.Nando lo ma lek mo kuo kangok so mea tra.Seguay go-babugo saula kukenan blo nogo ge mea pluep ple srom go nang.
4
Ngganemot kuno,snisongso ge Ki Wali nembut,At lo mea semu kuda naklay kekayso memawo,sude kuda so iti go wet ko ga mea puplu.Blung Yehuda blonogo.At lo mea pla At go nemu,no kud-kuda saula-saula naklay go At lo mea semu seguo so.
5
Ngga nemot ku no,nyengkabui blung Yehuda nemot go dabui balo mea pu,sikabung Yerusalem don sengoso lemoy go ngga Ki Wali ut so nan so lemoy go nggatang sikso,nemot go Ki Wali Aya.
6
Ku ngganemot sino,At lo mea semu nyengkabui blung Yehuda periuk koy kalik so koy kneng nesip-nesip baso ngga ey suluh koy ey ego kalik so nesip-nesip gandum urong baso.Nemotnang lo mea plesing naklay saula tang kali ndi logo ga ey tasemra idi nogo,no--blung Yerusalem mea suing lak nemot go suipsuing no.
7
Yehuda go kuduen yap-yap Ki Wali lo mea sesuoy ya,Daud yaptenglam genang Yehuda nogo Yerusalem naklay yakwa saysuk no dewi but genang.
8
Ngga nemot kuno,Ki Wali lo wali tema blung Yerusalem,ku ngga nemot no Daud kalik so mea lemoy nemotnang basik so malo go dega so,nggano Daud ko yaptenglam mea lemoy Ki Wali kalik so,nyengkabui kalik so nemot nang nogo Ki Wali Tamot.
9
Ngga nemot kuno,saula u..wenggo Yerusalem nogo plesrom genang sogo At lo mea tapla tang ey buin genang naklai."
10
Yap tenglam Daud blo sno waglo taiti wali pega ga ey waglo u nang sogo At lo mea iti,ga ey Yerusalem blung blo sno,genam-sno nemot nang nemu mea iti,moluk kono nemotnang lo,nemo go duo klay king kalik so sikabung yawi nemot nogo so ga ey mea yawi ga nemot ngggo trang duo kaik so dabui mesop sni nemot nogo so.
11
Ngga nemot kuno,Yerusalem no yawi kangok so mea,Hadad-Rimon nego kalik so yawi Megido betuo no.
12
Nan ngga nemot no,kabung-kabung banom dali Yawi mea suing ga ey blung aklay yap tenglam banon ngga melena Daud kabung-kabung nang ey blung melena natan kabung-kabung nang ey,
13
Blung melena Lewi ga ey kabung-kabung nang ey,blung simei ga ey kabung-kabung nang ey,
14
blung temu naklay dali se,blung klay-klay sni ga ey banom go ga ey kabung-kabung banom dali se."