¹ Pitharo ko ah so sab'n-sab'nar ah sii miyaka titayan ki Cristo. K'naba ako dii pamamamokag, ago ped ah dii saksi so miya galbek aken ah kamapiyaan ko Banal na Espiritu, ² na para raken ah tanto ah kalumbayan ago da taman iyan sa karata ginawa. ³ Sabap sa aya thumoon aken na saki bo e kararangitan ago mablag ki Cristo para sa kamapiyaan ko mga pagari aken, Siran eh thidto aken ah mga tagpeda. ⁴ Siran na mga Israelita. Sii rkiran kalilimbon, so bantugan, so mga kapasadan, so tampil oh kukuman, ago so paratiyaya ago so mga pasad. ⁵ Sii ko mga palok'loksan miyakapuon si Cristo ah skiyan uto so Diyos ah kalanguan. Na skiyan bo uto eh babantugn taman sa taman. Amen. ⁶ Ugaid na knaba mingi talimpnda so mga pasad oh Diyos. Sabap sa knaba langun ah sii sa Israel na langun ah ped sa Israel. ⁷ Knaba langun ah babad eh Abraham na ba niyan bnar ah mga wata. Ugaid, "Na misabap ki Isaac na tawagn so kalanguan oh mga babad ka." ⁸ Giyanan, so thidto ah mga wata na ba bnar ah wata oh Diyos. Ugaid na so wata ah pasad na is's'nggay ah babad. ⁹ Sabap sa giyaya eh kataro oh pasad, "Sa giyaya ah masa na pakatalinguma ako, ago isa ah mama ah wata ah imbgay ki Sarah," ¹⁰ Knaba giyabo, ugaid na mapasad ikawgat e Rebecca ah maka pagukit ko isa ah mama, ah aya ma tano ah si Isaac- ¹¹ sabap sa so mga wata na dapn ilayag ko dunya agu dapn a miyang galb'k iran ah mapiya agu marata, ka aya ukit oh Diyos ko kapili iyan na aya kalamba, naba sabap ko mga galbk iyan, ka sabap ko so skiyanuto na ptawag- ¹² pitharo ko rkiyan, "So mas matua na aya panunuatan ko mga kangudaan." ¹³ Laged oh mingi surat: "Pkababayaan ko si Jacob, ugaid na pkararangitan ko si Isau." ¹⁴ Upama ka gyuto, antunaa eh ptaroon tanu? Ba adn ah da ah kukuman iyan maka pantag ko Diyos? Pangninta ah di masuwa. ¹⁵ Sabap sa pitharo iyan ki Moises, "Ikapdi akn so apya antaa ron ah ikapdi akn, agu ikalimo akn so apya antaa ron a ikalimo akn." ¹⁶ Na gyuto baa, naba miphoon rkiyan ah manginginam, naba rkiyan misabap ah palalagoy, ka inunta bu na so so Diyos, ah paki ilay sa limo. ¹⁷ Sabap sa dii taroon oh kasuratan ki Paraon, "Misabap ko giyae ah pa ukit ukit na mingi puro ka, ka on akn mapaki ilay so kagaga akn na sii rka maka titayan, agu para maka rampat so ingaran akn sa dunya." ¹⁸ Na gyuto baa, adn ah limo oh Diyos ko apya antaawn ah kabayaan iyan limoon, agu paka t'gas'n iyan so pamusongan oh apya antaa ron basta kabaya iyan. ¹⁹ Taruanga raki, "Inuto ka miyangilay skiyan pn sa karibatan? Sabap sa antaa ron eh miyaka r'n ko kabaya iyan sa apya miyaka isa bu?" ²⁰ Sii pman ko sabagi, tao, antaa ka ah p's'mbag ko Diyos? Ba ptaruan oh pasad bu matag so miyad ron, "Inu ako nga p'mbaalan a giyaya?" ²¹ Ba dadn a kapaar oh lapot ko mababaal ah dii mbaal sa buyong, ka para mbaalan so isa ka tumpok ah lapot sa isa ka taguay ah mabaloy ah pagusar'n, agu so isa ah taguay ah mabaloy ah aya uman gawii ah dii mapagusar? ²² Inu oh so Diyos, na mabaya iyan mapaki-ilay so rarangit iyan agu ipamalayapat iyan so kagaga niyan, ah misabar sa katataguan niyan ron ko rarangit iyan ah eh aali ko kapaminasa? ²³ Inu oh siwa iyan uto ka aya antap iyan na milapat so kala ah kapaka gaganiyan sii ko taguay sa limo, na guwani niyan dn bz iririparado para ko kapaka gaga niyan? ²⁴ Inu oh siwa iyan uto para rkitano, ah tiyawag iyan pn, naba matag miyaka phoon ko mga Judio, ka apya ko mga Gentil? ²⁵ Laged oh pitharo iyan sa Hosea: "Tawag'n akn so mga taw ah taw akn so guwani ah naba akn mga taw, agu pkababayaan so naba guwani pkababayaan." ²⁶ Agu ko darpa ah pitharoan siran, 'Naba ko skano mga taw,' roo na tawag'n siran "mga wata oh Diyos a bibiyag.''' ²⁷ Dii plalis eh Isaias so sabap sa Israel, "Oh aya kadakl oh mga wata oh Israel na datar sa kadl oh lulu'nk sa ragat, sa so bu so sabaad ron eh maka tagumpiya. ²⁸ Sabap sa di kathay, na tuman'n oh kadnan so kathro iyan sa dunya." ²⁹ Agu giyaya na lagid oh pitharo eh Isaias guwani, "Uda plamba sa babad so kadnan ah mabaloy ah aya pangato para rkitano, skitano na malbod tano malagid a Sodoma, agu mingi lagid go Gomorra. ³⁰ Upama, na antunaa e ptaroon tano? Ah so mga Gentil na knaba mananar paka ko kukuman, na aya miya kuwa ko kukuman, so kukuman ah makaka tititayan ko paratiyaya. ³¹ Ugaid na giya Israel, ah miyana guntaman sa kukuman ah mingi sugo na da iran kanggunae. ³² Inu di? Sabap sa da iran panaguntamani so paratiyaya, ka sii siran sumiyarig ko mga galbk iran. Mingi gpha siran ko wator pki-g'pha tawn, ³³ laged oh mingi surat, "ilaya nyu, mitad ako sa Sion ko water ah pki-gpha tawn agu mala ah wator ah pki-gpha tawn. Sadn sa mamaratiyaya saya na didn maka khaya."