¹ Manga pagari, aya kabaya o puso akn ago pangni akn kon Diyos na para kiran, para ko kamapiyaan iran. ² Sabap sa siran uto na pangingmbnarn ko a adn a panaguntaman iran si i kon Diyos, ogaid na naba maayon ko katawi iran non. ³ Sabap sa di iran katawan so kokoman o Diyos, ago pananaguntamanan iran amakambaal siran sa sarili iran a kokoman. Da siran pakisakop kokoman o Diyos. ⁴ Sabap sa si Cristo i tuman o suguan para ko kokoman o languwan o miyamaratiyaya. ⁵ Sabap sa sumiyurat si Moises makaa poon ko kokoman a makapopoon ko manga suguan: "So tao a mimbaal sa kokoman o suguan na makapaguyag uyag sa kokoman uto." ⁶ Ogaid na mlagid aya so pitharo o kokoman a miyaka poon ko paratiyaya, "Banga di tharoa ko puso o ka, 'Antay thabid sa langit?' (ka so kapantk iyan na para makababa si Cristo). ⁷ Ago banga di tharowa, 'Antay mbaba sa kadidalman?'" (so kapantk iyan na para makambuwat si Cristo makapoon ko kapatay.) ⁸ Ogaid na antunaa i di aya di tharoon? "Marani rka so katharo, si i ko ngari ka ago si i ko puso ka." Giyanan i katharo o kapamaratiyaya, a mingi panarampat ami. ⁹ Sabap sa o so ngari ka na, kilalaan ka si Jesus a kadnan ka, ago miyamaratiyaya ka ko puso o ka a inuyag skiyan o Diyos poon ko kapatay, na phakatabang rka. ¹⁰ Sabap sa puso miyamaratiyaya so tao ko kokoman, ago sa ngari skiyan mangingimbnar para ko kapipia ginawa. ¹¹ Ogaid na pitharoo oh kasuratan, "Sa dn sa miyamaratiyaya rkiyan na di makapkhayakaya." ¹² Sabap sa da a mbidaan o Judio ago Griyego. Kagiya so kadnan na kadnan o languwan, ago kawasa skiyan ko languwan o pthawag rkiyan. ¹³ Sabap sadn sa pthawag ko ingaran o kadnan na makapthagumpiya ron. ¹⁴ O ba giyuto, panon siranon phakatawag na knaba skiranon mamamaratiyaya? Ago panon siran rkiyan makaphamaratiyaya i da iran pn man'g? Ago panon iran khan'gan i daba kiran di i maka pamangdao? ¹⁵ Panon siran makapamamangdao o knaba siran mini sugo?-- Lagid o mingisurat, "Mataan ko mapiya so manga ai o di i panampayat o mapiya a khasuwasuwa!" ¹⁶ Inunta na naba langun siran na miyamakin'g ko ebanghelyo. Inunta na pitaru ih Isaias, ''Kadnan, antay miyamaratiyaya ko kataru ami?'' ¹⁷ nasu kapanambayang na miyakapoon ko kataru, agu kapamakin'g ko kataru ih Cristo. ¹⁸ Na pitaru akn, ''Bayran da makin'g?'' Uway, badaan miyakin'g iran. ''A so kataru iyan na miyaka langkap ko dunya, agu so manga kataru iyan na taman sa mawre ah alungan.'' ¹⁹ Ipoon imanto, pitaro akn, ''Bada katukawe oh Israel?'' Guwani na pitaru ih Moises, Paginggint'n ko skano siko dapn mabaluy ah dunya. Asiko dunya ah da makab'b'nararon, maka pagut'g'n akn ska no.'' ²⁰ Na pitaru eh Isaias ah da kal'k iyan, ''Miya toon ako oh nabaraki di mamangilay. Na miyaki ilay ako ko naba raki di mamangilay.'' ²¹ Inunta na pitaru iyan sa Israel, ''Kiyagagabiyan akn ipkulang ah lima akn ko mga taw a mga pawal agu mga t't'gas e ulo."