¹ Sii ko teked a kapipita ko Akad na somiyong so manga babay ko kobor a phagawidan iran so mga ikekamotan a piyagadeil iran. ² Miyaoma iran so kobor a kiyalekaan, ka miyalilid den so wato a poon ko gimowa iyan o kobor. ³ Na somiyoled siran on, ogaid na da iran matoon so lawas o Kadnan a Isa. ⁴ Sii ko katitindeg iran roo a pephamemesa makapantag sii na tekaw iran den miyailay so dowa kataw a mama a tominindeg ko obay ran a ndiditar sa pepamangindat a nditaren. ⁵ Miyalek so manga babay na miyakadoshong siran. Pitharo kiran o manga mama a "Ino niyo pepangilobaa so oyagoyag sii ko miyamatay? ⁶ Da sekaniyan sii ka miyaoyag bo! Khatoosan niyo so pitharo iyan rekano isako ndodoo sekaniyan pen sa Galili, ⁷ a tig iyan a 'So Wata o Manosiya na disomala a khipalad ko kapaar o baradosa a manga mama ago khatotok ko kros na khaoyag bo sii ko ikatelo gawii.' " ⁸ Na kiyatoosan o manga babay so manga katharo iyan, ⁹ Na komiyasoy siran a poon ko kobor na piyanothol iran ai langon ko sapolo ago isa a sokbat ago so langon a ped. ¹⁰ Giyangkai a manga babay, a si Mariyam Magdalina, si Yowana, si Mariyam a ina i Santiyago ago so ped iran a manga babay na aya miyamanotol sangkai a mga nganin sii ko manga siyogo. ¹¹ Ogaid na aya kapipikira iran on na gii mamerak so manga babay, na da iran benara so pitharo iran. ¹² Ogaid na tominindeg si Pidro na miyalalagoy roo ko kobor, na komiyoong ago siyorong iyan so kobor, na miyailay niyan a aya bo a matatago roo na so manga dinis a inibongkos ki Isa. Na miyaling sekaniyan a pephamemesa o antonaa i miyasowa oto. ¹³ Sii sangkoto a gawii na phelalakaw so dowa ko manga sokbat a pesong sa inged a bebetowan sa Imaos a manga sapolo ago isa ka kilomitro a poon sa Yarosalim. ¹⁴ Gii ran gii mbibitiyaraiyan so langon taman a miyasowasowa. ¹⁵ Na sii ko gii ran gii kambibitiyarai na si den si Isa na miyobay rekiran, na miyonot kiran a phelalakaw. ¹⁶ Miyailay iran sekaniyan, ogaid na da iran makilala o antaonon oto. ¹⁷ Ini isha kiran i Isa a "Antonaa i gii niyo gii mbitiyaraiyan ko kaphelalakaw niyo?" Tomiyareg siran lomalakaw a datar a mararata a ginawa iran, ¹⁸ Na somimbag so isa kiran a aya ngaran iyan na si Kliyopas a tig iyan a "Ba seka bo i mama a gomegenek sa Yarosalim a di niyan katawan so manga miyaolaola roo ko miyamakapira den ai gawii?" ¹⁹ “Antonaabes i miyaolaola?" a iniisha iyan. Tig iran a "So kiyaokitan i Isa a Taw sa Nasarit. Nabi sekaniyan a kikilalaan o Allah ago so langon a taw a mala i kabarakat so katharo iyan ago galebek. ²⁰ So manga poporo a imam ago so manga olowan tano na piyalad iran ko kashalaa on ko kapatay, na tiyotok iran ko kros. ²¹ Aya iinamen ami gowani na sekaniyan i phakasabet sa Israil. Liyo san pen na ikatelo den ai gawii a kiyanggolaola oto. ²² Ogaid na miyamemesa kami ko pitharo o ped ko manga babay a ped ami, ka komiyabalaga siran somong ko kobor. ²³ Na da iran roo matoon so lawas iyan. Komiyasoy siran na piyanothol iran a miyakailay siran kon sa pangingilain, a so manga malaikat a pithero iran kiran a oyagoyag sekaniyan. ²⁴ Na so ped ko manga ped ami na somiyong ko kobor, na miyaoma iran a datar bo o pitharo o manga babay, ogaid na da iran sekaniyan mailay." ²⁵ Na pitharo kiran i Isa a "Sekano a da a manga lalag iyan ago manga lolobay i paratiyaya ko langon a miyatharo o manga nabi! ²⁶ Ba di disomala a daan a miyakaokit so Al Masih sangkai a manga karomasayan na go bo makasong sa kasorgaan?" ²⁷ Na inosay niyan kiran so misosorat ko dalem a Kitab makapantag sa ginawa niyan ipoon ko Kitab o Mosa taman ko manga Sorat o langon o manga Nabi. ²⁸ Sii ko kapepakaoma iran ko inged a songowan iran na mankon ndayon si Isa ko kapelalakaw niyan. ²⁹ Ogaid na inakolan iran sekaniyan a "Sii ka rekami den pasin, ka magaan den magagawii na phakaliboteng." Na somiyoled roo si Isa ka tereg kiran. ³⁰ Sii ko kapephamagatoang iran na kominowa sekaniyan ko paan na miyanalamat. Na piyangopak iyan na inidawag iyan kiran. ³¹ Sarta den a miyabekar so manga mata iran na miyakilala iran sekaniyan. Ogaid na trkaw den miyada sekaniyan na da iran den mailay. ³² Na pitharo o isa ko ped iyan a "Ba di tanto a kiyaoyatan so manga poso ta sii ko di niyan rekta gii kapakimbitiyarai roo ko lalan a penggogoden iyan rekta so Kitab?" ³³ Na sii den sangkoto a oras na gomiyanat siran na komiyasoy sa Yarosalim, na miyatoon iran so sapolo ago isa a sokbat a thitimo roo a rakes o manga ped iran, ³⁴ A aya iran gdii tharoon na "Mataan den a miyaoyag bo so Kadnan, na miyakiilay ki Simon!" ³⁵ Na piyanothol o dowa a mama so miyaolaola sii sa lalan, ago so kiyakilalaa iran ki Isa sii ko kiyapangopaka niyan ko paan. ³⁶ Sii ko kapepanotola iran sii na miyaki ilay si Isa a tomitindeg ko pamageletan niran , na pithero iyan a "Malalayon rekano so kalilintad." ³⁷ Kiyatekawan siran ago miyanga alek a aya mapipikir iran na miyakailay siran sa arowak. ³⁸ Pitero iyan kiran a "Ino kano penga aabeng? Ino kano pendowadowa? ³⁹ Ilaya niyo so manga lima ko ago manga ai aken, ka saken den! Apera ako niyo, ka khatokawan iyo; ka so arowak na da a ba niyan sapo ago tolan a pekhailay niyo a shisii raken." ⁴⁰ Kagiya matharo iyan ai na piyakiilay niyan kiran so manga lima niyan ago so manga ai niyan. ⁴¹ Ogaid na di siran pen pekapangimbenar piyapiya sa o ba sekaniyan den sabap ko kiyababaya iran ago kiyapamemesa. Na giyoto a iniise iyan kiran a "Ba aden a kekan sii?" ⁴² Na bigan iran sekaniyan sa sabool a iniyaw a seda, ⁴³ Na kinowa niyan ago kiyan iyan sii ko hadapan iran. ⁴⁴ Pitero iyan kiran a "Tanodi niyo angkai a miyatero aken rekano isako shisii ako rekano pen: Disomala a kitoman so langon a misosorat makapantag raken sii ko Kitab o Mosa ago so manga Sorat o manga nabi ago sii ko Sabor." ⁴⁵ Na taros a liniwanagan iyan so manga pamikiran iran kaan iran masabot so Kitab, ⁴⁶ A tig iyan a "Giyai i misosorat on: Kharasay so Al Masih na keoyag bo a poon ko miyamatay sii ko ikatelo gawii, ⁴⁷ Na sii ko ingaran iyan na so osiyat makapantag ko katelikodi ko manga dosa ago so kaperilai ko dosa na pekalangkapen roo ko langon o manga nasiyon a ipoon sa Yarosalim. ⁴⁸ Sekano i manga saksi sangkai a manga nganin. ⁴⁹ “Na phakasongen ko rekano so initopa o Ama aken. Ogaid na thatareg kano sii sa siti taman sa masenep kano o kabatowa a poon sa kasorgaan." ⁵⁰ Oriyan oto na piyakaonot siran i Isa ko liyo o siti taman sa Bitani, na inibayaw niyan a manga lima niyan na riyakmatan iyan siran. ⁵¹ Na sii ko kaperakmati niyan kiran na inawaan iyan siran, ka minibayaw roo sa kasorgaan. ⁵² Na sinimba iran sekaniyan, na komiyasoy siran sa Yarosalim a tanto siran a Pekhababaya. ⁵³ Na milalayon siran roogii thimo ko Timplo a pephodin iran so Allah.