1
Miingon si Yahweh kanako, "Lakaw pag-usab, higugmaa ang babaye, nga gihigugma sa iyang bana, apan usa ka mananapaw. Higugmaa siya sama nga ako, si Yahweh, nga nahigugma sa katawhan sa Israel, bisan ug mitalikod sila ngadto sa laing mga dios ug nahigugma sa torta nga adunay pasas."
2
Busa gipalit ko siya alang kanako sa napulo ug lima ka plata ug usa ka ug taksanan sa sibada.
3
Gisultihan ko siya, "Kinahanglan mopuyo ka na uban kanako sa daghang mga adlaw. Dili kana usa ka babaye nga gabaligya ug dungog o gipanag-iya sa ubang lalaki. Sa samang paagi, mag-uban ako kanimo."
4
Kay ang katawhan sa Israel magpuyo sa daghang mga adlaw nga walay hari, prinsipe, sakripisyo, haligi nga bato, efod o mga diosdios sa panimalay.
5
Pagkahuman niana mobalik ug mangita ang mga katawhan sa Israel kang Yahweh nga ilang Dios ug kang David nga ilang hari, ug sa kataposang mga adlaw, moduol sila nga magapangurog sa atubangan ni Yahweh tungod sa iyang pagkamaayo.