¹ Si Efraim mokaon hangin ug nagasunod sa hangin sa sidlakan. Kanunay niyang gipadaghan ang mga bakak ug kasamok. Naghimo sila ug kasabotan uban sa Asiria ug nagdalag lana sa olibo ngadto sa Ehipto. ² si Yahweh usab adunay kaso batok kang Juda ug silotan niya si Jacob sa iyang gibuhat; ug pabayron siya sa iyang buhat. ³ didto sa tagoangkan, gikuptan ni Jacob ang tikod sa iyang igsoon , sa iyang pagkalalaki nakigbisog siya sa Dios . ⁴ Siya nakigbisog kauban ang anghel ug midaog. Siya naghilak ug naghangyo sa iyang pabor. Nahimamat niya ang Dios didto sa Betel; ug didto nakigsulti ang Dios kaniya. ⁵ Mao kini si Yahweh, ang Dios sa mga panon ; "Yahweh" ang ngalan nga itawag kaniya. ⁶ Busa balik sa inyong Dios. Tipigi ang saad nga matuod ug hustisya, ug paabot nga mapinadayonon sa inyong Dios. ⁷ Ang mga negosyante naay limbungan nga mga timbangan diha sa ilang mga kamot; sila nahigugma sa pagpangilad. ⁸ Miingon si Efraim, "Nakasiguro ako nga mahimong pinakadato; nakakaplag ako ug bahandi para sa akong kaugalingon.Sa tanan nakong paghago sila dili makakita ug bisan unsa nga sayup diri kanako, bisan unsa pa nga sala." ⁹ "Ako si Yahweh nga inyong Dios gikan sa yuta sa Ehipto. Himoon ko nga magpuyo kamo pagbalik sa mga tolda, sama sa mga adlaw nga gitagana alang sa pista. ¹⁰ Nagsulti ako sa mga propeta, ug gihatagan ko sila ug daghang mga panan-awon alang kaninyo. Nagahatag ako ug mga sambingay pinaagi sa mga kamot sa mga propeta ¹¹ Kung adunay pagkadaotan sa Gilead, sigurado gayod ang mga tawo walay pulos .sa Gilgal sila naghalad ug torong baka ; ang ilang mga halaran mahisama sa mga tinapok nga bato diha sa mga tudling sa kaumahan. ¹² Si Jacob nilayas didto sa yuta sa Aram; Si Israel naghago aron maka-angkon ug asawa; ug nagbantay siya ug mga karnero aron makabaton ug asawa. ¹³ Gidala ni Yahweh pagawas sa Ehipto ang Israel pinaagi sa propeta, ug pinaagi sa propeta siya nag atiman kanila. ¹⁴ Efraim nakapasuko kaayo kang Yahweh. Busa biyaan sa Ginoo ang iyang dugo ug ibalik ang kaulawan ngadto kaniya.