¹ Koyuhopavamaka camfarnaum, ikenekopo neko kaxe eyekaxokono seupea ovokuke. ² Yanekoyoke eno xâne hu'uxovoti ovokuke, akóne omotova eno xâne kuveu ovoku, simoyea pahapetea okone omotova ove'a xâne, jesus. koyuhoinoahiko emo'u ituko'oviti. ³ Apemaka simo'atine jesus ominoati pohuti hoyeno ka'ahineti akoti yâna, koaturu kó'e hoyeno koínoati. ⁴ Ite'a ako omotova síme'a xokoyoke vó'oku enoíyea xaneya, ina veyokono ramapui neko ovokuke xane ovohexoku jesus, imiheokone ramapui noko ovokuti, eno evekokono ipenaneko ka'ahineti hoyeno. ⁵ Houxo'â jesus kuve'ova neko ka'ahineti hoyeno, hara kixoa yuhó'inoa: ''Xe'exa'' ngasassakopine ngotuyeopane pehunevo. ⁶ Apemaka eskíribahiko exoti koeku le'i vatakakoyehiko. itukea isoneu omixoneke. ⁷ ''Nakoeti koyukuno ra hoyeno kuteati ko'emouyea? okopoti sássa'iti ituke ituko'oviti vo'oku poehane ituko'oviti motova kotuyopea pahunevoti?'' ⁸ Exokixo'a jesus omixoneke, isoneuhiko neko éskiribahiko ína kó'e keísoneyi yomixoneke? ⁹ Ako arika nguixeneye ra ka'ahineti hoyeno ituyeopone ra pehunevo ou nguixea yexepukapa kó'oyene nemukapa ra ípina yeana? ¹⁰ motovati yexi noé apeyea xunako ra xe'exa hoyeno, yaye poke'eke kotuyapea pahunevoti,'' hara kíxoa yuhoinoa neko ka'ahineti hoyeno: ¹¹ ''Nguixopi ko'oyene yexepukapa, yokoinopa ra ipina pihepa yovokuke.'' ¹² ''Akomaka oriko exepukopea, koenopea ipena yáne ipuhikopea neko ovokutí hanaiti iyupanevoti noixone neko xanehiko kapayaikahiko îha ituko'oviti. koenehiko ako noixeaku uti kuteati noixone uti.'' ¹³ Pihopamaka xe'okuke huvé'o, koane eno xâne sîmoati, íhikaxone neko eno xâne. ¹⁴ Koeku yonea, tokopone neko hoyeno koehati Leví xéa Alfeu, vákoye xoko porexopokuti areveoti'ina kixôa ''yane exepukopane hoko'ane.'' ¹⁵ Koeku ovohexea jesus mesake ovokuke Liví. Enomaka koperaxoti oreveuti koanemaka pahukovotinoé xâne nikôti kahaine kixo jesus yoko íhikauvo vo'oku éno xâne hokoatí. ¹⁶ Noixoane éskiribas na farizeu inikea jesus enepone pahukovotinoe xâne koperaxoti oreveuti, ína epémoá ihikauvo. ''Nakoeti nikino koperaxoti oreveuti yako xâne pahukovoti?'' ¹⁷ Kamo'âne jesus neko emo'ûti, kixovokexoa: ''Pone xâne akoti yuvati oko okonokoa yonea xoko ipixaxoti poehane ka'arineti konokoa haina nzimino enjaxikopea ponovoti xâne itea xâne pahukovoti.'' ¹⁸ Enepo ihikauvo, xuâum yuko farizeus itukohiko jejum. simokono ina koehíko ''Nakoeti'iye jenjua ko'ino ihikauvo xuâum yoko ihikauvo Farizeus, itea enepora ihikéuvo ako jenjua akoe?'' ¹⁹ Ina kôe jesus: ''Motovakopo jenjua koeyea ne hupíu noivu, koeku apeya ne noívu xapakukehiko? koeku apeya noívu xapakukehiko oko omotova jenjua koiyeahiko. ²⁰ Harakêne kâxe veyupaneokono ne noívu simapune neko kâxe konokoatihimo jenjua koíyeahiko. ²¹ Ako ihapa'uxoati itatane inamati ipovoti xóko kuxoti ipovoti ako omotova koíyeane vo'oku enepone ihapau imatûkopotimo, hanaitimo ivarerea ne ipovoti. ²² Ako apiha hoyeno inamati vínhu xoko kuxoti ihaku: enepo ipiha ya inamati vínhu kavarereotimo ihaku vínhu,yane evokovotimo vínhu koanemaka ihaku, yusikeane vipihea inamati vínhu xoko inamati ihaku. ²³ Yaneko kaxena Sapatu, vekoane Jesus, xapakuke nonetihiko, enepone ihikau turixuane miheokea xâne mitakexoa ha'i neko noneti. ²⁴ Ina koe ne farizeus! ''Yokomoma, nakoeti itukinoahiko enepora ituketi akoti omotova itukeokono ya sapatu?'' ²⁵ Ina ko'e ''Ako yihaika, kutí ituko Ndaví enepo ape'e nokone koeku epekea himakati, kahainea hoyenohiko xanena? ²⁶ Uhukovane ovokuke Ituko'oviti ítukovomeku Abiartar sumo sacedoti: niko sassa'iti paûm akoti omotova koekutiye xâne nikea, poéhane sacedotí; porexoamaka uha koeti xâne apeti xokoyoke? ²⁷ Ina koe jesus: ''enepo apeínoke ra Sapatu vo'óku hoyeno, kêne haina apeino hoyeno vo'oku Sapatu. ²⁸ ''Vo'okuke, nepora xe'exa Hoyeno enomone itukoye Unâe Sapatu.''