¹ Simonehiko poxo'oke huveo, yerasenos. ² Yane ipuhukea Jesus kuveoke vateke, ape pohuti hoyeno ipuhukeati uhurokokutike yuvone pepokexonoti jesus. ³ Pone hoyeno ovohexoti xoko pe'áxotike. Akoti itoati namukea, muhikova corende ako ita namukea. ⁴ Ika'akokono eno ika'akeoya corende ya kuane ika'akopeti ta ketokexopa ya xunako ako ituati namukea. ⁵ Heukoeti yoti yoko káxe, xoko pe'áxotike yoko xoko haniti mopo'i, yaikone yane kuane tetu'ukopeovo ya heu'iti mopo'i. ⁶ Yane noxone Jesus akoti malika, ehakone yane ipuyukexone nonekuke. ⁷ Yane voukone: ''Kuti keha'a njokoiyo, Jesus, Xe'exa hana'iti Ituko'oviti? Ebemopi Unae akoyea yiha'ixanu.'' ⁸ Yoko kixoane Jesus ''ipihikapiya xoko hoyeno, iti váhere kixovokuti''. ⁹ Yane epemo'ikoane Jesus: kuti keha? ''yane yumopane: Legião ngoeha, vo'oku êno ûti.'' ¹⁰ Yane eno oukea emo'u xoko Jesus motovati ako'iyea pahukapakana kuveoke ipuxovokuti. ¹¹ Ape eno kure ovati xapa mopo'i, ¹² Yoko hiko okovatihiko vahere kixovokuti kíxoane: ''Pehukavi xoko muyo kure sikevea vurukeovo xokoyohiko.'' ¹³ Yane sikoane Jesus. yane pone okoviti heheti Koepihapati ipuhikopane yane uhukovane xoko muyo kurehiko. Pora enoti kaxe, anekomea pi'a mili, kuhikova kuveu huveo yane apekoene yupiririkeovohiko kuveu Úne. ¹⁴ Apehiko xane katahakoti kure ya omexopovo, itukopohiko xêti ya pitivokoke kuane xoko po'i vekokuhiko, yane heukoe xâne ehaxikeovo komomoponea yuvati. ¹⁵ Simone'ehiko xoko Jesus, noxoane hiko, noixoanehiko ne yúrone ndemônio, akoyumakapu vatakoyepone kuane koyeponemaka yane pikonehiko. ¹⁶ noxoanehiko apeye yuvoti xoko hoyeno enotine ndemônio muyoke yane eto'okoane xokoyoke kuane xapakuke kurehiko. ¹⁷ Yane tuhixovanehiko kixea Jesus kuhikea ukeaku. ¹⁸ Yane urukovone kuveoke vateke, pone hoyeno yuvati ndemônio kuane yuho kaha'iyea kuhivokexeova. ¹⁹ Kixoane Jesus, ako omotova, yaukapapu yovokuke xoko yukeaku , yokoyuhopane ne koseyeanapivunoe. ²⁰ Yane enepone hoyeno pihopane ya Decápolis hanaiti ituke Jesus ya xokoyo. Yane heu koe elokeya okovohiko. ²¹ Yane taru'uxopamaka Jesus po'ike poxo'o, xoko vateke, yane pora eno xanehiko hu'uxovonehiko xerekuke, pone ovohexoiko huveo. ²² Yane simone haniti pahukoti kuveoke sinagoga, kuahati njain, yane ikorohexovane hevekuke noxoane. ²³ Kuane xomoya oukoa yuho: ''Pora nizine pihinotine ivokeovo. yoko iyukopeovo.'' ²⁴ Yane pihone Jesus ikeneke. Kuane eno xanena hokoanemaka. ²⁵ Yane ape pohuti sêno yuvati akoti auke'e irikeovo itina nduse koene xoenoe. ikene. ²⁶ Pora sêno koitoponovovekotiveti vo'okuke ndutuhiko yane iko'itukexoane uha koeti apeinoati. to koyane koeku inana'ixo ukopono koeku. ²⁷ Enepone ra sêno kamoane exetina jesus akeneke vekinoa, hiyeoke xane, yane piro'okoa ipovo. ²⁸ Kuene yuho ra sêno: ''Pone pivo'a inja'a ra heve ipovo unadipotimo.'' ²⁹ Eha'axo sipohea, etétukone aríne eopova ya muyókuke itúkeovo koati iteuôtine ne arine. ³⁰ Yaneko ava, eopovane Jesus apeyéa xunako xokóyo. ike'exinovone, xapa xane, yane epemo'ikoane: ''kutiyane piurukova inbovo?'' ³¹ Yane kixoa ihikauhiko: nexoa ra êno xanehiko isu'okopoviti: ''yane kixoane: kutiane pirukonu?'' ³² Itea koiyane nohiyea Jesus kaha'ati exea kixoatineye. ³³ Eyekoane ra sêno, ne koekuti pikoane kuane hononokea: yane pora sêno, yane pihoneya xoko jesus eto'okoponea kuati kana'uti. ³⁴ Yane, kixoane jesus: ''Inzine, pora fé na îti kaunati kopopine. pihepane auhepepe iseneu uke'e pone yarine.'' ³⁵ Koeku yuho'ixoa, apehiko xanehiko ukeati ovokuke ra pahukoti kuveoke ra sinagoga, hara koene yuho: ''Pora ihine îti ivokovone. Nati xomo'ine yiho'ixineo ra Vunae?'' ³⁶ Yane kamoane Jesus emo'uhiko, koene yuho ra xoko sinagoga: ''Ako pike. pohu yakutiponu.'' ³⁷ Yaneko oko akaha'a apeya xaneati, pohane Pêturu, Teâku yoko Xuâum, po'inu Teâku. ³⁸ Simone'e ovokuke sinagoga, noxoane jesus ako'iyea tôpi vaukexa, yoko po'inuhiko xomoti iyo'o neko xanehiko ya. ³⁹ Yane uhukovane ovokutike, kixoane: ''Natí ako'inoa tôpi kixevoku yoko xomoya iyeyi? pora kalivono ako ivakapu, to imokoti.'' ⁴⁰ yane uhe'enehiko, Jesus kixoane Jesus ipuhikopo uha koeti ne xanehiko, poehane ha'a yoko êno né kalivono yane pihonehiko ya xoko ovohexoku kalivono. ⁴¹ Yane namukoane vo'u né kalino, kixoane: ''Talita cumi;'' kaaye kixo'iko ''Seno kalivono, Ngixopi: ''Yexepukapa''. ⁴² Yaneko ura iyukopovone né kalivone kuane yonopone [yoko nduse ko'ipo xoenena né kalivono].Kuati eno iyupaxeova xanehiko. ⁴³ Yane kixoane Jesus ako'iye apeyea exoati, yane kixone Jesus konokea nikopea ná kalivono.