¹ आमी तुमा चेाखा लोकाहा बोद्दल ऐहेकी लिखाहा इ मा खातोर मोहोत्वा नाहा. ² काहाका मोदोत केरुाल तुमाहन पोटेहे इ मान मालुम हाय आन इ गोठ मासेदोनिया माहान आखा मान गर्व वेहे का आख्या माही ता फाचल्या वोरीने तीयार हाय आन तुमा उत्साह विन वार लोकाहाम मोदोत केरुला प्रेरणा मिलीही. ³ तियाहाल माय पावुहू इया खातोर मोकलुहू का तुमाप जो गर्व हाय तो एहडोज हाय एहकी नेय वेरा जोजे आन तु तेयार रा जोजे जेहकी माय तुमान आखतो आललोहो. ⁴ नेता जाहा मासेदोनिया रेनारा माहुु मा अरी तुमाही आलो आने तुमा तीयार नाय रिया ता तियाल केहकी सोबेडो देखाऊ जी भोरुसाप तो आलो. ⁵ तियाल माय पावूहू आखुला महत्वा हाेमजो का आमा पेहला ते तुमहाय वो आन जो देवुला तुमाय वचन देदलो हाय तो हारा मानाकी तैयार थोवजा. वोर्गुणी केहकी लेवणु ⁶ इ लक्षाम थोवा जो आय राखीन पोहे तो तैहकी तोतोज वाडेहे आन जो उदर आथाकी पोहे तो तैहकीज तोतोज वादी. ⁷ प्रत्येक माहाय केलोज मेहनत आन केलोज दबावाकी जोतो मोनुम विचार केहे ताेतोज देजा काहाका हारा मोनाकी देनारो देवाल पोटहे. ⁸ बाद्दा प्रकारु कृपा तुमाहाप विपुल वेरा जोजे ओतो देव शक्तीमान हाय, इया खातोर का तुमा बाद्दी गोठीम पुरावठो विन तुमा बाद्दा हारा कामुखातोर तुमापे बाद्दो विपुल रा जोजे. ⁹ पवित्र शास्त्राम एहकी लेखलो हाय का तियाय गोरवुन दानधर्म केलो हाय ओन तिया धार्मिकता सोदाकोदा रेहे. ¹⁰ जो पोनाराल बी आने खानाराल मांडो पुरवेहे तो तुमाहान बी पुरवी आने ते वादर की आने धार्मिकता फळ वादवी. ¹¹ तुमा बाद्दे केलाबी उदारतेम संपन्न वेराहा आने ती उदारता आपुहिने देवा उपकारास्मरण वादावा खातोर री . ¹² काहाका बास चोखा लोकांहा सेवा केरुला आने लागणारी वस्तु पुरवुला ओतोज नाहा ता देवा खुब सेवाकार्याम उपकारस्मरण वादेहे. ¹³ काहाका तुमा इ सेवाकी जो वेहे तियाकी भोकतुल देवा स्तुती की आने ख्रिस्ता सुसमाचारुमे तुमा विश्वासु गोठीकी उबजुनारेा तुमा आज्ञाकरीता खातोर आन आपु उदारता खातोर आन तिया खातोर आन बिजा खातोर दान देताहा. ¹⁴ ते बी तुमा खातोर प्रार्थना किन तमहान मिलनु खुब इच्छा की इया खातोर का देवा तुमाप खुप मोडो कृपा हाय. ¹⁵ इया खातोर का देवाय जो वरदान देदलो हय तिया मोल नाहा की सेकता परमेश्वरा धन्यवाद वे.