¹ आपु पाैल तुमाआरी जाहा रीहू ताहा विनम्रतापना की रिहू तो इया खातोर का ख्रिस्ता सौम्यतेकी आन नम्रतेकी विनंती किहू. ² मा प्रार्थना एहडी हाय का जे एहकी होमजुताहा का आम्हा संसारी जिवन जिवी रीयाहा ता तिया आरी कडकपणाकी गोगुला आय भोरुसाकी विचार किहू तिया होचुच मान तिया विरुध्द कडक वेरुला गरज पोडा नाय जोजे. ³ काहाका आमा संसारमुज रेतेहे पेन आमा संसारु लोकां होच चुलाता नाहा. ⁴ काहाका जे शस्त्राकी आमा चुलातेहे ते संसारीक नाहा हाय ता ते दवा तटबंदी नाश केरा खातोर ते समर्थ हाय चुकी वादविवादुकी काहीच मिलतो नाहा. ⁵ आमा तिज शस्त्राकी लोकांहा चिान आन प्रत्येक वस्तु जी देवा ओकली विरुध्दाम अभु केली वेरी पाडी टाकी. आमा प्रत्येक अंकित किन तियाहान ख्रिस्ता आगला एठाकुन केरा लागवुताहा. ⁶ आने जाहा तुमाम आज्ञापालनता पुरीवी ताहा जो आज्ञा नाहा पालतो तिया बाद्दान शिक्षा केरा आमा तैयार हाय. ⁷ तुम्हान डोवाकी देखाहे तोज तुमा वेताहा पेन जाहा एगदो मोनुम भोरुसो थोविन विचार कहे का आय ख्रिस्ता हाय ता तियाय सोता बोद्दल एहडो विचार केरा जोजे का जोतो आय ख्रिस्ता हाय तोता तेबी हाय. ⁸ काहाका प्रभुम आमाहान जो अधिकार देदलो हाय तो तुमा उन्नती वेरा जोजे तियाल देदलो हाय तुमा नाशवेरा जोजे तियाल नाहा देदलो हाय तिया मान खुप गर्व वेहे इ गोठी मान लाजवा नाय वाटे. ⁹ आन तुमान एहकी नाहा वाटा जोजे का आय तुमान चिठ्या मोकलीन बियावी रीयोहो. ¹⁰ तियाल ते आखतेहे कातिया चिठ्या गंभीर आन जोरदार रेतेहे पेन तो डिलुकी अशक्त हाय आन तिया गोगनु उनाऊला लायकी नाहा रेतो. ¹¹ एहेडा माहाय इ गोठ होमजी जा जोजे का तुमा आरी नाय रेता जाहा आमा चिठ्ठीम जो लिखताहा तियाम आन तुमाआरी रिन जे कामे केताहा तियाम वायबी फरक नाहा हाय. ¹² आमा तियामाहा होच सोता तुलना केरुला हिंमत नहा केता जे सोताल कायतेबी होमजुताहा आन ते कोता मुर्ख हाय जे साैताच सोता आरी माजमाप केताहा आन सेाता सोता आरी तुलना केताहा. ¹³ आमु आमा मर्यादा बारे गर्व केनारा नाहा ता देवाय आमाहान लागवी देदली आमा मर्यादा माजुज गर्व केहु, आन ती मर्यादा तुमाहाय आवी पोचीही. ¹⁴ आमहु मर्यादा बारे जाय रियाहा एहकी नाहा ता आमा तुमहाय लुगु नाय पोचता ता निधी जाता पेन आमा ख्रिस्ता सुसमाचार लिन पेहला पोच्या. ¹⁵ आन आमा मर्यादा सोडीन बिजा कामु गर्व केनारा नाह पेन आमाहान आशा हायका जेहकी जेहकी तुमा भाेरुसो वादी तेहकी तेहकी आमा कामु मर्यादा प्रमाण वादतो जाय. ¹⁶ आन जी क्षेत्राम बिजाय पेयलांज काम केलो हाय तिही जाईन गर्व केरुला हारोनहा ता तिया आगल्या क्षेत्राम ख्रिस्ता सुसमाचार आखा जोजे. ¹⁷ काहाका पवित्र शास्त्राम लेखलो हाय, ¹⁸ काहाका हारो तोज रेहे तियाल प्रभु हारो मानेहे तो नाहा जो सोताल हारो होमजेहे तियाल जियाल बि गर्व केरुला वेरी ता तियाप गर्व केरा जो प्रभुय तुमा खातोर केयो.