¹ आय आमी तिनदाव तोही आवुहू, बेन ती साक्षीदारा मुयाकी एकएक शब्द खेरो वेरी, ² जियाय पेअला पाप केले आथे तियाहाल आन बिहराल बाठ्ठाहाल मायुय आगला आखलो आथाे, आन बिहीरीदाव सोता आल्लो आथो तियासारखो आमी दुर रेतानाआय आगाल आखुकी , आय जर फासे आलो तर माफ केणाराे नाहा. ³ काहाका माआ द्वारे ख्रिस्त गोगे इयाप्रमाण तुमाल जोजे तो इज तो तुमाआ वेवाराकी कमजोर नाहा पेन तुमाम शक्ती हाय. ⁴ काहाका तेबी अशक्तपणाम तो वधस्तंभाप खिलाटाय गियो तेबी देवाआ सामर्थ्याकी तो जिवतो हाय, काहाका तियाम आमाबी कमजोर हाय पेन आमा देवाआ सामर्थ्याकी तुमा केता जिवते रीहू, ⁵ तुमा विश्वासाम हाय का नाह तियाकेता आपु सोताहा परीक्षा केरा, आपु सोताहा पारख केरा तुाल आपुम येशु ख्रिस्त हाय इ मालुम हाय का नाहा ? नाहातर फासे तुमा पसंत ऐहकी हाय. ⁶ आय आशा कीहु का आमा पसंत नाह इ तुमा ओखा. ⁷ आमी देवापाही इेहकी प्रार्थना कीहू का तुमा काय खोटा केरा नेय एहेकी आमा हारे देखाहू एहकी नाह पेन आमा हारे नाह तेबी तुमा हारो ताे केरा. ⁸ काहाका आमा सत्याविरुध्दा कायकेता नाह तेबी सत्याकेता केतेहे. ⁹ जाहा आमा कमजोर हायताहा की तुमा ताकदवान हाय ताहा आमा आनंद केते की तुमा परीपुर्ण वेरा जोजे याकेता की प्रार्थना केतेहे. ¹⁰ आतो केता दुर रीन आय या गोठ्या लिखी रीया एहकी माल जो अधिकार केरा केता देदलो हाय नाश केरा केता नाह तिया उपयोग किन आय तिही रिन कडकपणाकीवागणारो नेय. समाप्ती ¹¹ फासे पावुहू तुमा आनंद केरा तुमा आपुल जाहाको-जाहाको हुदूरणू कोसीस केरा, तुमा सांत्वन वेरा जोजे तुमा एकामनाकी वेरा आने शांती की रेजा आने प्रेमाकी व शांती इ देवा तुमाआरी री. ¹² पवित्र शब्दाकी एकाबीहीराल सलाम केरा. ¹³ तुमाहाल बाठे पवित्र जाये सलाम आखतेहे. ¹⁴ प्रभु येशु ख्रिस्ताआ कृपा, देवा प्रीती आन पवित्र आत्मा सहभागीता तुम्हा बादा आरी रे, आमेन.