¹ Itzun b’antz yi paqxe'n tzaj Jesús wi ju'wtz, nin e' xomnin wi'nin wunaq te'j. ² Topone'ntzun jun yaj te'j i' yi at jun yab’il te'j yi chinxo'wb’il nin yi na b’i'aj lepra. Ku’e’ntzun mejlaqtz tzwutz Jesús, nin taltz tetz: —Ta', ¿kujpe' taq’unu' yi ltz'ul yos taq’unu' tzwuch'? ³ B’ene'n tzun Jesús taq’un makle'nkyen wanqil yaj, nintzun taltz: —Na, naj waj ltz'ul yos tzawuch'. Iku’nnin saje'n atlol Jesús yi yole'j, yi tule'n yos tuch’ yab’i'xh. ⁴ —Ib’in jalu' yaj, kya'l tzawalnint yi nb’i nb’ajij tzawe'j. Ntina'tz tu'-tz, kun chaj awib’ tetz pale' nin ky'ajnin yi oy yi alijtkyen taq’un Moisés, b’antz lajluchaxe'n xhchiwutz wunaq yi jaj ul yos tzawuch', —stzun Jesús b’antz. ⁵ Itzun b’antz: At tzun jun kapitán, aj Roma. List tzun i'-tz taq’un k'ulche'n Jesús yi tokonpone'n le tnum Capernaum. Nintzun taltz tetz Jesús: ⁶ —Ta', b’ane'u' jun pawor tzwetz. At jun aq’unwil xe inka'l. Wi'nin il atku'nt, naj xhnuqlku’ntu' wanqil taq’un yab’il. ⁷ —Kuj, b’a'nb’in chinb’en taq’un tulse'n yos tuch', —stzun Jesús tetz.