¹ Itzun b'antz yi tilol Jesús yi jun k'oloj wunak yi xomche'nin te'j, nintzun k'ole'e'ntz wi jun tel ju'wtz. Ma yi e' xhchusb'e'tz, nin e' b'ajku'n k'olchaqtz xlaj i'. ² Tokye'ntzun Jesústz taq'un chichusle'n. Nin je'j tal tzkyetze'j: ³ “B'a'n kyetz yi e' yi naj chinachon te'j kyil, na ate'nin kyera'tz tq'ab' Ryos. ⁴ “B'a'n kyetz yi e' yi naj chib'isun, naj chimaysaq kyera'tz ta'n Ryos. ⁵ “B'a'n kyetz yi e' yi naj kyoksaj kyib' juy tuch' kyajtza'ql, na xhchikamb'aq kyera'tz te'j yi ak'aj ama'l yi suqi'nt taq'un Qataj. ⁶ “B'a'n kyetz e' yi ntennin naj el kyalma' taq'un kyoke'n tetz b'alaj, na tz'okpon Ryos taq'un taq'le'n kyajb'il. ⁷ “B'a'n kyetz e' yi naj el chiq'ajab' tzkye'j wunaq, na Ryos tz'elpon q'ajab' tzkye'j kyetz. ⁸ “B'a'n kyetz e' yi sqojku'n te'j kyalma', na tzkyile' kyera'tz wutz Ryos. ⁹ “B'a'n kyetz e' yi naj chixitku'n yi e'chq oyintzi', na tztale' Ryos tzkyetz: ‘Axwoq inme'l inky'ajl". ¹⁰ “B'a'n kyetz e' yi naj chitzan taq'un muk'le'n ky'ixk'uj ta'n yi e'chq taqle'n b'alaj yi naj chib'an, na ate'nin kyera'tz tk'ab' Ryos.