¹ Intakum nas ta yahwa Allah taki. Ma ta gata nufus takum, wele haligu ayr min wosa takum ashan meid. ² Leanu intakum umma al kasisu le Yahwa Allah taki, wa Yahwa has iktaru intakum ashan bi kun milkia tou, aktar min kulu nas al fi wosa ta ard. ³ Inta ma bi akulu aye haja al ma laanu. ⁴ Del yau haywanat al intakum bi akulu: tor, al koruf, wa galamayat, ⁵ al ghzall , gazall, haywan al alrru, haywan ta gaba, wa tes ta jebel, wa zabi, wa koruf ta jebel. ⁶ inta bi akulu aye min haywanat al juzu tou hafir, dak endu hafir bi gesimu le etnin, wa yamdgh al akil ta haywan. ⁷ wa zalik inta am bi akulu bad min haywanant al bi yamdagh al akili ta haywan aw al indu hafir bi gesimu le etnin: al jamal al arnab, wa farua ta haywan; leanu huwomon yamdagh akil ta haywanat lakin ma ta gesimu al hafir, huwomon ma nedif le inta. ⁸ Al khinzir huwo ma nedif le inta leanu huwo indu juzu min hafir lakin ma bi akulu akil ta haywan; huwo ma nedif le inta. Ma ta akulu khinzir, wa ma ta lemesu gesim toumon. ⁹ Min hajat al fimoyo inta bi akulu: aye kan al indu rish wa mawazin; ¹⁰ lakin aye kan al ma indu ris wa mawazin inta ma bj akulu; hwomon ma nedif le inta. ¹¹ Kulu tuyur al nedif inta bi akulu. ¹² Lakin del yau tuyur al inta ma bi akulu: al saqur, al tuyur al ranhma, al zarkishat min rrish ¹³ tayirat waraqia wa tayira asuwet, aye shekil ta saqur. ¹⁴ Inta ma bi akulu aye shekil ta ghrab, ¹⁵ wa al naeam, wa al saqi ta layl, al nurs al bahr, aye shekil ta saqr, al buma ¹⁷ al soker, buma al kebir al buma ¹⁶ al abiyat, al baja, zakishat, al nahm. ¹⁸ Inta ma bi akulu, aye shekil ta albalashun, alhudhud, wa al baaal. ²⁰ Kulu jinah al muzdahim hajat al ma nedif le inta; huwomon bi ma akulu. ¹⁹ Inta bi akulu al nedif al bi tiru. ²¹ Inta ma bi akulu aye haja al mutu; inta bi wodi le ajinabi al fi fogo medina takum, ashan huwo bi akulu; Inta bi tebiu le ajinabi Leanu Intakum umma al ksisu le Yahwa Alllah taki Inta ma bi rakabu jena ta galamaya al bi rada leben. ²² Inta bi kulu ushur samar ta tiraab taki, al tala min ziara taki sana bad sana. ²³ Inta bi akulu gedam ta Yahwa Allah taki fi mahal al huwo iktaru ze haykal tou, al ushur ta gamah taki, ta kamra al jedid, wa ta zeit taki, wa bikir ta qataen wa qatie; ashan inta bi arufu ihtaramu Yahwa Allah taki. ²⁴ Kan safar del twil kalis le ita biga inta ma agder shilu huwo, leanu al mahal ta Yahwa Alllah taki bi iktaru ze haykal tou al beit kalis min inta biga, zaman Yahwa Allah bariko inta, ²⁵ inta bi hawil al zebeha le gurush, rubotu gurusg fogo yadn taki, wa ruwa le maha al Yahwa Allah taki bi iktaru. ²⁶ Hinak inta bi sarafu gurush le aye haja al inta der: mashia, koruf, khamra aw shiraab al guwi, aw le aye haja al inta der. Yalla inta bi akulu hinak gedam ta Yahwa Allah taki wa afurah, inta wa nas ta bet. ²⁷ Al lawiin al fi bab taki__ma ta sibu huwo, le huwo ma indu gesma wele mirrath ma inta. ²⁸ Fi nihaya kulu talata sanawat inta bi gedimu kulu ushur ta intaj taki fi nefsu sana, wa inta bi kazinu fi bab taki; ²⁹ wa al lawiin leanu huwo ma indu gesma wele mirrath ma inta, wa al ajinabi, wa yatim, wa al armala al fi bab taki, bi ja wa akulu wa bi shabaan. Amulu ze de ashan Yahwa .Allah taki bi bariko inta fi kulu shokul ta yadan al inta bi amulu