¹ Mumatangwa aje Ezekele abinjile kweta ku yehi na kuthsa. Cho Isaya muna Amozi, uje kapolofita wethzile kuli ikeye, nakwendeka ngwendi, "Yehoba ngwendi; 'Bwahetha njubo yobe; mwafwa unakuthsa, kuukala na mwonyo."' ² Cho Ezekele watengululwile chihanga chendi kumbango nakulomba kuli Yehoba ngwendi, ³ "Njalombo, Yehoba, anuka omu munjinendela mu likulahelo kuli yobe na mbunge yange yoshe, nomu njinapunga byabubwa mu mesho obe." Cho Ezekele watambekele kulila. ⁴ Thimbu kanda Isaya kuya mukati kachi patunga cha njubo, lijwi lya Yehoba lyethjile kuli ikeye, ngwandi; ⁵ "Iluka, wendeke kuli Ezekele ngwobe, ntwama wa banu bange, 'Ebi bikebyo Yehoba, ou Njambi wa mukulu wobe Ndabiti, nendeka: "Njinathzibi kulomba chobe, nakumona mithothzi yobe. Njili hayehi nakukukangula halitangwa lyabutatu, cho ukaya kunjubo ya Yehoba. ⁶ Njakelako myaka likumi mitanu yaku yoya chobe, nakukwobola kutunda ku liboko ya mwene wa Asilya, cho njika lwia ngandei hamulonga wange ibenya Ndabiti."" ⁷ Cho Isaya wandekele ngwendi, "Ambata mukasha wa mikuyu." Balingile ngocho nakuwaka ha lihute lyendi, cho wendukile. ⁸ Ezekele wehwile kuli Isaya ngwendi, "Chimwetho muka chipwa chakumwenako ngwange Yehoba anjikangula, cho lalo njiye ku tembele ya Yehoba halitangwa yamuchitatu?" ⁹ Isaya wamukumbulwile ngwendi, "Echi chipwa chimwetho chobe kutunda kuli Yehoba, ngwe Yehoba alinga chuma echi nendeka. Oshe chimbembethi chiya kulutwe binambo likumi, nambe kuya kunima binambo likumi?" ¹⁰ Ezekele wakumbulwile ngwendi, "Chinapu cha chathi chimbembethi kuya kulutwe binambo likumi. Embwe, echela chimbembethi chiye ku nima binambo likumi." ¹¹ Cho kapolofita Isaya walililile kuli Yehoba, cho wanenele chimbembethi binambo likumi kunima, kuje bene chatunalile haje hanunda ya Ahazi. ¹² Hathimbu ije Malenduki- Mbalandani muna Mbalandani mwene wa Mbambiloni watumine mikanda na bwana kuli Ezekele, mwafwa wathzibile ngwabo Ezekele wakele na kubija. ¹³ Ezekele wathzibililile kuli ije mikanda, cho wamwethele baje tunganda nganda yendi yoshe na bibala byendi byakulema, siliva, na njubo yendi yakunyungila bi twa byendi, na byohe bije bya wanewele mu njubo yakunyungila. Kumwakele chimo mu njubo, nameme mu nganda yendi yabumwene, chije Ezekele wahonene kuba mwetha. ¹⁴ Cho kapolofita Isaya wethzile kuli mwene Ezekele nakumwihula ngwendi, "Aba banalume bika bibanendeka kuli yobo? Ba natundu kuli?" Ezekele ngwendi, "Banatundile kulifuti lya halyala lya Mbambiloni." ¹⁵ Isaya wamuhulile ngwendi, "Banamono bika munjubo yobe?" Ezekele wakumbulwile ngwendi, "Banamona byuma byoshe byamu njubo yange. Kukwethi chuma chimo habibala byange byakulema ebi kubamwene." ¹⁶ Cho Isaya wandekele kuli Ezekele ngwendi, "Tolilila ku lijwi lya Yehoba: ¹⁷ 'Kenga, ololo matangwa eta omu byuma byoshe bya munganda yobe ebi bakulu bobe banyungile kweta kulitangwa lino, bakabyambata kuya ku Mbambiloni. Kubakathethzeho nambe chimo, ngwendi Yehoba. ¹⁸ Chithemunwina chobe chimo ukakita bakachambata kutunda kuli yobe, cho bakapwa boboke munganda ya mwene wa Mbambiloni."' ¹⁹ Cho Ezekele wendekele kuli Isaya ngwendi, "Lijwi lya Yehoba eli unendeka linapu lyalibwa." Mwafwa wathinganyekele ngwendi, "Ngwe kukukakala kwololla na kuhwima mu matangwa ange?" ²⁰ Kutetha na mithzimbu ikwabo kwtheketha na Ezekele, na nthizili yendi yoshe, nomu watungile chishali nomu wakwitila, nomu wanenele mema mu nganda- nkuma kubabithonene mu mikanda ya bilika bya bimyene ba Yunda? ²¹ Ezekele walalele nabakulu bendi, cho munendi Manase wapwiel mwene mukumwinga.