¹ Cho chasholokele omu Yehoba ashakele kwambata Eliya kwitila mu kankumba kumutwala mwilu, omu bakatukile ba Eliya na Elisha kutumda ku Ngiliyole. ² Eliya wendekele kuli Elisha ngwendi, "Thalo hano, njalombo, mwafwa Yehoba nanjitumu ku Mbetele," Elisha wamukumbulwile ngwendi, "Omu ayoya Yehoba, nomu wayoya yobe, Kunjikuthethze." Cho bathukumukile hamo ku Mbetele. ³ Bana ba kapolofita bamu Mbetele bethzile kuli Elisha nakwendeka kuli ikeye ngwabo, "Unathzibuka ngwe Yehoba anakwambata shukulu yobe kutunda kuli yobe ndi?" Elisha wakumbulwile ngwendi, "Eyo, njinathzibuka ngocho, oloni kethi mukendekeho. ⁴ Elisha wendekele kuli ikeye ngwendi, "Elisha, bandamena hano, njalombo, mwafawa Yehoba nanjitumu ku Yeliko." Cho Elisha wamukumbulwile ngwendi, "Omu Yehoba ayoya, nomu wayoya yobe, kunjikuthethze yobe." Cho baile hamo ku Yeliko. ⁵ Cho bana ba tupolofita aba bakele mu Yeliko bethzile kuli Elisha na kwendeka kuli ikeye ngwabo," Unathzibuka ngwe Yehoba anakwambata shukulu yobe kutunda kuli yobe lelo ndi?" Eyo, njinathzibuka, oloni kethi mukendekeho." ⁶ Cho Elisha wendekele kuli ikeye ngwendi, "Tumbama hano, njalombo, mwafwa Yehoba nanjitumu ku Yondani" Elisha wamukumbulwile ngwendi, "Omu ayoya Yehoba, nomu wayoya yobe, kunjikakuthethze yobe." Cho aba babali batwaleleleleho ⁷ Halutwe makumi atanu a bana ba tupolofita ba banalume bemanene mukulitalathana nabo halako thimbu aba babali bemanene ku ngenge ya Yondani. ⁸ Eliya wanonele chikunjo chendi walithzengunwine, nakupupa ha mema. Ije ndonga yalyalumwine habali mangana boshe babali bendele hamabu akuma. ¹⁰ Chasholokele, hanima yakujabuka, omu Eliya wendekele kuli Elisha ngwendi, "Njilombe ocho thimbu kanda banjambate kutunda kuli yobe." Elisha wakumbulwile ngwendi, "Njalombo echela mbathzubwila ya munthzithzime wobe wije hali yange." ⁹ Eliya wakumbulwile ngwendi, "Unalombo chuma chachikalu. Nambe ngocho, oshe ngwe unjimona omu banjambata kutunda kuli yobe, echi chilingiwa kuli yobe, oloni oshe embwe, kuchipangewa. ¹¹ Hathimbu batwaleleleho kuya nakwendaka, kengenioni, likalu lyatuhya na tubalu batuhya basholokele, aba bandunwinw baje banu babali kutunda kumo na mukwabo, cho Eliya waile mwilu mu kankumba. ¹² Elisha wachimwene nakutambekela ngwendi, "Tate yange, tate yange, eni makalu a Isalela na banalume ba tubalu!" Kamumwene lalo Eliya, cho wakwatele mubuthzalo bwendi nakubutabuthzola mubipuka bibali. ¹³ Wanonele mukanjo wa Eliya uje wamuwililile , nakwiluka nakwimana ku ngenge ya Yondani. ¹⁴ Wapupile ha mema na mukanjo wa Eliya uje wamuwililile nakwendeka ngwendi, "Yehoba ali kuli, Njambi wa Eliya?" Omu wapupile hamema, alyandunwine habali cho Elisha wajabukile. ¹⁵ Omu bana batupolofita babanalume aba batundile ku Yeliko bamumwene kujabuka kutunda kuli bakebo, bendekele ngwabo, "Munthzinthzime wa Eliya unatumbama hali Elisha!" Cho bethzile nakuliwana nendi, nakuthsikama hathi kuli ikeye. ¹⁶ Bendekele kuli ikeye ngwabo, "Kenga oni , hakati kabingamba bobe hali banalume bakutubakana makumi atanu. Echela baye, indi hamo munthzinthzime wa Yehoba unamwambata helu nakumumbila ha munkinda nambe mu mingulunga." Elisha wakumbulwile ngwendi, "Embwe, kethi mubatume." ¹⁷ Oloni bakambeyeye Elisha kweta nomu apayele, wendekele ngwendi, "Batumeni." Cho batumine banalume makumi atanu cho bamutondele matangwa atatu, oloni kubamuwanene. ¹⁸ Belukile kuli Elisha, thimbu atumbamene ku Yeliko, cho wendekele kuli bakebo ngwendi, "Nkuma kunjendekele kuli yeni ngwange, 'Kethi muye ndi? ¹⁹ Baje banalume bamunganda bendekele kuli Elisha ngwabo,"Kenga, twakulambelela, tumamethi yaino nganda yapwa yaibwa, ngwe omu shukulu ali nakumona, oloni mema amabi na libu kulyethi kwima bushuka." ²⁰ Elisha wakumbulwile nwendi,"Njineneleni lilonga lyaliha na kwakamo mukele," cho balinenele kuli ikeye. ²¹ Elisha waile ku kabwelebwelu ka mema nakwitilamo mungwa; cho wendekle ngwendi, "Yehoba nendeka echi, Njinathaka awa mema. Kutunda thimbu ino, nakulutwe, kukukakala buthsi nambe libu lyakwonowa bushuka.'''''' ²² Cho aje mema bawathakele nakulelo, kwitila mu lijwi eli endekele Elisha. ²³ Co Elisha wakandukile kutunda kuje kuya ku Mbetele. Hathimbu akele nakuya mumukwakwa, bakwenje babanalume bethzile kutunda mu nganda nakumuthinametha; bendekele kuli ikeye ngwabo, "Kanduka helu, obe wa lwanja! Kanduka helu, obe wa lwanja." ²⁴ Elisha wakengele kunima yendi nakubamona; watambekele hali Yehoba mangana abathinge. Cho ba Mbeya babwabo babali bethzile kutunda mushwata nakubulumuna bakwenje makumi awana na babali. ²⁵ Cho Elisha watundile kuje nakuya kumunkinda wa Kamelo, cho kutunda kuje welukile ku Samaliya.