¹ Hanima ya kuthsa cha Ahabu Moabu watengulukilile Isalela. ² Cho Ahaziya wawile ha chilindakano chamuchibatulo chendi cha helu muje mu Samaliya, cho wabulumukile. Cho wathanene tunganda nakwendeka kuli bakebo ngwendi,"Yeni, mukehule Mbale - Zebubi, uje njambi waku Ekeloni, ngwe njikakanguka kutunda kukubulumuka echi." ³ Oloni kangelo wa Yehoba wendekele kuli Eliya ka Tishimbite ngwendi, " katuka, kanduka ukaliwane na tunganda ba mwene wa Samaliya, nakubehula ngwobe, 'chinapu ngwe hamulonga wakwilika Njambi mu Isalela hakeko muya nakwihula Mbale - Zebubi, njambi wa Ekeloni ndi? ⁴ Ngachije oni Yehoba ngwendi, "kuukashuluka ha mwela oku unalondele, olojo, yobe uthsa bene.'''''Cho Eliya waile. ⁵ Omu tunganda belukile kuli Ahaziya, wendekele kuli bakebo ngwendi, "Bika munelukila?" ⁶ Bendekele kuli ikeye ngwabo, "Munalume umo nethzile nakuliwana netu nakwendeka kuli yetu ngwendi, 'Ilukenei kuli mwene ou namitumine nakwendeka kuli ikeye ngwendi, " Yehoba nendeka ngwendi: chinapu ngwe hamulonga wa kwonowa kukala na Njambi mu Isalela hakekeo unatumu banu na kwihula kuli Mbala - Ngachije oni Zebube, uje njambi wa Ekeloni? Ngachije oni kuushuluka ku mwela oku unalondele, olojo, yobe uthsa bene.'''''' ⁷ Ahaziya wendekele kuli tunganda twendi ngwendi, "Munalume wachifwa bati nakele, owo wethzile nakuliwana neni nakwendeka majwi awa kuli yeni? ⁸ Bamukumbulwile ngwabo, "Nathzalele buthzalo bwakutunga na maaka cho nakele namwiba wakukuta mu mbunda yendi wa chilambu." Cho mwene wakumbulwile ngwendi, "Owo ikeye Eliya uje ka Tishimbite." ⁹ Cho mwene watumine mukulunu hamo na mashwalale makumi atanu kuli Eliya. Uje mukulunu wakandukile kuli Eliya kuje atumbamene helu ya lilundu. Uje mukulunu wendekele nendi ngwendi, "Yobe, munu wa Njambi, mwene nendeka ngwendi, 'Thikumuka hathi.'''' ¹⁰ Eliya wakumbulwile nakwendeka kuli uje mukulunu ngwendi, "Oshe ngwe nji munu wa Njambi, echeleni tuhya tushuluke kutunda kwilu nakukunyongetha hamo na banu bobe makumi atanu." Cho tuhya twethzile kutunda mwilu nakumunyongetha hamo na banalume bendi makumi atanu. ¹¹ Mwene Ahaziya watumine lalo mukulunu mukwabo kuli Eliya na mashwalale makumi atanu. Ou mukulunu lalo wendekele kuli Eliya ngwendi, "Yobe munu wa Njambi, mwene ngwendi, 'thikumuka hathi bwathi.'''' ¹² Eliya wakumbulwile na kwendeka kuli bakebo ngwendi, "Oshe ngwe nji munu wa Njambi, echela tuhya tushuluke kwilu na kukunyongetha hamo na banu bobe makumi atanu" Tuhya twa Njambi lalo twethzile kutunda mwilu nakumunyongetha hamo na banu bendi makumi atanu. ¹³ Mwene lalo watumine mbunga ya bakanthzita makumi atanu. Ou mukulunu wakandukile, wawililile ha mabuli endi kuli Eliya nakumulomba kwendeka kuli ikeye ngendi, "Yobe, munu wa Njambi, njalombo, echela mwonyo wange nei myonyo yaba bingamba bobe makumi atanu ikale yakulema ku mesho obe. ¹⁴ Mukemo bene, tuhya twashulukile kutunda kwilu nakunyongetha bakulunu bakulibanga babali hamo na banu babo, oloni oni echela mwonyo wange upwe wakulema ku mesho obe." ¹⁵ Kangelo ka Yehoba wendekele kuli Eliya ngwendi, "Thikumuka hathi nendi. Kethi uthzibe lyoba lyendi." Cho Eliya wakatukile nakuthikumuka hamo kuli mwene. ¹⁶ Halutwe Eliya wendekele kuli Ahaziya ngwendi, "Ebi bikebyo nendeka Yehoba, 'Unatumine tunganda na kwihula kuli Mbale - Zebube, uje njambi wa Ekeloni. Chinapu ngwe hamulonga wakwilika Njambi mu Isalela oku wapande kwihula bakwane mithzimbu ndi? Choni, ku ushuluka kutunda ku mwela oku unalondele; uli nakuthsa bene.'''' ¹⁷ Cho mwene Ahaziya wathsile kwetheketha na majwi a Yehoba awa endekele Eliya. Yolamu waputukile kuyula mu mwela wendi, mu mwaka wa bubali wa Yeholamu muna Yehoshafati mwene wa Yunda, mwafwa Ahaziya kakele na mwana wahi. ¹⁸ Kutetha na mithzimbu ikwabo yahali Ahaziya, nkuma kubabithonene mu libulu lya bilika bya myene ba Isalela ndi?