¹ Baantu boonse bakapwiila noobe muuntu umo pa mpuunzha patooka kuluutwe ya kibelo kya meema. Baipwiizhe Ezela muneembeshi amba aleete buuku wa mizhilo ya Mosesa, yakaambizhe Yehoba kubeena Isalela. ² Pajuuba jitaanshi ja n'oondo wa butanu na bubiji, Ezela-n'aanga waleetele muzhilo pa ba pwiijile, boonse baana ba balume ne ba bakzhi, boonse bakoomvwa ne kuumvwisha. ³ Watajile ku mpuunzha yatooka kulutwe ya kibelo kya meema, Kabiji wataangile kufuma lukeelo kufiika ne pakachi ka juuba, ku meeso abaana bakazhi ne ba balume, kabiji Yeense wafwainwa kuumvwa, ne booba baantu balekele buloongo ku buuku wa mizhilo. ⁴ Kabiji Ezela muneembeshi waimene pakitala kya bichi kyo ba mushimikijile kya kusapwiilapo. Kabiji ne kwiipi kwaimene ba Mtitiya ne Shema, ne Anaya ne Uliya ne Hilikiya, ne Maseya ne kukiluujo kyaanji kwaimene ne Pedaya, ne Mishela ne Malakiya, ne Hashuma, ne Hashebadana, ne Zekaliya, ne Meshulama. ⁵ Ezela washikwiile ne buuku ku meeso a baantu, maambo waimene peulu ya baantu, kabiji byo a shiinkwile buuku baantu boonse baimene. ⁶ Ezela wapeesheshe Yehoba, Lesa wazhila, ne baantu boonse banyamwiine mabooko abo mwiulu ne kwaamba amba, "Amena! Amena!" Kabiji bafukamine paanshi ne kupoopwela Yehoba na biluungi byaabo sa be bikunyikila paanshi. ⁷ Kabiji Yeshua, ne Bani, Shelebiya, ne Hodiya, ne Maseya, ne Kelita, ne Azaliya, ne Yozabada, ne Hanana, ne Pelaya, beena Levi-bakwaashishe baantu kuumvwa mizhilo, aku kasa be bavulula baantu mu mapuunzha abo. ⁸ Kabiji bataangile na mu buuku wa mizhilo ya Lesa, mukwikilenga amba baantu boomvwishe kutuuntulula ne kupaana bya kuuba amba boomvwishe, kabiji baantu baumvwiine byo bataangile. ⁹ Nehemiya kineemanga, ne Ezela n'aanga ne muneembeshi, ne beena Levi ba luumbulwilenga ku baantu, ba ambile ku baantu boonse amba, "Aje juuba jazhila kwi Yehoba Lesa weenu. Keechi mukebajile bafu ne naangwa kuwoowoota ne." Pa boonse baantu bakajila inge baumvwa byaambo bya mizhilo. ¹⁰ Kabiji Nehemiya wi baambijile amba, "Yaingapo mukaje mafuta ne byatobala byakutoma, kabiji ne kutuminapo yewabula byo a neengezhapo, maambo jino juuba jazhila kwi Nkaambo Lesa. Keechi muube kinyeenge ne maambo lusekeelo lwa Yehoba bo bulume bweetu." ¹¹ Pano beena Levi baleengejile baantu bazhiindama, ne kwaamba amba, "Hashi! aji juuba jazhila. Keechi muka popomenwe ne." ¹² Kabiji baantu boonse baile au jaanji au jaanji nakuja ne kutoma kabiji ne kwabana kajo ne kusaangalala na lusekeelo maambo ba umvwiine byaambo bya yuukanyikwa kwi abo. ¹³ Pa juuba ja bubiji ba ntaangi ba bisemi byabo kufuma mu baantu boonse, ba n'aanga ne beena Levi, baishile pamo kwi Ezela muneembeshi mu kufuunda byaambo bya mu buuku wa mizhilo. ¹⁴ Bataine amba bya neembwa mu mizhilo byaubile-Yehoba byo akaambizhe Mosesa amba baantu beena Isalela bafwainwa kusha ma zuubo abo kimye kya kuuya ku kijiilo mu n'oondo wa butanu na bubiji. ¹⁵ Bafwainwa kubijika ambila moonse mu mapuunzha amu Yelusalema, ne kwaamba, amba, "yainga mu ntaanda ya mituumba, ne kuleeta myaamba ya kichi kya olivi ne ma olivi a muungye, ne afuma ku meleto ne mapaambo abisoonga ne misaampi yabichi bikwaabo biji na mabuula avula yakushimikila miimba byonka byo kyaneembwa." ¹⁶ Kyakiine baantu baile ne kuleeta mwaamba ne kulenga mazuubo, pamiteenge yaabo, mu ntaanda yaabo, muma koonka a nzuubo ya Lesa, mu mpuunzha yatooka kuluutwe ya kibelo kya meema, ne pa esakana pa kutweelela Efulemu. ¹⁷ Boonse bapwiila pa booba bafumine mu buzha baleengele mazuubo ne kwiikalamo. Kufuma ku mooba akwa Yoshua mwaana Nuni pa jooja juuba, beena Isalela keechi basekejile ne, kabiji lusekeelo lwaabo lwajiinga lukataampe. ¹⁸ Kabiji pa juuba pa juuba, kufuma ku juuba jitaanshi kufika kujapelako, Ezela wataangile mu buuku wazhila wa mizhilo ya Yehoba. Balamine kijiilo pa mooba atanu na abiji ne pa juuba ja butanu na asatu jajiinga ja kipwiilo kyazhila, moonka mokyatoongwelwa.