¹ Byaambo byakwa Nehemiya mwaana Hakaliya: Pano kya mweekele mu n'oondo wa Kiseleva, mu mwaaka wa makumi abiji, byo najiinga mu muzhi wa mfumu Susa, ² kuuba amba umo muloongo waami, Hanani, kabiji ne baana balume bamo bafumine mu Yuda, ne bepwiizhe na maabo aba Yudea bapulukile bashaajilepo, aba bapulukile ku buzha, ne beena Yelusalema. ³ Ba n'ambijile amba, "Aba bajiinga mukibuunji ba pulukile mu buzha ne makatazho akataampe keechi bajiinga mulusa ne maambo bibaamba bya Yelusalema bya kuundulwa, ne bibelo bebisooka mu mujilo." ⁴ Byo naumvwine bino byaambo naikele paanshi ne kujila kabiji pa mooba natwaajijile kwijizhan'anya ne kuloomba kwa kuzhikilwa na nzala ku meeso a Lesa wa mwiulu. ⁵ Keepo na ambile naamba, "Napoopwela, ne miloomba anweeba, Yehoba, Lesa wa mwiulu, Lesa wa ngovu yoonse n'uuvwai, anweeba mwalaya lulayaan'ano ne butemwe bwaikajikwa kubooba bemutemwa ne kulama mikaambizho yeenu. ⁶ Meeso enu akoonshe kushiinkuka ne matwi enu ateleke kuuba amba muumvwe miloombelo yaami ku meeso enu mute ne bufuku kubaantu beenu ba mwiingilo beena Isalela. Mbeena kusolola bundenga maambo bwa baantu beena Isalela, buubi bo twauba kwi anweeba. Amiiwa ne nzuubo yaba taata pamo. ⁷ Twauba byatama kwi anweeba, kabiji keechi twalama mikaambizho yeenu naangwa byatoongolwa, ne mizhilo yo mwakaambizhe kalume weenu Mosesa ne." ⁸ Nasasapo mvulukai byaambo byo mwa kaambizhe kalume weenu Mosesa, inge mwaubile kwakubula lwiitabilo, nkemupalan'enya mu baantu, ⁹ mino inge mwabweela kwi amiiwa kabiji ne kuloondela mikaambizho yaami nekwi yuuba naangwa baantu beenu basalan'ene mwaleepa mumakuumbi, nkeba buungizha kufuma kookwa koneba pulwiishe ne kwibaleeta ku mpuunzha ko nasalulula ku ba amba jizhina jaami jikeekajikwe.' ¹⁰ Pano ba miingilo beenu kabiji baantu beenu, abo bo mwapokolwele na bulume bweenu bukataampe kabiji na kubooko kweenu kwakosa. ¹¹ Nasasapo, ne musaanshijila anweeba, Nkambo kutwi kweenu kukoonshe kuteeleka ku miloombelo ya kalume weenu kabiji ne ku miloombelo ya bakalume beenu basekela mu kuneemeka jizhina jeenu. Pano panai byawaama ku kalume weenu leelo, kabiji mubilai lusa ku meeso a uno muutu." Naingijile noobe ulama nkomeki kwi mfumu.