¹ Kabiji Yesu wataatwile kwiibafunjisha, mu bishimpi. Waambile amba, "Muuntu wajimbile bujimi bwa miñanzañanza, nekubika luushito kuuzhookolosha, kekupoya kiimbo kya kufinii namo mbinyu. watungile nsakwa nekuleka miñanzañanza kubajimine. Kabiji wayile palwendo. ² Pa kimye kya fwainwa, watumine kalume wamwiingilo ku banjimi amba akatambuleko bipangwa bya mu bujimi bwa miñanzañanza. ³ Pano bamusendele, kumupuma, ne ku mu panga kwa kubula biji byonse ne. ⁴ Ne jiikwabo waatumine kalume wamwiingilo, ne aye bamukozhezhe kumutwe ne kumuyanjisha ne ku muleengesha bumvu. ⁵ Waatumine mukwabo, kabiji awe naye bamwipaile. Nebavuula bebayanjishe mujishinda jimo, kwiba puma bamo ne kwipaya bakwabo. ⁶ Washajiile na muuntu umo waakutuma, mwaana ye atemwishe. Wajinga wakupelako ku tuuma kwi abo. Waambile, basakumunemeka mwana mi: ⁷ Pano banjimi ba miñanzañanza bambile ku umo na umo, 'Awe ye nswanyi. Iyayi, tumwipaye, kabiji ne buswanyi bukekala ke bwetyu.' ⁸ Bamukwachile, bamwipeye, ne kumutaya pangye ya bujimi wa miñanzañanza. ⁹ Byonkabyo, kika mwina bujimi wa miñanzañanza byo akooba? Ukeya na konauna banjimi ne kupana bujimi bwa miñanzañanza kubakwabo. ¹⁰ Kechi mwatanga biino binembelo nyi? 'Jiibwe ja ba kene bakushimika ja alukile ke jiibwe ja pa jinkonka. ¹¹ Kino kyafuma kwii nkambo, kabiji kituwamina kumenso etu."'' ¹² Bakebeshe kukwata Yesu, mino bachinine jiibumba, maambo bayukile amba waamba mu kishimpi kwii abo. Byonkabyo bamushile nekuya. ¹³ Ponkapo batumine bamu ba Faliseo ne bena Heloda kwi aye kumuta tukose ku byambo. ¹⁴ Byo bayishile, bambile kwi aye, "Mufunjishi, twayuka amba kechi mulama milangwe ya umo ne kabiji kechi mumwesha kulamachila ku baantu. Kine mufunjisha mashinda aa Lesa. Nanchi kyatama kupana musoonko wa Kaisala nyi? Tupane nyi nangwa ne?" ¹⁵ Pano Yesu byo ayukile bukafuntufutu bwabo waambile kwii abo, " Kiika kyo mubena kungesekela amiwa? Ndetelai denaliusa pakuba naimone. " ¹⁶ Baletele yimo kwii Yesu. Waambile kwii abo, "Kino kipashañanya ne kinembeelo kiba nyi? " Baambile amba, "Kaisala." ¹⁷ Yesu waambile amba, "Panayi Kaisa biintu bya kwa Kaisala, kabiji kwi Lesa biintu bya kwa Lesa. " Kabiji bakumishe. ¹⁸ Kabiji basadusea, aba baamba amaba kafwako kusanguka, baishile kwii aye. Bamwipuzhile aye, nekwaamba amba, ¹⁹ "Mufunjishi, Mosesa witunembejile atweba, 'Inge muuntu mwatawanji wafwa ne kusha mukazhinji kwakubula kusemenamo, mwaana nkasanjiwa fwainwa kumusongola ne kusemenamo mwana wa kolojanji." ²⁰ Kwajinga baana balume batanu na babiji; mutanshi wasendele mukazhi kabiji wa fwile, kwakubuula kusha baana. ²¹ Kabiji wabubiji wamusendele aye ne kufwa, kwakubula kusha baana ne wa busatu naye byonkabyo. ²² Bonse batanu na babiji bayile kwakubula kusha baana. Pakupelako bonse, wamukazhi naye wafwile. ²³ Pa kimye kya lusanguko, byo bakabuuka jikwabo, ukekala mukazhi waka ñanyi? Maambo Bonse baana balume batanu na babiji bajinga nanji nobe mukazhanji. ²⁴ Yesu waambile amba, "Na onka ano maambo o mulubila na byo mwabula kuyuka, maambo kechi mwayula binembelo ne nangwa ngovu ya Lesa? ²⁵ Pakuba abo ba buuka ku bafu, kechi basongola nangwa kumupana mumasongola. kabiji baji nobe bamalaika ba mwiulu. ²⁶ Kabiji naambo a bafu nelusanguko lwabo, kechi watangapo buuku wa Mosesa, na mambo a kipuunsa, ne byo aambile Lesa kwi aye amba, 'Ne Lesa wakwa Abalahama ne Lesa wakwa Izaka. ne Lesa wa Yakoba? " ²⁷ Kee Lesa wa bafu ne, kabiji wa bomi. Nanchi obewa walubilamo." ²⁸ Munembeshi umo waishile ne ku omvwa byo banjinga nakwi samba; waamwene amba Yesu wiba kumbula bulongo. Wamwipuzhile aye, nanchi mukambizho ka wakila kunema pa byonse? " ²⁹ Yesu waasukile, "Waakilamo kunema ke, umvwai, Isalela, nkambo wetu Lesa, kabiji nkambo ke umo. ³⁰ Wafwainwa kumutemwa nkambo Lesa namuchima obe yense, na mweo obe, na milangwe yobe yonse, ne na ngovu yobe yonse.' ³¹ Ne mukambizho wabubiji ke uno, temwa mulongo obe ao ye wikaala nanye pa bwipi nobe byo wiitemwa obe mwine.' kafwako mu kambizho wakila ku baya pa yonse ne." ³² Munembeshi waambile amba, "Wawama, mufunjishi! Waamba kyakine nkambo ye umo, kabiji ,kafwako mukwabo ne. ³³ Kumutemwa namuchima obe yense ne mukuvwiisha ne na ngovu yanji yonse, ne mukutemwa awa ye ekala nanji pa bwipi, no obe byo, witemwa obe mwine, kyakila milaambo yonse ya kusoka ne bitapisho." ³⁴ Ne Yesu byo amwene amba wamukumbula bulongo, waambile kwi aye, " Kechi muji kwalepa na bufumu bwa Lesa ne. " Kufuma popo, kafwako mukwabo wakonsheshe kumwipuzha Yesu mepuzho. ³⁵ Ne Yesu byo afunjishilenga mu nzubo ya Lesa, waambile amba, " Nanchi kika banembeshi bamba amba Kilishitu ye mwaana Davida? ³⁶ Davida mwiine, mu mupashi wazhila, waambile, ' Nkambo waambile kwi Nkambo yami, ikala ku kilujo kyami, poso ngalule balwanyi bobe kekya kunyantapo maulu obe."' ³⁷ Davida mwine umwita aye amba, 'Nkambo,'mino Kilishitu walinga byepi kwikala mwaana Davida" Kabiji jibumba jikatampe jaumvwine na lusekelo kwi aye. ³⁸ Ne mukufunjisha kwanji Yesu waambile amba, "Jimukai na banembeshi, batemwa kwenda na bivwalo bya lepa ne kusaka nekutemwa bupopweshi bobatambula mubi sankanyi. ³⁹ Kabiji batemwa kwikala mubipona bya mafumu mushinagoga kabiji nemumampunzha a mfumu a pa bijilo. ⁴⁰ Byonkabyo ba onawine mzubo abana bakazhi ba fwilwa, ne kulomba milombelo yalepa pakuba amba baantu bebamone, Abe bana balume bakatambula kuzhatishiwa kukatampe." ⁴¹ Byonkabyo Yesu waaikele panshi kubwipi na kilambwilo ku mpunzha ya tempele; wata jilenga baantu sa batayilamo mali abo mukilambwilo. Banonshi bavula babikilemo mali avula. ⁴² Kabiji kwaishile mwana mukazhi umo wafwilwa muyanji watayilamo mali aacheche abiji, alingile mu kwacha umo. ⁴³ Ne aye wibechile bana banji ba bwanga ne kwi bambila amba, "Kine nemwambila namba, umo mwana mukazhi wafwilwa mulanda watayamo yavula kukila aneba bonse mwaji kutailamo mali mu kilambwilo. ⁴⁴ Pakuba aba bonse ba paine kufumya kubunonshi bwa bo. Pakuba uno mwna mukazhi wafwilwa , na buyanji bwanji, watayamo mali anji onse ajingatu nabo akwikajilamo."