¹ "Michima yeenu kaange ishuupikiwe ne. Anweeba itabilai mwi Lesa; mwiitabile ne mwi amiiwa. ² Mu nzuubo ya ba Taata muuji mwa kwiikala mwavula. Inge keechi kyaaji byo byo ne, amiiwa inge ne mibuula, pakuuba amiiwa mbeena kuuya na kwi muneengezhezha mpuunzha yeenu. ³ Amiiwa inge naaya ne kwi muneengezhezha mpuunzha yeenu, nkeeya jibiji ne kwi mitaambula anweeba amiiwa mwiine, byonka byo amba koonji ne anweeba ko mukeekala. ⁴ Anweeba mwa yuuka jishiinda ja ko mbeena kuuya." ⁵ Tomase wa ambile kwi Yesu amba, "Nkambo, atweeba keechi twayuuka ko mubeena kuuya ne; twakoonsha kuyuuka byeepi jishiinda?" ⁶ Yesu wa mwaambijile amba, "Amiiwa ne jishiinda, bukiine, kabiiji ne buumi; kafwaako nangwa umo wiiya ku ba Taata kwakubula kupichila mwi amiiwa ne. ⁷ Anweeba inge mwa ngyuukile amiiwa, inge mwayuuka ne ba Taata. Kufuuma leelo pano mwa muyuuka aye kabiiji mwa mumona aye." ⁸ Filipa wa ambile kwi Yesu amba, "Nkambo, tumweeshai atweeba ba Sheenu, kabiiji akyo kisa kwitufwainwa atweeba." ⁹ Yesu wa mwaambijile aye amba, "Amiiwa najiinga ne anweeba kiimye kyaleepa kabiiji ne anweeba mu kyaangye ku ngyuuka ne nyi, Filipa? Awa yeense wamona amiiwa wamona ne ba Taata. Mwakoonsha kwaamba byeepi amba, 'Tumweeshai ba Sheenu?' ¹⁰ Anweeba keechi mwaitaba amba amiiwa nji mwi ba Taata ne ba Taata baji mwi amiiwa ne nyi? Byaambo byo ng'amba kwi anweeba keechi ne byaamba kufuuma ku luusa lwaami amiiwa mwiine ne, mino ba Taata beekala mwi amiiwa babeena kwiingila miingilo yaabo. ¹¹ Ngitabilai amiiwa amba nji mwi ba Taata, kabiiji ne ba Taata baji mwi amiiwa, nangwa ne itabilai maambo a miingilo ine. ¹² Kiine, kiine, amiiwa ne mwaambila anweeba amba, awa witabila mwi amiiwa ukooba miingilo yo nguba, kabiiji aye ukooba miingilo ikataampe kukila iye maambo amiiwa mbeena kuuya kwi ba Taata. ¹³ Kyoonse kyo mukaloomba mu jizhiina jaami, amiiwa nke kyuuba byonka byo amba ba Taata ba katuumbijikilwe mu Mwaana. ¹⁴ Anweeba inge mwaandomba kiintu kiji kyoonse mu jizhiina jami, amiiwa nke kyuuba. ¹⁵ Anweeba inge mwantemwa amiiwa, mukalama mikaambizho yaami, ¹⁶ kabiiji amiiwa nkaloomba ku ba Taata, ne abo ba kemupa nkwaasho mukwaabo byonka byo amba a keekale ne anweeba myaaka yoonse- ¹⁷ ye Mupashi wa bukiine. Ntaanda keechi yakoonsha ku mutaambula aye ne maambo keechi imumona nangwa ku muyuuka aye ne. Mino anweeba mwa muyuuka, pakuuba aye wiikala ne anweeba kabiiji ukeekala mwi anweeba. ¹⁸ Amiiwa keechi nkemisha noobe baana ba nshiiwa ne; Amiiwa nkabweela kwi anweeba. ¹⁹ Mino kimye kiipi ne ntaanda keechi ikamona amiiwa ne, mino anweeba mu kamona amiiwa. Maambo amiiwa naikala, ne anweeba mu keekala. ²⁰ Pa jooja juuba anweeba mu kayuuka amba amiiwa nji mwi ba Taata, kabiiji amba anweeba muji mwi amiiwa, kabiiji amba amiiwa nji mwi anweeba. ²¹ Awa uji na mikaambizho yaami ne kwi ilama ye wantemwa amiiwa, kabiiji awa wantemwa bakamutemwa ba Taata, ne amiiwa nkamutemwa kabiiji amiiwa nkemweesha amiiwa mwiine kwi aye." ²² Yudasa (keechi Isakaliota ne) wa ambile kwi Yesu amba, "Nkambo, maambo ka kyo mukemweeshesha kwi atweeba kabiiji keechi ku ntaanda ne?" ²³ Yesu wakuumbwile ne kwaamba kwi aye amba, "Inge uji yeense wantemwa amiiwa, aye ukalama byaambo byaami. Ba Taata ba kamutemwa aye, kabiiji tukeeya kwi aye kabiiji tukaleenga mwa kwiikala mweetu naanji. ²⁴ Awa wabula kuuntemwa amiiwa keechi ulama byaambo byaami ne. Byaambo byo muumvwa anweeba keechi bifuuma kwi amiiwa ne mino bifuuma kwi ba Taata baantumine amiiwa. ²⁵ Amiiwa na amba bino biintu kwi anweeba, byo na kiikala neenu. ²⁶ Nangwa byonka byo, Nkwaasho-aye Mupashi Wazhila ye bakatuma ba Taata mu jizhiina jaami- aye ukemifuunjisha anweeba biintu byoonse kabiiji aye ukemivulula biintu byoonse byo na ambile kwi anweeba. ²⁷ Amiiwa ne mushiila anweeba muteende; Amiiwa ne mupa muteende waami. Amiiwa keechi na mupaana noobe byo ba paana ba pa ntaanda ne. Keechi muleke michima yeenu ikatazhiiwe ne, kabiiji keechi mwiikale na mooyo ne. ²⁸ Anweeba mwa umvwiine byo ne mwaambijile amba, 'Amiiwa mbeena kufumapo, kabiiji nkabweela kwi anweeba.' Inge mwaantemenwe amiiwa, musa kukoonsha kusekela maambo amiiwa mbeena kuuya ku ba Taata, pakuuba ba Taata bakiila amiiwa byoonji. ²⁹ Pano amiiwa nemibuujila jimo sa kikyaangye kumweeka byonkabyo amba, byo kikamweeka, anweeba mu ketabile. ³⁰ Amiiwa keechi nsa kwaamba neenu byavula ne, pakuuba ntaangi wa ino ntaanda ubeena kwiiya. Aye keechi uji na ngovu pe amiiwa ne, ³¹ mino mukuuba amba ba pano pa ntaanda bayuuke amba amiiwa nateemwa ba Taata, amiiwa nguuba byonka byo ba nkaambizha ba Taata. Twayai twiimane ne kuuya kufuumako akuno."