¹ Abalahama wa salulwilepo mukazhi mukwaabo; jizhina janji wajinga ketula. ² Aye wa musemejile Zimalanyi, Yokoshanyi, Medanyi, Milanyi, Ishibaka, ne Shuwa, ³ Yokoshanji waikajile shanji wa Sheba ne Dedanyi. Ba mukisemi kya Dedanyibajinga bena Ashula, bena Letushi, ne bena Leuma. ⁴ Baana babalume ba Mijanyi bajinga Efwa, Epela, Honoki, Abida ne Elida. Bano bonse bajinga ba mukisemi kya ketula. ⁵ Azbalahama wapaine byonse byo ajinga nabyo kwi Izaaka. ⁶ Bino, Abalahama byo ajinga na buumi, aye wapainenga bya bupe ku baana ba ntombo banji ne kwibatuma abo ku ntaanda ya ku musela, kwa lepa kufuma kwi Izaaka, mwananji. ⁷ Ano o ajinga mooba a myaaka ya bumi bwa Abalahama aye yo aikajile, myaaka 175. ⁸ Abalahama wa pemene kanji kapelaako ne kufwa pa bukote bwanji bwawama, muuntu wajinga na bukote bwafikilamo, kabiji aye wa zhokolwele ku bantu banji. ⁹ Izaaka ne Ishimela, baana banji, bamuzhilile mu kibwe kya Makapela, mu bujimi bwami bwa Efulana mwaana wa mulume wa Zohala mwina Hiti,aye uji pabwipi na Mamela. ¹⁰ Buno bujimi Abalahama wi bupotele kufuma ku beena Hiti. Abalahama ba muzhikile kookwa na Sala mukazhi wanji. ¹¹ Pakupita lufu lwa Abalahama, Lesa wa mupesheshe Izaaka mwaananji wa mulume, ne Izaaka waikajilenga pa bwipi na Bela Lahai, Loi (mushima wa yewa waikala na buumi sa amona kala Lesa. ¹² Pano bano bo bajinga ba mukisemi kya Ishimela, mwaana wa mulume wa Abalahama, yenka Hagala mwina Ijipita, kalume wa Sala ye a musemejile Abalahama ¹³ Ano o mazhina a baana ba Ishimela mwaila kusemwa kwaabo: Nebayota---mubeji waIshimela, Keda, Adabela , Mibasama, ¹⁴ Mishima, Duma, Masa, ¹⁵ Hadada, Tema Yetula Nafishi ne Kedema. ¹⁶ Baana bo bajinga baana ba balume ba kwa Ishimela, kabiji ano ajinga mazhina abo na mizhi yaabo, ne na masakwa, abo; bitumbafumu jikumi na abiji mwaila milaka yaabo. ¹⁷ Aye yo yajinga myaaka ya mu buumi bwa Ishimela, myaaka 137. Aye wapemeneko kanji kapelaako ne kufwa kabiji wazhingulwike ku baantu baji. ¹⁸ Abo baikajile kufuma mu Havila kufika ku Shula, yonka iji pabwipi na Ijipita, nobe umo uya ja Asilya. Aba baikajile pabwipi na umo ne mukwabo pabujile lumwvwang'ano. ¹⁹ Abye byo bya sungwa bya Izaaka, mwaana wa mulumw wa Abalahama. Abalahama waikajile shanji Izaaka. ²⁰ Izaaka wajinga na myaaka makumi ana aye byo asalulwile Lebeka nobe mukazhi wanji, mwaana wa mukazhi wa kwa Betwela mwina Alama wa Padama Alama, nyenga ya Lubanyi mwinaz Alama. ²¹ Izaaka walombele kwi Yehoba na maambo a mukazhi wanji maambo aye wajinga wabula lusemo, ne Yehoba wakumbwile milombelo yanji, ne Lebeka mukazhi wanji waimichile. ²² Baana balwilenga pamo mujiimi janji, ne aye wa ambile amba, "Kika kebena kubiwa kwi amiwa?" Aye waile mukwipuzha Yehoba na maambo a kino. ²³ Yehoba wa ambile kwi aye amba, "Mikoka ibiji yo iji munda moobe, kabiji baantu babiji bakabenamo kufuma mwi anweba. Umo baantu banji bakekala bakosa kukila bakwabo, kabiji ba mukulumpe bakengilanga ba mwanyike." ²⁴ Byo kyafikile kimye kyanji kya kupaana lusemo, pakutachisha, mwajinga mapasa munda mwanji. ²⁵ Mwaana mutanshi waishile pangye wachila ponse ponse masense nobe kivwaalo kya booya. Abo ba mutumbile jizhina janji amba Isao. ²⁶ Pakupita abya, nkasanji waishile pangye. Kuboko kwanji kwa kwachilenga kashiko ka kwa Isao. Aye ba mutumbile amba, Yakoba. Izaaka wajinga na myaaka makumi ataanu na jimo byo ebasemene mukazhi wanji. ²⁷ Ba nsongwalume bakomene, ne Isao waikajile mfunji wafunjile bulongo, muuntu wa kwenda mungye; mino Yakobawajinga mwaanamulume wazhindama,watailengatu kimye kyanji mu matente. ²⁸ Pano Izaaka watemenwe Isao maambo aye wajilenga banyama aba bo aipailenga, mino Lebeka watemenwe Yakoba. ²⁹ Yakoba watekele masuku. Isao waishile mukachi kufuma mungye, ne aye wakookele kufuma ku nzala. Isao wa ambile kwi Yakoba amba, "Njiishe amiwa na ao masuku ³⁰ achila. Nakusansijila, Amiwa natembuka bingi!" Kya lengeshe jizhina janji ke ba mwite amba Edomu. ³¹ Yakoba wa ambile amba, "KItanshi obewa umpoteshe bubeji boobe." ³² Isao wamukumbwile amba, "Tala, Amiwa nji peepi ku kufwa. Kika kyawama pa bubeji kwi amiwa?'' ³³ Yakoba wa ambile amba, "Kitanshi uchipe kwi amiwa," byonkabyo Isao wachipile luchipo ne mu jonkajo jishinda aye wapoteshile bubeji bwanji kwi Yakoba. ³⁴ Yakoba wa mupeele Isao Shinkwa ne masuku a tukunde tuchila. Aye wajiile ne kutoma masuku, kepo aimene ne kuya pa jishinda janji: Mu uno musango Isao wanshijile bubeji bwanji.