¹ Pano Abalahama wakotele bingi ne Yehoba wa mupesheshe Abalahama mu bintu byoonse. ² Abalahama wa ambile kwi kalume wanji, umo wajinga wakomesha mu ba munzubo yanji kabiji wajinga na luusa lwa pa byonse byo ajinga naabyo amba, "Biika kuboko koobe panshi ya jibwata jami ³ ne Amiwa nka kulenga obewa kuchipa Yehoba, Lesa wa mwiulu ne Lesa wa ntaanda, amba obewa kechi ukasalulwile mwaana wami mukazhi kufuma mubaana ba bakazhi ba bena Kenana, mu booba bo nalenga naabo muzhi wami ne. ⁴ Mino obewa ukaye ku kyaalo kyami, ne ku balongo bami, ne kusalululamo mukazhiwa mwanami Izaaka." ⁵ Kalume wa ambile kwi aye amba, "Kika inge mwaanamukazhi wakaana kulondela amiwa mu ino ntaanda? Amiwa nkakonshe kubwezha mwanenu kuntaanda aya ko mwafumine anweba?'' ⁶ Abalahama wa mukumbwile amba, "Ukalenge kine amba obewa kechi watwala mwanami kumubwezhamo moomwa ne! ⁷ Yehoba, Lesa wa mwiulu, yenka wafumishe amiwa kufuma munzubo ya bataata ne mu ntaanda ya balongo bami, kabiji wa laile amiwa na luchipo amba, 'Kuba mukisemi kyoobe Amiwa nkapaana aye ntaanda,' aye ukatuma malaika obewa saka ukyangye, kabiji obewa ukasalulula mukazhi wa mwanani kufuma moomwa. ⁸ Mino inge mwaanamukazhi kechi wasaka ku kulondela obewa ne, ponkapo obewa ukekala wa kasuluks kufuma ku luno luchipo lwanji. Obewatu kechi wafwainwa kutwaa mwanami ku mubwezha moobmwa ne.'' ⁹ Byonkabyo kalume wabikile kuboko kwanji munshi ya jibwata ja Abalahama nkambo yanji ne kuchipa kwi aye mwaijile a ano maambo. ¹⁰ Kalume washikwile ba ngamela jikumi ba nkambo yanji ne kuya waile. Aye naye wasendele na aye yonse misango ya bipe kufuma kwi nkambo yanji.Aye waile ne kuya ku ntaanda ya Alama Nahalaima, ku muzhi wa Nahala. ¹¹ Aye walengeshe ba ngamela kufukama panshi pangye ya muzhi na pa mushima wa meema. Kyajinga ke mabaanga, akya kimye mwaana mukazhi kyo aile pangye mukutapula meema. ¹² Kepo aye a ambile amba, "Yehoba, Lesa wa nkambo yami Abahalama, shukishai amiwa ja leelo ne kumwesha lulayang'ano lwa kinshinka kwi nkambo yami Abalahama. ¹³ Talai, Amiwa bano saka naimana na nsulo ya meema, ne baana baana ba bakazhi ba baantu ba mu muzhi babena kwiya pangye mu kutapula meema. ¹⁴ Lekai kyubiwe juuba ja leelo. Inge Amiwa na amba ku nsongwakazhi amba, nakusanshijila bwezha panshi muloondo obe pakuba amba ntomemo Amiwa,' ne aye wa amba kwi Amiwa amba, 'Toma, kabiji Amiwa sa ne ba ngamela boobe naabo,' ponkapo lekai aye ekale umo wasalwa kalume wenu Izaaka. Na kino Amiwa nkayuka namba anweba mwa mwesha lulayang'ano lwa kishinka kwi nkambo yaami." ¹⁵ Kyaishile kubiwa akya aye saka akyangye kupwisha kwamba, kutajijisha, Lebeka waishile pangye na mulondo wanji pa kipuzhi. Lebeka wasemenwe kwi Betwela mwaana wa mulume wa Milika, mukazhi wa Nahola, mulongo wa Abalahama. ¹⁶ Nsongwakazhi wajinga walambisha kabiji wa bujile kusambakanapo na mwaanamulume. Kafwako mwaanamulume wa muyukilepo aye ne. Aye waile munshi ku nsulo, wayuzhizhe muloondo wanji ne kufumamo peulu. ¹⁷ Ponkapo kalume wanyemejile kwi aye ku mutundaila ne kwamba amba, "Nakusanshijila umpeepo meema acheeche ntome kufuma mu muloondo obe." ¹⁸ Aye wa ambile amba, "Tomai, anweba nkambo wami," ne aye bukiji bukiji wa bwezhizhe muloondo wanji munshi pa kuboko kwanji, ne kumupa aye kutoma. ¹⁹ Byo a pwishishe ku mupa aye kutoma,wa ambile amba, Amiwa sakutapwila ne bangamela benu meema, kufikatu ne po basa kupwishisha kutoma." ²⁰ Byonkabyo aye wapelawizhe ne kwitulwiila meema ajinga mu muloondo mu jinkobele, kabiji wa nyemejile jikwabo ku mushima ku kutapula meema, ne katapwila meema ba ngamela banji bonse. ^{21 23} Mwaanamulume wa mutajilenga aye mu kuzhindamatu ku kumona kana Yehoba waji wa nengezha lwendo lwanji nangwa ine. ²² Ba ngamela byo ba pwishishe kutoma, mwaanamulume waletele lusambo wa ngalode wa ku moona wa nemene kichika kya shekele, ne makoosa abiji a ngolode a ku maboko anji anemedne mashekele jikumi, ne kwipuzha amba, "Obewa wi mwaana wa mukazhi wa ba ng'anyi? Mbuule Amiwa na kusanshijila, mujipo mwa kulaala munzubo ya bashobe mwa kuuba atweba twa laalamo bufuku?'' ²⁴ Aye wa ambile kwi aye amba, "Amiwa ne mwaana wa mukazhi wa betwela mwaana Milika, ye asemeshe kwi Nahala." ²⁵ Aye naye wa ambile kwi aye amba, "Ateba tuji na byonse byavula nsono ne kajo, kabiji ne mwa kulaala anweba bufuku." ²⁶ Ponkapo mwaana mulume wafukamine panshi ne kumupopwela yehoba. ²⁷ Aye wambile amba ,"wapeshiwa ekale yehoba, Lesa wa nkambo yami Abalahama aye wabula kuleka lulayan'ano lwanji lwa kishinka ne ne kuketekela kwanji kutanshi kwi nkambo yami. Nobe kwa amiwa Yehoba watangijila amiwa nkufikizha kunzubo ya balongo ba nkambo yami." ²⁸ Ponkapo nsongwakazhi wanyemene kabiji wa kabujile bamunzubo ya banainji palwa bino byonse biintu. ²⁹ Pano lebeka wajinga na mulungo wanji wa mulume, ne jizhina janji wajinga Labanyi. Labanyi wanyemishele ku mwaana mulume ao wajinga pangye pa jishinda na nsulo. ³⁰ Aye byo amwene lusambo pamoona ne maakoosa pamabooko ya nyenga yanji, kabiji aye byo aumvwine jiwi ja nyenga yanji lebeka amba, "Aye mwaana mulume byo aji kwambanga kwi amiwa, kabiji, pakutajijisha, aye waimene na ba ngamela pa nsulo. ³¹ Ponkapo Labanyi wa ambile amba, "Iyai, anweba bapeshiwa? Amiwa na nengezha nzubo, ne mpunzha ya ba ngamela." ³² Byonkaybyo mwaana muluume waishile mu nzubo kabiji aye walongolwele ba ngamela. Ba ngamela ba bapeele nsono ne kajo ne meema a panyiwe ku koovwa maulu anji ne maulu a baanabalume bo ajinga naabo. ³³ Abo babikile kajo mu kyenyi kyanji ku kuja, mino aye wa ambile amba," Amiwa kechi nje ne kanatu Amiwa na amba kyo nafwainwa kwamaba." Byonkabyo Labanyi wa ambile amba, Amba po." ³⁴ Aye wambile amba ,Amuwa ne kalume wa Abalahama. ³⁵ Yehoba wapesha bingi nkambo yami ne aye waikala ke mukatampe. Aye wamupa aye mikooko ne ban`ombe, siliva ne ngolode, ba kalume ba balume ne ba kalume bakazhi, ne ba ngamela ne ba mbongolo. <sup>36</sup> Sala, mukazhi wa nkambo, wamusemenejile mwaana wa mulume nkambo byo ajinga mukote, ne aye wapaana byonse biintu abya byanji kwi aye. <sup>37</sup> Nkambo yami walengeshe amiwa kuchipa, amba, " Obewa kechi wafwainwa kusalulula mukazhi wa mwaanami kufuma mu baaana ba bakazhi ba mu bena kenana ne, mu beene ba ntaanda amiwa yo na lengelamomuzhi wami. <sup>38</sup> Mukupingakenyamo, obewa wafwainwa kuya ku kisemi kya bataata, ne ku baloongo bami, ne kusalululamo mukazhi wa mwanami wa mulume. <sup>39</sup> Amiwa na ambile kwi nkambo yami amba, 'kampe mwaana mukazhi wabula ku ndondela amiwa. <sup>40</sup> Mino aye ambile kwi amiwa amba Yehba yenka ye n`enda nanji,ukatuma malaika wanji na obewa ne aye ukashukisha jishinda joobe, byonkabyo amba obewa ukaslulula mukazhi wa mwaanami wamulume kufuma mu munongo wa wa mukisemi kya bataata. ⁴¹ Mino obewa uka kasuluka kufuma ku luchipo lwami inge obewa waiya ku baloongo bami ne babula kukupa aye kwi obewa . kepo obewa ukekala wa kasuluka kufuma ku lchipo lwami.' ⁴² Byokanbyo amiwa nanji kufika leelo pa nsuulo, ne kwamba amba , o Yehoba, Lesa wa nkambo yami Abalahama, nemusanchijila, inge anweba mwauba kyakine ku kulenga lwendo lwami kushukwa_ ⁴³ Amiwa bano , naimana na pa nsuulo ya meema_Lekai nsongwakazhi usa kwiya pangye mu kutapula meema, mwaana mukazhi kwi aye ye sa kwambila amba, " nakusanshijila umpempo meema acheeche kufuma mu muloondo obe ntome," ⁴⁴ Mwaana mukazhi wamba kwi amiwa amba, "Toma, kabiji ne Amiwa naanmi nsa kutapula meema a ba ngamela boobe_ lekai aye ekale mwaana mukazhi yenka anweba, Yehoba , ye mwasalulula wa mwaana wa mulume wa nkambo yami. ⁴⁵ Saka nkya ngye kupwisha kwaamba mum muchima wami, pakutajinjisha Lebeka waishile pangye na muloondo wanji pa kipuzhi ne aye waile munshi ku nsulo ne kutapula meema. Byonkabyo amiwa na ambile kwi aye amba, nakusanshijila umpeepo ntome. ⁴⁶ Aye wapelawizhe kubwezha muloondo wanji kufuma pa kipuzhi kyanji ne kwaamba amba, Tomai, kabiji amiwa nsa kupa ba ngamela benu meema naabo. Byonkabyo Amiwa natomeene, kabiji aye wiba peele ne ba ngamela naabo. ⁴⁷ Amiwa na mwipwizhi aye ne kwamba amba, "Obewa wi mwaana wa mukazhi wa ba n`anyi? " Aye wa ambile amba, "Mwaana wa mukazhi wa Betwela, mwaana wa mulume wa Nahola, yenka ye a musemejile Mika kwi aye. kepo amiwa na mubikile lusambo pa moona wanji ne makoosa pa maboko anji. <sup>48</sup> kepo amiwa nafukamine panshi ne ku popwela Yehoba, ne kupeesha Yehoba,Lesa wa nkambo yami Abalahama ,yenka wantangijilile amiwa na jishiinda aja jafwainwa kutaana mwaana wa mukazhi mulongo wa nkambo yami kwikala wa mwaananji wa mulume. <sup>49</sup> Pano poopa, inge anweba mwi nengezha ku mweesha kunekena kwa butemwe ne bukinshinka kwi nkambo yaami mbulai amiwa. Mino nge ine, mbulai amiwa byonkabyo abya Amiwa nkoonshe kwalululuka ku kiluso nangwa ku kipiko." <sup>50</sup> Ponkapo Labanyi ne Betwela bakumbwile ne kwaamba amba " Kintu kyaiya kufuma kwi Yehoba,atweba kechi twa konsha kwamba kwi anweba kyatama nangwa kya waama ne. <sup>51</sup> Talai Lebeka uji mu mabooko enu. Mushikulai ne kuya byonkabyo aye a ka konshe kwikala mukazhi wa mwaana wa mulume wa nkaambo yo be, byonka bya amba Yehoba. <sup>52</sup> Kalume wa Abalahama byo aumvwine byambo byaabo, aye wafukamine panshi kilungi pa mushiji ku meeso a Yehoba. <sup>53</sup> Kalume waletele pangye bya kwikobaika bya siliva ne bya ngolide ne kwibi pana kwi Lebeka. Aye haye wapaine bya bupe bya bunema kwi kolonjanji wa mulume ne kwi ba inanji. <sup>54</sup> Ponkapo aye ne baana baluume bo ajiinga naabo bajile ne kutoma. Abo baikajile kookwa bufukunboonse ne byo bakile lukeelo, aye wa amble amba "Ntumai aminwa kuya kwi nkambo yami." <sup>55</sup> Kolojanji wa mulume ne ba inanji baambile amba, "Lekai nsonwakazhi ekale ne atweeba mooba akwabo acheeche, nangwatu pa jiikumi. pakupitatu poopa aye wafwainwa kuya." <sup>58</sup> aye wa ambile amba kwi abo amba, "Nkangyee munkange amiwa ne,yehoba byo a nengezha kala jishinda jaami." Abo ba ambile amba, "Atweba tusa kumwita nsongwankazhi ne ku mwipuzha aye." <sup>57</sup> Abo ba ambile amba, "Atweba tusa kumwita nsongwankazhi ne ku mwipuzha aye." <sup>56</sup> Byonkayo bamwichile Lebeka ne kumwipuzha aye amba ,"Usa kuya pamo na uno mwanamulume nyi?" Aye wiba kunbwile amba," Amiwa nsa kuya." <sup>59</sup> Byokanbyo abo ba mutumine nyenga yabo Lebeka kuya na kaulume anji wa mukazhi, pa lwendo lwanji na kaliume wa Abalahama ne baana baliume banji. <sup>60</sup> Abo ba mupesheshe Lebeka ne kumwambila amba, "Nyenga yetu anweba mukekale inabo wa biumbi bya biumbi jikumi, ne ba mukiseemi kyobe bakatambule kwa kutwelela kwa booba ba kebakapata abo". <sup>61</sup> Kepo Lebeka aimene, ne aye ne bakalume wanji ba nsngwakazhi bakashale bipe paba ngamela, nek kuloondela mwana mulume. Abyo kalume wa musendele Lebeka, ne kuya jishinda janji. <sup>62</sup> Pano Izaaaka wa ikajilenga mu Negeba, kabiji po akifuminetu mu Bela lahai loi (mushima wa yewa waikala na buumi sa amona kala Lesa). <sup>63</sup> Izaaka waile pangye ku kulanguluka mu bujimi mu mabaanga. Byo atajile peulu ne kumona, pa kujajijisha, kwajinga ba ngamela saka ba bena kwiya! <sup>64</sup> Lebeka watajile, ne byo amwene Izaaka, aye watolokele panshi kufuma pa ngamela. <sup>65</sup> Aye wa ambile kwi kalume amba, " N`anyi yewa mwaana mulume ubena kwenda mu bujimi ku kwitusambakana atweba? "Kalu wa ambile amba , ye nkambo yami." Byonkabyo aye washikwile kitambala kyanji, ne kwivweta ayemwine. ⁶⁶ Kalume wapitulukilemo kwi izaaka byonse biintu abya byo aubile. ⁶⁷ Kepo, izaaka amuletele mukachi ka teente wa inanji Sala ne kushikula Lebeka,ne aye waikajile mukazhi wanji, Kabiji wamutemwenwe aye. Byonkabyo Izaaka watekeneshiwe pakupita lufu lwa inanji.