¹ Baloongo, inge umo wataanwa na maambo, anweeba ba kumuupashi mwafwainwa kumuubwezha mumupaashi wabuutekanye, kasa mujimuuka anweeba bene, mwakaya kwesekwa pamo. ² Kasa mwiseendeshapo bimuunemena, kokufikiizha mizhilo ya kilishitu. ³ Inge muuntu wilanguuluka amba newafwainwa, saka ajin waabula kufwainwa wijimbaika mwiine, ⁴ Muuntub yense pamuuntu pamuuntu beseke mingiilo yaabo beene kabiji nekine kyakwitootelamo kikela mwi aye mwiine buunke kechi muuntu mukwaabo ne. ⁵ Maambo muuntu yense ukasenda kiseendwa kyanji mwiine. ⁷ Awa yebafuumisha byaambo wafwainwa kwabana byoonse byawaama bintu nayeewa umufuunjisha. ⁶ Kechi mujimbaikwe ne ne Lesa kechi ujimbaikwa ne, kyonka kyabyala muuntu, kyokyo aka bungiizha. ⁸ Maambo awa lubyaji nkuunwa mubuntuushi bwaanji, kufuuma mubundenga maambo bwanji ukaabungizha bubole. Awa wibyajiila nkuunwa kumupaashi, ukabungizha bumi bwamyaka kumupashi. ⁹ Kechi tukoke mukuuba bya waama ne, maambo mukimye kyawaama tukaanowa, inge nekuleka ne. ¹⁰ Onkao maambo, mukimye kyotukiji namwakubila, twayai tube byawaama kubaantu boonse, kikatakata booba botuji naabo bakuumupashi. ¹¹ Moonai nkalaata yabuuya yonaneemba mukubooko kwaami. ¹² Abo basaaka kwiluumbulula mubuntuushi babena kwi kwimukaakachisha kutaambula mukaanda. Bobakino maambo akukaanya kumaanyikwa maambo amusalabu wa kilishiitu. ¹³ Maambo nebooba bebobila mukaanda abo beene kechi bakalaama mizhiilo ne, Mino bakeeba anweeba kwimuuba mukaanda amba betotele mumibiji yenu. ¹⁴ Amiiwa kechi nafwainwa kwitoota ne kana kwitoteela mu musalaabu wa Nkaambo yetu Yesu kilishitu, awantanda yeba popeele kwi amiwa, amoone kukyaalo. ¹⁵ Mukaanda yewaatu ne kubuula mukaanda kokwaatu, kaana kulengwa kupya. ¹⁶ Kuboonse baikala peabo, kabiji nepa beena Isalela ba Lesa. ¹⁷ Kufuuma mukiino kimye muuntu nangwa umo kechi ankataazhe ne, maambo naseenda mumubiji waami neembo ya Yesu. ¹⁸ Lusa lwa Nkaambo Yesu kilishitu lwikaale namipaashi yenu, baloongo, Amena.