¹ Amiwa mbena kwaamba naamba banswanyi, byo aji mwanyike, kechi waapusasana na muuzha ne, nangwa ye mwine mwina byoonse. ² Pakuuba uji naba kumulama ne booaketekelamo kufika ne kujuba jo ba toongola kwiba shanji. ³ Byonkabyo kabiji, byo twajinga banyiike, twajinga mu buuzha bwa biintu bya mubwanyike bya muuntanda. ⁴ Pakuuba kimye kyafikilamo byo kyafiikile, Lesa watumine mwananji, wasemeekelwe ku mwana mukazhi, wasemeenwe mu mizhiilo. ⁵ Waubile bibye mukupulusha booba bajinga mumizhilo, kokuuba amba tutambuule bubwaana. ⁶ Kabiji maambo anweeba mwi baana, Lesa waatuma mupaashi wa mwananji mumichima yeetu, ao wita amba, " Aba, Taata." ⁷ Pano kechi pano ukiji muzhaa ne, mino wimwaana kabiji obewa pano ke wi nswanyi kupichila mwi Lesa. ⁸ Pakuuba pakyookya kimye, byo mwabujile kumuyuuka Lesa, mwalengelwe kwiikala ke baazha kubooba baaji , na ngovu yaabo yaa kisemwa, kechi bu Lesa kabiji ne. ⁹ Pakuuba byo mwaiya kumuyuuka Lesa nangu amba byo mwayukanyikwa kwi Lesa, kyaikala byeepi kabiji byo kemwaalukile kubweela ku bya nekeena biintu bya biintu byaatu? mubena kuukeba anweeba kwikala mubuzha mooba onse jibiji? ¹⁰ Anweeba mu mulama mooba ne bangondo bapya ne bimye ne myaaka! ¹¹ Naumvwa mooyo neanweeba apo kampe mingilo yaami neanweeba yayingatu yaatu. ¹² Nemusanshijilala anweeba baloongo baami, mwikale nobe amiwa, maambo neamiwa naikala noobe anweeba. Anweeba kechi mwangubilepo kyataama ne. ¹³ Pakuuba anweeba mwayuuka amba kyajinga na mambo a kubeela kwa mubiji namba ngambe maambo awaama kwi anweeba kimye kitaanshi. ¹⁴ Nangwa na maambo a musaango wa mubiji waami wimubikile anweeba mukwesekwa, kechi mwandengulwile ne kunkaana amiwa ne.Mino anweeba mwa mwantambulwijile nobe najinga malaika wa Lesa, nobe najinga kilishitubyesu mwiine. ¹⁵ Kweepi nanchi, kuji jipesho jenu pano? Pakuuba mbena kushimuna kwianweeba naamba inge kyakonsheka, inge mwalobwemo kufumyamo menso enu anwe beene ne kwapaana kwi amiwa. ¹⁶ Pakuuba mino, naaluka ke mulwanyi weenu maambo mbena kwimibula anweeba bya kiine? ¹⁷ Abo bemukebesha kwimitambula anweeba, pakuuba kechi kubuwame ne. ¹⁸ Basaka kwimishinkila pangye, kintu kyawaama, mino kechi kyonka kimye kyonka kyo ngikala nenu ne ¹⁹ Baana bami baba cheche, amiwa nejibiji nji mu bisaanso pe anweeba posotu kilishitu byo akaleengwa mwi anweeba. ²⁰ Amiwa nanchi inge nanu anweeba pano nku kingya jiiwi jami, Maambo amiwa mbena kwimizhinauka anweeba. ²¹ Mbulai amiwa, anweeba musakisha kwikala mumizhilo, kechi mumvwa ku mizhilo nenyi? ²² Pakuuba kyanembwa amba Abalahama wajinga nabana babalume babiji, umo waji mumuzha kabiji ne mukwabo wa mu mwaana wa beene. ²³ Umo wasemekeelwe ku mwaana mukazhi muzha monka mwaila mubiji, pakuuba mukwaabo wasemekelwe ku mwaana mukazhi mwaana wabeene kupichila mumulaye. ²⁴ Bino biintu byafwainwa kwibilumbulula nobe kishimpi, maambo bano baana bakaazhi babena kwimenako lulayangano lubiji. Luumo lwa mu ano ke lwa kumutuumba wa sinai kabiji aye usema baana bazha . Uno ke Hegala. ²⁵ Mino Hagala wimenako mutuumba wa sinai mu Aleba; kabiji aye wimenako Yelusalema ujiipo, maambo aye uji mu buzha na baana banji. ²⁶ Pakuuba Yelusalema ao uji mwiuulu waakasuluka, kabiji aye ye ineetu. ²⁷ Pakuuba kyanembwa amba, " Sekela, obewa namba ubula kesema; jiila ne kubijika na luseekelo, obewa ubena kubula kuyanda na kukola kwa bisanso! maambo baana ba mwaana mukaazhi ye baasha bavujisha kukila booba bayeewa uji na mulume." ²⁸ Pakuuba anweeba, baloongo, nobe izaka, baana ba mulayee. ²⁹ Pa kyookya kimye awa wasemekelwe mwayila bya mubiji wapachilenga yeewa wasemekelwe mwaila kun mupaashi. Kyo kimootu ne pano. ³⁰ Pakuuba binembeelo bibena kwaamba amba kaa? "Mupangai awa mwaana mukaazhi muzha ne mwananji wamuulume. Pakuuba mwaana wa muulume wa muzha kechi ukekala na mwaabaya mubya bunswanyi na mwaana wamuulume wa mwaana wabeene. ³¹ Byonkabyo, baloongo, kechi twibaana ba nswaana ne pakuuba nayewa wa kasululwa mwanamuukazhi.