¹ kabiiji panyuuma ya myaaka jikumi ne ina amiiwa naile jibiji ku Yelusalema na Banabasa, na seendele ne Titusa pamo. ² Naile koonka maambo a lumweekesho kabiiji ne kwiibabikila abo maambo awaama ao o nasapwijile mukachi ka ba Ngentila. Amiiwa na ambile kumbaji ku booba ba mweekele ku neema, mu kumona kuuba amba keechi na nyemeneenga ne-nangwa keech na nyeemene-kyatuutu ne. ³ Mino nangwa Titusa, ao wajiinga ne amiiwa kabiiji ao wajiinga mu Ngiliki, keechi ba mukaanjikizhe amba ba muube mukaanda ne. ⁴ Baloongo ba bubela baishile mu bufyanfya mu kumona pa kukasuluka ko tuji naako mwi Kilishitu Yesu. Abo basakishe kwi twikazha bazha, ⁵ mino keechi twaswiile kwibakookela abo nangwa pacheechetu ne, byonkabyo amba bukiine bwa maambo awaama bukoonshe kwiikala mwi anweeba. ⁶ Mino aba bamweekele kuneema (byoonse byo bajiinga keechi byajiinga na lukatazho kwi amiiwa ne, Lesa keechi wayuuka bya kuneema ne)-aba, bo ng'amba amba, bamweekele kuneema keechi ba bikileko kiji kyoonse kwi amiiwa ne. ⁷ Mino, abo ba mweene amba amiiwa naketekelwa na maambo awaama ku booba babula kuba mukanda. ⁸ Pakuuba Lesa, waingijile mwi Petelo mu bu mutuumwa ku booba bobaubile mukanda, ye waingijile ne mwi amiiwa ku ba Ngetila. ⁹ Yakoba,Kefasa, ne Yaono, abo batuumbaleele amba mashiiki, ba mweene buupe abwa bo bampeele amiiwa, abo bapaine kubooko kwa kiluujo kwa lumvwang'ano kwi Banabasa ne amiiwa. Abo baswiile amba twafwainwa kuuya ku ba Ngentila kabiiji bafwainwa kuuya ku bobauba mukanda. ¹⁰ Abo baloombelekotu amba atweeba tuvuluke balaanda, kyonka kiintu kyo nasakiishe amiiwa kuuba. ¹¹ Mino Kefasa byo aishile ku Antiioka, amiiwa na muleengulwile aye ku meeso anji maambo waji na maambo. ¹² Ba baluume baamo sa ba kyaangye kwiiya kwi Yakoba, Kefasa wajiilenga na ba Ngentila. Mino abe baana baluume byo baishile, aye walekele ne kwi abnyako ku ba Ngentila. Aye wachinine booba bakebeleenga mukanda. ¹³ Ne ba Yudea boonse naabo ba tweelele mu buno bujiimbijimbi.Ne Banabasa naaye wajiimbaikilwe na bujiimbijiimbi bwaabo. ¹⁴ Mino byo namweene amba byubilo byaabo keechi bya loondejilenga bu kiine bya maambo awaama ne, amiiwa naambile kwi Kefasa pa meeso abo boonse amba, "Inge anweeba mwi ba Yudea mino mwaikala noobe ba Ngentila kabiiji keechi noobe ba Yudea ne, mwafwainwa byeepi ku kaanjikizha ba Ngentila kwiikala noobe ba Yudea?" ¹⁵ Atweeba beene twasemenwe amba twi ba Yudea keechi ba Ngentila bandeenga maambo ne; ¹⁶ mino atweeba twayuuka amba kafwaako muuntu wabiingishiwa na miingilo ya miizhilo poso kupichila mu lwiitabilo mwi Kilishitu Yesu. Byonkabyo ne atweeba twaitabila mwi Kilishitu Yesu byonkabyo amba tukoonshe kubiingishiwa na lwiitabilo mwi Kilishitu kabiiji keechi na miingilo ya miizhilo ne. Pakuuba ku miingilo ya miizhilo kafwaako muuntu ukabiingishiwa ne. ¹⁷ Mino inge, byotukikeeba kubiingishiwa mwi Kilishitu, ne atweeba twatainwe bandeenga maambo, Kilishitu kabiiji ye mukuluumpe wa bundeenga maambo nyi? Inee! ¹⁸ Pakuuba inge amiiwa nashimukulula abya biintu byo na onawinepo kala, amiiwa mwiine nemweesha amba ne wa miizhilulwila. ¹⁹ Pakuuba kupichila muiizhilo amiiwa nafwiile ku miizhilo, byonkabyo amba amiiwa nkoonshe kwiikala wa Lesa. Amiiwa napoopwa ne Kilishitu. ²⁰ Keechi amiiwa ngikala mwi aye ne, mino Kilishitu ye wiikala mwi amiiwa. Amiiwa buumi bo naikala naabo mu bu muuntu ngikeela mu lwiitabilo mu mwaana Lesa, yeenka wanteemenwe kabiiji wipaine aye mwiine na maambo a amiiwa. ²¹ Amiiwa keechi mbiika kuunsa buupe bwa Lesa ne, pakuuba inge bololoke bwafwainwa kwiiya kupichila mu miizhilo, nanchi Kilishitu wafwiiletu kyaatu!