¹ Paulo, mutuumwa_ kechi mutuumwa ku baantu nangwa kutoongolwa ku muuntu ne, poso kwi Yesu kilishitu ne kwi Lesa Taata, wamusangwile mu bafu_ ² Ne baloongo betu boonse bo nji nabo, kubipwiilo bya ngalatiya: ³ Bupe bwikale ne anweeba ne muteende ufuuma kwi Lesa Taata wetu ne kwi Nkaambo Yesu kilishitu, ⁴ Ye wipaine mwiine mu maambo etu pakuuba amba etupokolole atweeba kukino kimye kya buubi kyo tujipo, kwesekanya na kyatemwa Lesa wetu ne Taata, ⁵ Kwi aye kwikale lukuumo myaaka ne myaaka. Ameena. ⁶ Nakuumya byo munakwaluluka lubiilo kwi yewa wimwichile mu buupe bwa kilishitu. Nakuumya ne kuya ku maambo awaama angi. ⁷ Bino kechi kuji maambo awaama akwaabo ne, pakuuba a ko bamo bemukataazha basaka kwaluluka maambo awaama a kilishitu. ⁸ Pakuuba nangwa atweeba nangwa malaika wafuuma mwiuulu inge wimusapwiila maambo awaama angi naangwa a byepi ne ao o twimusapwijile atweeba, afingwe. ⁹ Monka mo naambile kala, mo monka mo naamba ne jikwaabo, "Inge muuntu nangwa nganyi wimusapwiila maambo awaama angi nangwa a byepi ne ao o mwataambwile, lekai afingwe,'' ¹⁰ Maambo amiiwa luno mbenakuukeba mamba baantu bantale buloongo nyi inyi Lesa? Nangwa mbenakuukeba kwibatookesha baantu? nangwa inge kiji kweseeka kwi batookesha baantu, kechi ne na kaluume wa kilishitu ne. ¹¹ Nasaaka naamba muyuuke amba, maambo o nasapwijile amiwa kechi a ku baantu ne. Kechi nekitaambwile ku muuntu ne, nangwa kwikifunjisha ne. ¹² Nangwa byonka byo, kyaji kyalumwekesho lwa Yesu kilishitu kwi amiiwa. ¹³ Mwaumvwine musango wa bwikaalo bwaami bwa mu kimye kya kala bwa mukupandawila kwa Buyuudeya, byo nekimanikiilenga kipwiilo kya Lesa ne kukilaapo kabiji apo naesekeleenga kwi kyonauna. ¹⁴ Kabiji mukupandawila kwa Bayuudeya amiiwa nebakijile bakweetu bavuula mo twaesakenjile naabo, myaaka bafuumine mumukoka wa ku baantu baami nekuubishatu mukooyo wa kub biseela bya bashaakulu betu. ¹⁵ Pano aye Lesa, yenka wampatwile muunda mwa bamaama , ne kungiita monka mu buupe bwanji wantemenwe. ¹⁶ kumweesha mwanaanji mwi amiwa, Pakuuba amba akasapwiile mu ba Ngetila, kechi nakepwizhe bamubiji ne maashi ne. ¹⁷ Kechi naile peulu ku Yelusaleema kubooba baikele batuumwa sa kyangye. Byonkabyo, naile ku Alabya kabiji nabwelele ku Damasakasa. ¹⁸ Kabiji pakuupita myaaka Isaatu nayile ke Yelusaleema mukumuyuuka Kefasa kabiji naikajiileko nanji mooba jikuumi ne ataanu. ¹⁹ Pakuuba batuumwa bakwaabo kechib nebamweene ne poso yenka Yakoba, Muloongo wanji Nkaambo. ²⁰ Na maambo a bino bintu byo mbena kwimunembela anweeba, talai ku menso a Lesa, Kechi mbena kubeepa ne. ²¹ Kabiji naishile mu byaalo bya silya ne kilikya. ²² Kabiji kechi nayukanyikwe ne ku bipwilo bya mu Yudeya byanji mwi kilishitu. ²³ Baumvwinengatu amba, "Awa muuntu witumanyikile atweeba pano kasapwile alwa lwitabilo lo asakile konawuna." ²⁴ Ponkapo batumbijikile Lesa na maambo a amiwa.