¹ Ezela byo a loombele ne kulipila, wajijile ne kwiitaya mwiine paanshi kuluutwe ya nzuubo ya Lesa. Kupwiila kukataampe kubeena Isalela ba balume, ne baana bakazhi, kabiji ne baana bapwiijile koonka kabiji baantu bapuminweenga biingi. ² Shekaniya mwaana Yehiela ba mubisemi bya Elama wa ambile kwi Ezela amba, "Keechi tuji na luketekelo mwi Lesa weetu ne kusoongola baana bakazhi beenyi kufuma mu ntaanda ya bantu. Naangwa kwajiinga bino, luketekelo lwatwajijiletu mu Isalela. ³ Byonkabyo lekai tulaang'ane na Lesa weetu kwiibafumyako boonse baana bakazhi ne baana balume baabo moonka mwaila mikaambizho ya Nkaambo kabiji ne mikaambizho kubooba bazakama ku mikaambizho ya Lesa weetu, kabiji abino bifikizhiwe moonka mwaila muzhilo. ⁴ Imanai, maambo kino kiintu kyo kya kweenu kya kuseenda, kabiji tuji ne anweeba. Ikali ba ngovu ne kuuba kino." ⁵ Ezela waimene ne kuleenga ng'aanga wabineemanga, ne beena Levi, kabiji ne lulayaang'ano lwa beena Isalela boonse ne kuuba mu jino jishiinda. Byonkabyo boonse bachipile. ⁶ Poonkapo Ezela waimene kufuma ku meeso a nzuubo ya Lesa ne kuya mu tubibaamba twakwa Yehohanana mwaana wakwa Eliashiba.Keechi wajilepo nshiinkwa naangwa kutoma meema anji onse ne, wajijilenga na maambo a lwiitabilo kubooba bajiinga mu buzha. ⁷ Kabiji batumine byaambo mu Yuda ne mu Yelusalema ku baantu boonse bafumine mu buzha ne kupwiila mu Yelusalema. ⁸ Boonse babujilenga kwiiya mu mooba asatu kweesakanya na mikaambizho yafumine ku babineemanga ne bakuluumpe-biipe byaanji byoonse bamutaambwile, kabiji mwiine wifumisheeko kufuma ku kupwiila kukataampe kwa baantu baishilenga kufuma mu buzha. ⁹ Kabiji baana balume boonse ba mu Yudea ne beena Benjamina bapwiijile mu Yelusalema mu mooba asatu mu ng'oondo wa butanu na buna kabiji ne juuba ja bu makumi abiji a ng'oondo. Baantu boonse baikajile mukachi mwaesakana ku meeso a nzuubo ya Lesa, ne kuzakama na maambo a bino kabiji na maambo a mvula. ¹⁰ Eliaza ng'aanga waimene ne kwaamba amba, "Anweeba beene mwaleenga maambo. Mwaikajilenga na baana bakazhi beenyi kabiji amba muvuzhe kuzhaatwa kwa beena Isalela. ¹¹ Pakuuba bino lapilai kwi Yehoba, Lesa wa bashsskulu beenu, ne kuuba byo asaka. Ifumyaiko ku baantu ba ntaanda kabiji ne kwifumyako ku baana bakazhi beenyi." ¹² Boonse bapwiijile ba kuumbwile na jiiwi jikataampe amba, "Tukeekyuba byonka byo mwa amba. ¹³ Byonkabyo, kuji baantu bavula, kabiji ke kimye kya mvula. Keechi tuji na bulume bwa kwiikala paangye, kabiji kino keechi kyo kimootu ne naangwa mooba abiji a mwiingilo, byonkabyo tuji na mileengulwila ikataampe mubino. ¹⁴ Byonkabyo lekai babineemanga beetu betwiimeneko ku kupwiila koonse. Lekai boonse bajimu mizhi basoongola baana bakazhi beenyi beeye pa kimye kyo bakasalanga bakasalwa na bakuluumpe ba mu muzhi kabiji ne bamitonyi ba mu mizhi kufikatu ne bukaji bukataampe bwa Lesa weetu bukafume kwi atweeba." ¹⁵ Yonafwanyi mwaana Asahela ne Yazeya mwaana Tikiba abo bakaine bino, kabiji Meshulama ne Shabetai mwiina Levi ne kwibatuundaika boonse. ¹⁶ Byonkabyo aba baantu babweelele kufuma mu buzha bekyuubile kino Ezela ng'aanga wasajile ba balume, ne ba ntaangi mumikoka ya bashaakulu booba ne mazuubo-boonse na jizhina, ne kupesa pesa juuba jitaanshi ja ng'oondo wa bujikumi. ¹⁷ Pa juuba jitaanshi ja ng'oondo mutaanshi ba pwiishishe kutaaana beenyi boonse ba bakazhi baikajilenga na ba balume. ¹⁸ Mukachi ka baana ba ba ng'aanga mwajiinga bakwaabo baikajilenga na ba bakazhi beenyi. Mukachi ka baana bakwa Yeshua mwaana Yozadaka kabiji ne baloongo baanji bajiinga ba Maaseya, ne Ezeala, ne Yaliba, ne Gedaliya. ¹⁹ Kabiji balayaang'ene kutuma bakazhi baabo, maambo bezhachishe. Ba laambwile kitapisho kya mukooko wamulume ke mulaambu wa kwi zhaachisha. ²⁰ Mukachi ka baana ba Imela: Hanani ne Zebadiya. ²¹ Mukachi ka baana bakwa Halima: Manase, ne Elija, ne Shemaya, ne Yehiela, Uziya. ²² Mukachi ka baana bakwa Pashula: Eliwenai, ne Maaseya, ne Ishimela, ne Netanele, ne Yozadaba, kabiji ne Elasa. ²³ Mukachi ka beena Levi: Mwajiinga ba Yozadaba, ne Shimei, ne Kelaya-bajiinga , Kelita, ne Petahiya, ne Yuda, kabiji ne Elieza. ²⁴ Mukachi ka ba nyiimbi: Mwajiinga Eliashiya. Mukachi ka balama bibelo: Mwajiinga ba Shalumi, ne Telama, kabiji ne Uli. ²⁵ Mukachi ka beena Isalela bashaajilepo- mukachi ka baana ba Paloshi: Mwajiinga ba Lamiya, ne Iziya, ne Malakiya, ne Eliaza, ne Miyamina, ne Hashabiya, ne Benaya. ²⁶ Mukachi ka baana bakwa Elama: Mwajiinga ba Mataniya, ne Zekaliya, ne Yehiela, ne Abidi, ne Yelemota, kabiji ne ELiya. ²⁷ Mukachi ka baana bakwa Zatu: Mwajiinga ba Eliwenai, ne Eliashiba, ne Mataniya, ne Yelemota, ne Zadaba, kabiji ne Aziya. ²⁸ Mukachi ka baana bakwa Bebai: Mwajiinga ba Yehohanana, ne Hananiya, ne Zebai, kabiji ne Atalai. ²⁹ Mukachi ka baana bakwa Bani: Mwajiinga ba Meshulama, ne Maluka, ne Adaiya, ne Yashuba, ne Sheala, kabiji ne Yelemota. ³⁰ Mukachi kab baana bakwa Pahata-Moabu: Mwajiinga Adina, ne Kelale, ne Benaya, ne Maseeya, ne Mataniya, ne Bezalela, ne Binuwi, kabiji ne Manase. ³¹ Mukachi ka baana bakwa Halima: Elieza, ne Ishiya, ne Malakiya, ne Shemaya, kabiji ne Shimeona. ³² Ne Benjamina, ne maluka, kabiji ne Shemaliya. ³³ Mukachi ka baana bakwa Hashuma: Mwajiinga ba Matata, Zadadi, Elifeleta, Manase, kabiji ne Shimei. ³⁴ Mukachi ka baana bakwa Bani: Mwajiinga ba Madai, ne Amalama, ne Wela, ³⁵ ne Benaya, ne Bedeya, ne Kelubi, ³⁶ ne Vaniya, ne Melemuta, ne Eliashiba, ³⁷ ne Mataniya, ne Matenai, kabiji ne Yaasu. ³⁸ Mukachi ka baana bakwa Binuwi: Mwajiinga ba Shimei, ³⁹ ne Shelemiya, ne Natana, ne Adaya, ⁴⁰ ne Makanadebai, ne Shashai, ne Shalai, ⁴¹ ne Azalelai, ne Shelemiya, ne Shemaliya, ⁴² ne Shaluma, ne Amaniya, kabiji ne Yosefwa. ⁴³ Mukachi ka baana bakwa Nebo: Mwajiinga ba Yeyela, ne Matiyita, ne Zabada, ne Zebina, ne Yadai, ne Yoela, kabiji ne Benaya. ⁴⁴ Baano boonse basoongwele baana bakazhi beenyi baishile kwiikala na baana bamo.