¹ Baana, kookelai bansemi yeenu mwi Nkambo, pakuuba kino kyo kya waama. ² "Nemeka bashoobe ne ba inoobe" (ye mukaambizho mutaanshi uji na mulaye), ³ "byonkabyo amba kimuwaamine anweeba kabiiji mwakoonsha kubaanda pa ntaanda." ⁴ Bashaabo, keechi muleengeshe baana beenu kuzhiingila ne. Mino, bakomeshai mu mafunjisho ne mu mikaambizho ya Nkambo. ⁵ Bazha, kookelai ba nkambo yeenu moonka mwaila bu muuntu na mushiingi mukataampe ne kuzakama, mu bukishiinka bwa muchima weenu. Ikalai ba kwibakookela byonka byo mwakoonsha kukookela Kilishitu. ⁶ Ikalai ba lukookelo nangwa nakmbo yeenu keechi ubeena kwi mumona, pakuuba amba mwi batookeshe ku michima. Mino, ikalai ba lukookelo noobe bazha ba Kilishitu, booba kyaswa muchima wa Lesa kufuuma mu michima yeenu. ⁷ Ingilai na michima yeenu yoonse, noobe byo mwa ingijilanga Nkambo keechi baantu, ⁸ maambo atweeba twayuuka amba pa byuubilo byawaama biji byoonse byuuba muuntu yeense, ukataambula kilaambu kufuuma kwi Nkambo, nangwa muzha nangwa wakasuluka. ⁹ Ba nkambo yaabo, ubilai bazha beenu mujishiinda jimotu. Kaange mwibachinyishe ne. Anweeba mwayuuka amba aye nkambo yaabo pamo ne anweeba uji mwiulu, kabiiji kafwaako misalululo na aye ne. ¹⁰ Kyapelako, ikalai bakoosa mwi Nkambo kabiiji ne mu ngovu ya bulume bwaanji. ¹¹ Vwalai byoonse bya nkoondo bya Lesa, byonkabyo amba anweeba mukoonshe kwiimeena bya bujimuko bya jabola. ¹² Pakuuba kulwa kweetu keechi kwa kulwa na mibiji ya mashi ne, mino na bantaangi, baluusa, na babulume bwa mfiinshi, na bashilikale ba mipashi ya biipa mu mapuunzha a mwiulu. ¹³ Byonkabyo vwaalai byoonse bya nkoondo bya Lesa, byonkabyo amba mukoonshe kwiimana mu juuba ja biipa, kabiiji panyuuma ya kuuba biintu byoonse, kwiimana bakosa. ¹⁴ Imanai bakosa kabiiji, na mukwaato sa mwakasa mu mbuunda yeenu, kabiiji ne kyeela kya pa kyaaji kya bololoke, ¹⁵ kabiiji, ne na maulu enu sa a fikilamo na kwineengezha kufuuma ku maambo a waama a muteende. ¹⁶ Mu biintu byoonse tolai jikeebo ja luketekelo, najikebo anweeba mukakoonsha kuzhima mikeeto ya mujilo ya aye mubi. ¹⁷ Kabiji tolai kimpoompo kya lupulukilo ne mpooko ya mupashi, abyo ke byaambo bya Lesa. ¹⁸ Na kuloomba koonse ne kwiipuzha, loombai kiimye kyoonse mu mupashi. kuno ku mpeelo, mwiikale ba kulaba joonse na kutwajijila byo mupaana miloombelo ya baantu bazhijikwa ba Lesa. ¹⁹ Kabiiji mu ndoombeleleko ne amiiwa, amba byaambo bikoonshe kupaanwa kwi amiiwa inge na shiinkula kanwa kaami. Loombai amba amiiwa koonshe kuyuukisha na kuchiinchika bishiinka bya fyamika pa maambo a waama. ²⁰ Ke na maambo a waama amba amiiwa ne ntomesha walamwa mu minyoololo, byonkabyo amba amiiwa koonshe kwi kyaamba na kuchiinchika, byo nakoonsha kwaamba. ²¹ Tikikusa, muloongo ye natemwa kabiiji wa mwiingilo wa kishiinka mwi Nkambo, uke muyuukisha byoonse anweeba, byonkabyo amba anweeba mukakoonshe kuyuuka nanyi amiiwa ye mbeena kuuba. ²² Amiiwa na mutuuma aye kwi anweeba na maambo a kino, byonkabyo amba mukakoonshe kuyuuka byo tuji, kabiiji byonkabyo amba aye akakoonshe kutuundaika michima yeenu. ²³ Muteende ekale ku baloongo, ne buteemwe na lwiitabilo kufuuma kwi Lesa Taata ne Nkambo Yesu Kilishitu. ²⁴ Buupe bwiikale ku boonse bateemwa Nkambo yeetu Yesu Kilishitu na buteemwe bwakubula mazhika kanwa.