¹ Juuba ja pentekooshiti byo jafikile, boonse bajinga paamo mumpuuzha imo. ² Baabazhimukiletu jiiwi jaiya kufuuma mwiuulu noobe kupuupa kwaluvula, ne kuyuula moonse mu nzubo mo baikeele. ³ Kwi abo kwamweekele njimi noobe mujiilo ao Yebaakumbene, ne kweekala pa boonse bwaabo. ⁴ Bonse bayuujilwe na mupashi wa zhila ne kutatula kwaamba na njimi ingi, noobe mupaashi byo ebapele kwaamba. ⁵ Akwa kwajinga ba yudeeya bailenga mu yelusalema baana balume ba Lesa, kufuma moonse mukyalo kyamunshi ya jiuulu. ⁶ Kimye kyaumvwanyikile ki o-o jibumba jaishile pamo ne kulubamkanya maambo bebomvwinenga saka baamba munjimi yabo bene. ⁷ Bakumishe ne kukomoka; baambile mba, " kine_kine, nanchi boonsebe babeena kwaamba kebeena ngalileya? ⁸ Kyaikeela ka mba bonse bweetu katwi bomvwe pamuuntu pa muuntu mumilombelo yetu yotwa semwamo? ⁹ Bena palatita nabeena Elema, ne boonse bekala mu mumasepotamya, mu Yudeya ne mu kapodookya, mu potusa, ne Asha. ¹⁰ Ne mu filingyo, nemu Pamifilya, nemu Ijipita, ne kulubaji loonse lwa Libya na ku kilene, ne beenyi kufuma ku loma. ¹¹ Bayuudeya na bena poloseelita na bena Alebya twi boomvwa sabaamba muujimi yeetu namaambo a mingilo ikaatampe ya Lesa. ¹² Ne abo boonse bakumishe ne zhinaauka; baambangene umo ne mukwaaboamba, "kino kyaila muka? ¹³ Pakuuba bamo kebaseeke ne kwaamba amba , "ba yuuzhiwa na binyu biya." ¹⁴ Pakuba petelo waimeene nabo jikuumi naumo wasanswile jiwi jaanji, ne kwaamba amba, bana balume beena Yudeeya ne aneba bonse bekala mu yelusalemu, leekayi bino biyukanikwe kwianweeba; ne kuteleka ku byambo byami. ¹⁵ Abaano baantu kechi ba peendwa ne nobe byomulanguluka ne, juba jikiijitu nobimye bisatutu. ¹⁶ Pakuuba kino kyokyokya kya ambiwe kupichila mwingauzhi Yoela: ¹⁷ Lesa waamba amba kikobiwa mu mooba akapelako, ketulwila mupashi wami pa boonse baantu. baana benu babaalume ne babakaazhi bakaula, banyike babalume bakamoona bimwesho, ne bakote benu babalume bakalota biloto. ¹⁸ Byonkaabyo paba mwingilo baami ne bamwingilo wami babaakazhi mu owo moba nketulwila mupashi wami, kabiji bakaula. ¹⁹ Nkamwesha byakukumya pajiulu peulu ne biyikilo panshi pantanda, mashi, mujilo ne lukokamuka lwa bwishi. ²⁰ Juuba jikaluka ke mfishi ne mwezhi ke mashi, saaka juuba jikaatampe ja nkaambo jikyanye kufika. ²¹ Jikekala mba yense wuketa pa jizhiina ja nkaambo ukaapuluka: ²² Anweeba bena Isalela, umvwai bino byaambo: Yesu mwina nazala, muuntu ye bemupa anweba kwi Lesa mu mingilo ya buluume, ne ya kukumya kabiji ne biyukilo byaubile Lesa mwi aye mukachi keenu, byonka byomwayuka anweebene. ²³ Uno muuntu wapainwe kwi Lesa na maambo a kutongwela jimo ne kuyukila jimo kwanjii kabiji anweeba, kumaboko abatupondo, mwamwipaile ne kumupopa pa musalabu. ²⁴ Mino Lesa wamusangwile, kumukasulula ku misongo ya lufu, maambo lufu kechi kakonsheshe kumulama ne. ²⁵ Pakuuba Davida waambile pe aye mba amiwa namweene nkaambo ku menso ami mooba onse pakuuba aye ujin ku kukuboko kwami kwa kilujo pakuuba mba amiwa kechi akufumye ne. ²⁶ Onkao maambo muchima wami wasekela kabiji ne lujimi lwami lwasekejile, pamotu, ne mubiji wami ukekala muluketekelo. ²⁷ Pakuuba anweeba kechi mukataya mweo wami mukalunga ne nangwa anweeba kuswisha wazhila kumona buzhile ne. ²⁸ Anweeba mwasolwele mashinda abumi mwi amiwa; anweeba mukanguzha na lusekelo ku meenso enu; ²⁹ Baloongo amiwa nakonsha kwaamba kwi anweeba nakuchinchika pa mushakuulu Davida, aye anji wafwiile kabiji wazhikilwe, kabiji ne kilende kyanji kya tuji nakyo ne lelo. ³⁰ Onkao maambo, aye wajinga ngauzhi kabiji wayuukile amba Lesa wachipile lluchipo kwi aye, amba aye ukabika lukunwa lukunwa lwa mubiji wanji pajitanda jobe. ³¹ Aye wa mwenejile jimo bikamweka kulutwe kabiji waambile pa kusanguka kwa Yesu kilishitu, Aye kechi ukataya mukalunga, nangwa mubiji wanji kumona lonaiko ne: ³² Uno Yesu _Lesa wamusanwile aye, ne atweeba bonse twiba kamonyi. ³³ Onkao maambo ne pa kutumbijikwa ku kuboko kwa kilujo kwa Lesa kabiji ne kutambula mupashi wazhila ye alayile kufuma kwi shanji, aye waitulula byo mumona kabiji ne kumvwa. ³⁴ Pakuuba Davida kechi wakajijile mwiulu ne, mino aye wambile mba, 'Ne Nkaambo waambile kwi knaambo yami, "ikaala ku kuboko kwami kwa kilujo. ³⁵ Poso Amiwa ngalule balwanyi bobe kekya kutulapomaulu obe.''' ³⁶ Onkao maambo, lekai bonse ba mu nzubo ya Isalela bayuuke kuuba mba Lesa wamuulenga aye kwiikala ke nkaambo kabiji ne kilishitu, uno Yesu yenka ye mwapopele pa musalabu. ³⁷ Pano byo baumvwine bino, bazhingijile mu michima yabo, kabiji baambile kwi petelo kabiji ne kubatumwa bonse amb, "Baloongo, "tube byepi.?" ³⁸ Ne petelo wibaambijile abo mba, "Lapilai kabiji ne batizwa, anwe bonse, mu jizhina ja Yesu kilishitu paakuba mulekelwe maambo a bubi bwenu, kabiji anweba musakukatambula bupe bwa mupashi wazhila. ³⁹ Paakuba mulaye uji kwi anweeba kabiji ne ku baantu benu kabiji ne kubonse baji kwalepa, bonse mo bavujila baantu bo baketa kwi Nkaambo Lesa wetu," ⁴⁰ Ne mu byaambo byavuula bikwaabo aye kabiji kwibatundaika abo; aye waambile mba, "Ipulushai anwee beene ku kino kisemi kyataama." ⁴¹ Ponkaapo ne abo bataambile maambo anji kabiji babatizhilwe, kabiji ne mu jonka juuba bakilweko mwi abo kampe kufika ku biumbi bisatu bya mweo. ⁴² Abo batwajijile na mafunjisho a butumwa kabiji ne kumvwangana, mukutebulwa kwa shinkwa kabiji ne mu miloombelo. ⁴³ Moyo waishile pa muuntu yense, kabiji ne byavuula bya kukumya ne tuyuukilo byaubilwe ku batumwa. ⁴⁴ Ne bonse baitabijile bajinga pamo kabiji bajinga na bintu bya mutuundu umo bonse. ⁴⁵ Kabiji bapoteshele ne mishiji yabo ne byobajinga nabyo bikwaabo kabiji ne kwibyabanya ku bonse, bakajilwe. ⁴⁶ Pajuuba pa juuba abo batwajijile na kuba kintu kimo mu nzubo ya Lesa, kabiji ne kutebula shinkwa mu mazuubo, ne kwaabana kajo na lusekelo ne na michima yatekanya. ⁴⁷ Kutota Lesa kabiji na mapesho na baantu bonse, kabiji ne pa juuba nkaambo wabikilepo bakwaabo bapulukile.