¹ Buuku mutaanshi ye na neembele, Teofilusa, wa buujile boonse amba Yesu wa tatuula kuuba ne kufuunjishi, ² kufiika ne juuba aye jo bamutaambwile, panyuuma ya kupaana mikaambizho kupichila mu Mupashi Wazhila ku batuumwa bo a sajile. ³ Panyuuma ya ku manaama kwaanji, aye mwiine wi mweesheshe muumi kwi abo na tuyuukilo twavula. Pakuuba pa mooba makumi ana aye wamweekele kwi abo, kabiiji wa ambile pa bufumu bwa Lesa. ⁴ Aye byo a sambakenenga pamo naabo, aye wi bakaambizhe abo kubula kufuuma mu Yelusalema, mino kana kupeembelela mulaye wa ba Taata, awa aye ye ambile amba, " Anweeba mwa umvwiine kwi amiiwa ⁵ amba Yoano kya kiine wa batizhile na meema, mino anweeba mu kabatizhiwa na Mupashi Wazhila mu mooba acheeche." ⁶ Abo kiimye kyo be bapwiizhizhe paamo ba mwiipwizhe aye amba, "Nkambo, bushe kino kyo kiimye kyo muusa kubweezha bufumu ku Isalela nyi?" ⁷ Aye wi baambijile abo amba, "Keechi kyeenu kya kuyuuka bimye naangwa mooba ao ba Taata o bafuukula na luusa lwaabo ne. ⁸ Mino anweeba mukataambula buluume byo akeeya pe anweeba Mupashi Wazhila, kabiiji ne anweeba mukeekala ba tumoonyi baami moonse mu Yelusalema ne mu Yudea moonse ne mu Samaliya, kabiiji ne ku mpeelo ya ntaanda." ⁹ Nkambo Yesu byo a ambile bino biintu, byo ba kitajilenga mwiulu, aye washikwilwe mwiulu, kabiiji jikuumbi ja mufiile ku meeso abo. ¹⁰ Byo batajishenga kwiulu aye byo aile, ponkapotu, baana balume babiji baimeene kobaji mu bivwaalo bitooka. ¹¹ Ba ambile amba, "Anweeba baantu beena Ngalilea, kika kyo mwaimeena pano nakutala mwiulu? Awe Yesu wataambulwa kwi anweeba ne kuuya mwiulu, ukabweela byonka byo mwa mumweene aye kasa aya mwiulu." ¹² Keepo babweelele ku Yelusalema kufuuma ku mutuumba wa Olobeeta, ao uji kwiipi na Yelusalema, lweendo lwa juuba ja Sabaado. ¹³ Poonkapo byo bafiikile, baile ne mu nzuubo ya peulu mo ba baikajile. Bajiinga Petelo, Yoano, Yakooba, Andeleo, Filipa, Tomase, Batolomo, Mateo, Yakoba mwaana Alefasa, ne Shimona mu Sealota ne Yudasa mwaana Yakooba. ¹⁴ Boonse bajiinga mu bu umo, ne kukoselatu kutwajijila mu miloombelo pamootu ne baana bakazhi, ne Maliya inaanji Yesu, kabiiji ne baloongo baanji. ¹⁵ Ne mu oa mooba Petelo waimeene mukaachi ka baloongo baanji, mazhiina peepi kitoota ne makumi abiji, ne kwaamba amba, ¹⁶ "Baloongo baami, kyafwainwa kuuba amba kineembelo kifiikizhiiwe, amba Mupashi Wazhila saka akyaangye kwaamba mu kanwa ka Davida na maambo a Yudasa, ao wataangijile aba ba mukwachile Yesu. ¹⁷ Pakuuba wajiinga umo wa mwi atweeba kabiiji wataambwileko lubaji lwa ino miingilo." ¹⁸ (Pano uno muuntu wapotele bujimi na mfweeto aye yoataambwile pa buubi bwaanji, kabiiji poonkapotu aye waponene, kabiiji ne mubiji waanji wasabiikile, kabiiji ne miila yaanji yoonse yafuumine paangye. ¹⁹ Ne boonse baikajileenga mu Yelesalema baumvwiine pa kino. Onkao maambo be buteelele buno bujiimi mu mulaka waabo amba, "Akeladama," ko kuuba amba, "Bujimi bwa maashi.") ²⁰ "Pakuuba kyaneembwa mu buuku wa masalamo amba, 'Mukaleke bujimi bwaanji pa keekale ke pa masala, kabiiji keechi mu kaleke nangwa muuntu umo kwiikalapo ne.' ²¹ Kyaneema, byonkabyo, kuuba amba umo mu baana balume ba endeleenga ne atweeba bimye kyoonse Nkambo Yesu byo aileenga mukachi ne paangye mukachi keetu, ²² Kutatwiila ku lubatisho lwa Yoano kufiika ne ku juuba jo ataambwilwe mwiulu kufuuma kwi atweeba, wafwainwa kwiikala kamonyi pamo ne atweeba pa lusaanguko lwaanji." ²³ Abo ba bikiile kuluutwe baana balume babiji, Yosefwa jikwaabo Banabasa, aye jikwaabo wajiinga Yusitusa, kabiiji ne Matiasa. ²⁴ Baloombele ne kwaamba amba, "Anweeba Nkambo mwayuuka michima ya baantu boonse, mwi tubuule umo pa bano babiji ye mwasalulula, ²⁵ ekale pa kifulo mu uno mwiingilo kabiiji ne mu butumwa mwafuuma Yudasa ne kuuya ku mpuunzha kwaanji mwiine." ²⁶ Bataile bubale, kabiiji ne bubale bwaponeejile pe Matiasa, kabiiji ne aye wabajilwe pamo na batumwa ba jikumi ne umo.